১. ৰিভঙ্গৰারো

হেতুপচ্চযো

১১০. সৰিতক্কং ধম্মং পচ্চযা সৰিতক্কো ধম্মো উপ্পজ্জতি হেতুপচ্চযা… তীণি (পটিচ্চৰারসদিসা).

অৰিতক্কং ধম্মং পচ্চযা অৰিতক্কো ধম্মো উপ্পজ্জতি হেতুপচ্চযা – অৰিতক্কং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… ৰিতক্কং পচ্চযা চিত্তসমুট্ঠানং রূপং; পটিসন্ধিক্খণে অৰিতক্কং একং খন্ধং পচ্চযা তযো খন্ধা কটত্তা চ রূপং…পে… দ্ৰে খন্ধে…পে… পটিসন্ধিক্খণে ৰিতক্কং পচ্চযা কটত্তারূপং, খন্ধে পচ্চযা ৰত্থু, ৰত্থুং পচ্চযা খন্ধা, ৰিতক্কং পচ্চযা ৰত্থু, ৰত্থুং পচ্চযা ৰিতক্কো, একং মহাভূতং পচ্চযা তযো মহাভূতা…পে… ৰত্থুং পচ্চযা অৰিতক্কা খন্ধা, ৰত্থুং পচ্চযা ৰিতক্কো.

অৰিতক্কং ধম্মং পচ্চযা সৰিতক্কো ধম্মো উপ্পজ্জতি হেতুপচ্চযা – ৰিতক্কং পচ্চযা সম্পযুত্তকা খন্ধা, ৰত্থুং পচ্চযা সৰিতক্কা খন্ধা (পটিসন্ধিযাপি দ্ৰে).

অৰিতক্কং ধম্মং পচ্চযা সৰিতক্কো চ অৰিতক্কো চ ধম্মা উপ্পজ্জন্তি হেতুপচ্চযা – ৰিতক্কং পচ্চযা সম্পযুত্তকা খন্ধা চিত্তসমুট্ঠানঞ্চ রূপং, ৰিতক্কং পচ্চযা সম্পযুত্তকা খন্ধা, মহাভূতে পচ্চযা চিত্তসমুট্ঠানং রূপং, ৰত্থুং পচ্চযা সৰিতক্কা খন্ধা, মহাভূতে পচ্চযা চিত্তসমুট্ঠানং রূপং, ৰত্থুং পচ্চযা ৰিতক্কো সম্পযুত্তকা চ খন্ধা; পটিসন্ধিক্খণে…পে… (পটিসন্ধিযাপি পৰত্তিসদিসাযেৰ). (৩)

১১১. সৰিতক্কঞ্চ অৰিতক্কঞ্চ ধম্মং পচ্চযা সৰিতক্কো ধম্মো উপ্পজ্জতি হেতুপচ্চযা – সৰিতক্কং একং খন্ধঞ্চ ৰিতক্কঞ্চ পচ্চযা তযো খন্ধা…পে… দ্ৰে খন্ধে…পে… সৰিতক্কং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে…পে… (পটিসন্ধিক্খণে দ্ৰে কাতব্বা). (১)

সৰিতক্কঞ্চ অৰিতক্কঞ্চ ধম্মং পচ্চযা অৰিতক্কো ধম্মো উপ্পজ্জতি হেতুপচ্চযা – সৰিতক্কে খন্ধে চ ৰিতক্কঞ্চ পচ্চযা চিত্তসমুট্ঠানং রূপং, সৰিতক্কে খন্ধে চ ৰিতক্কঞ্চ মহাভূতে চ পচ্চযা চিত্তসমুট্ঠানং রূপং, সৰিতক্কে খন্ধে চ ৰত্থুঞ্চ পচ্চযা ৰিতক্কো; পটিসন্ধিক্খণে…পে… (তীণি, পটিসন্ধিযাপি). (২)

সৰিতক্কঞ্চ অৰিতক্কঞ্চ ধম্মং পচ্চযা সৰিতক্কো চ অৰিতক্কো চ ধম্মা উপ্পজ্জন্তি হেতুপচ্চযা – সৰিতক্কং একং খন্ধঞ্চ ৰিতক্কঞ্চ পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… সৰিতক্কং একং খন্ধঞ্চ ৰিতক্কঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে…পে… সৰিতক্কে খন্ধে চ ৰিতক্কঞ্চ মহাভূতে চ পচ্চযা চিত্তসমুট্ঠানং রূপং, সৰিতক্কং একং খন্ধঞ্চ ৰত্থুঞ্চ পচ্চযা তযো খন্ধা ৰিতক্কো চ…পে… দ্ৰে খন্ধে…পে… পটিসন্ধিক্খণে…পে…. (৩)