১. ৰিভঙ্গৰারো

নহেতুপচ্চযো

১০৬. সৰিতক্কং ধম্মং পটিচ্চ সৰিতক্কো ধম্মো উপ্পজ্জতি নহেতুপচ্চযা – অহেতুকং সৰিতক্কং একং খন্ধং পটিচ্চ তযো খন্ধা…পে… দ্ৰে খন্ধে…পে… অহেতুকপটিসন্ধিক্খণে…পে… ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (সৰিতক্কমূলকা অৰসেসা দ্ৰে পঞ্হা কাতব্বা, অহেতুকং নিন্নানং.) (৩)

অৰিতক্কং ধম্মং পটিচ্চ অৰিতক্কো ধম্মো উপ্পজ্জতি নহেতুপচ্চযা – অহেতুকং অৰিতক্কং একং খন্ধং পটিচ্চ তযো খন্ধা…পে… দ্ৰে খন্ধে…পে… অহেতুকং ৰিতক্কং পটিচ্চ চিত্তসমুট্ঠানং রূপং; অহেতুকপটিসন্ধিক্খণে ৰিতক্কং পটিচ্চ কটত্তারূপং, ৰিতক্কং পটিচ্চ ৰত্থু, ৰত্থুং পটিচ্চ ৰিতক্কো, একং মহাভূতং…পে…. (১)

অৰিতক্কং ধম্মং পটিচ্চ সৰিতক্কো ধম্মো উপ্পজ্জতি নহেতুপচ্চযা – অহেতুকং ৰিতক্কং পটিচ্চ সম্পযুত্তকা খন্ধা, অহেতুকপটিসন্ধিক্খণে ৰিতক্কং পটিচ্চ সম্পযুত্তকা খন্ধা; পটিসন্ধিক্খণে ৰত্থুং পটিচ্চ অহেতুকা সৰিতক্কা খন্ধা, ৰিতক্কং পটিচ্চ ৰিচিকিচ্ছাসহগতো উদ্ধচ্চসহগতো মোহো. (২)

অৰিতক্কং ধম্মং পটিচ্চ সৰিতক্কো চ অৰিতক্কো চ ধম্মা উপ্পজ্জন্তি নহেতুপচ্চযা. (সংখিত্তং. হেতুপচ্চযসদিসং. ‘‘অহেতুক’’ন্তি নিযামেতব্বং.) (৩)

সৰিতক্কঞ্চ অৰিতক্কঞ্চ ধম্মং পটিচ্চ সৰিতক্কো ধম্মো উপ্পজ্জতি নহেতুপচ্চযা – অহেতুকং সৰিতক্কং একং খন্ধঞ্চ ৰিতক্কঞ্চ পটিচ্চ তযো খন্ধা…পে… দ্ৰে খন্ধে…পে… অহেতুকপটিসন্ধিক্খণে সৰিতক্কং একং খন্ধঞ্চ ৰিতক্কঞ্চ পটিচ্চ তযো খন্ধা…পে… দ্ৰে খন্ধে…পে… অহেতুকপটিসন্ধিক্খণে সৰিতক্কং একং খন্ধঞ্চ ৰত্থুঞ্চ ৰিতক্কঞ্চ পটিচ্চ তযো খন্ধা…পে… দ্ৰে খন্ধে…পে… ৰিচিকিচ্ছাসহগতে উদ্ধচ্চসহগতে খন্ধে চ ৰিতক্কঞ্চ পটিচ্চ ৰিচিকিচ্ছাসহগতো উদ্ধচ্চসহগতো মোহো. (অৰসেসা দ্ৰে পঞ্হা হেতুপচ্চযসদিসা নিন্নানা, অহেতুকন্তি নিযামেতব্বং.) (৩)