১. ৰিভঙ্গৰারো

হেতুপচ্চযো

৯৪. ভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স হেতুপচ্চযেন পচ্চযো… ছ…পে… (দস্সনেন পহাতব্বহেতুকদুকসদিসা).

আরম্মণপচ্চযো

৯৫. ভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স আরম্মণপচ্চযেন পচ্চযো… তীণি (আরব্ভ দস্সনেন পহাতব্বহেতুকদুকসদিসা).

৯৬. নভাৰনায পহাতব্বহেতুকো ধম্মো নভাৰনায পহাতব্বহেতুকস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি অস্সাদেতি অভিনন্দতি, তং আরব্ভ নভাৰনায পহাতব্বহেতুকো রাগো উপ্পজ্জতি, দিট্ঠি…পে… ৰিচিকিচ্ছা…পে… নভাৰনায পহাতব্বহেতুকং দোমনস্সং উপ্পজ্জতি, পুব্বে সুচিণ্ণানি…পে… ঝানা…পে… অরিযা মগ্গা…পে… ফলস্স, আৰজ্জনায আরম্মণপচ্চযেন পচ্চযো; অরিযা নভাৰনায পহাতব্বহেতুকে পহীনে কিলেসে…পে… পুব্বে সমুদাচিণ্ণে…পে… চক্খুং…পে… ৰত্থুং নভাৰনায পহাতব্বহেতুকে খন্ধে চ মোহঞ্চ অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ নভাৰনায পহাতব্বহেতুকো রাগো উপ্পজ্জতি, দিট্ঠি…পে… ৰিচিকিচ্ছা…পে… নভাৰনায পহাতব্বহেতুকং দোমনস্সং উপ্পজ্জতি; দিব্বেন চক্খুনা রূপং পস্সতি…পে… অনাগতংসঞাণস্স, আৰজ্জনায, মোহস্স চ আরম্মণপচ্চযেন পচ্চযো. (১)

নভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স আরম্মণপচ্চযেন পচ্চযো – দানং…পে… সীলং…পে… ঝানং…পে… চক্খুং…পে… ৰত্থুং নভাৰনায পহাতব্বহেতুকে খন্ধে চ মোহঞ্চ অস্সাদেতি অভিনন্দতি, তং আরব্ভ ভাৰনায পহাতব্বহেতুকো রাগো উপ্পজ্জতি, উদ্ধচ্চং…পে… ভাৰনায পহাতব্বহেতুকং দোমনস্সং উপ্পজ্জতি. (২)

নভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নভাৰনায পহাতব্বহেতুকস্স চ ধম্মস্স আরম্মণপচ্চযেন পচ্চযো – চক্খুং…পে… ৰত্থুং নভাৰনায পহাতব্বহেতুকে খন্ধে চ মোহঞ্চ আরব্ভ উদ্ধচ্চসহগতা খন্ধা চ মোহো চ উপ্পজ্জন্তি (ঘটনারম্মণা তীণিপি কাতব্বা). (৩)

অধিপতিপচ্চযাদি

৯৭. ভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – ভাৰনায পহাতব্বহেতুকং রাগং গরুং কত্ৰা অস্সাদেতি অভিনন্দতি, তং গরুং কত্ৰা ভাৰনায পহাতব্বহেতুকো রাগো উপ্পজ্জতি. সহজাতাধিপতি – ভাৰনায পহাতব্বহেতুকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

ভাৰনায পহাতব্বহেতুকো ধম্মো নভাৰনায পহাতব্বহেতুকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – ভাৰনায পহাতব্বহেতুকং রাগং গরুং কত্ৰা অস্সাদেতি অভিনন্দতি, তং গরুং কত্ৰা নভাৰনায পহাতব্বহেতুকো রাগো উপ্পজ্জতি, দিট্ঠি উপ্পজ্জতি. সহজাতাধিপতি – ভাৰনায পহাতব্বহেতুকাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

ভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নভাৰনায পহাতব্বহেতুকস্স চ ধম্মস্স অধিপতিপচ্চযেন পচ্চযো. সহজাতাধিপতি – ভাৰনায পহাতব্বহেতুকাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

৯৮. নভাৰনায পহাতব্বহেতুকো ধম্মো নভাৰনায পহাতব্বহেতুকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি অস্সাদেতি অভিনন্দতি, তং গরুং কত্ৰা নভাৰনায পহাতব্বহেতুকো রাগো উপ্পজ্জতি, দিট্ঠি উপ্পজ্জতি, পুব্বে…পে… ঝানা…পে… অরিযা মগ্গা ৰুট্ঠহিত্ৰা…পে… ফলস্স অধিপতিপচ্চযেন পচ্চযো; চক্খুং…পে… ৰত্থুং নভাৰনায পহাতব্বহেতুকে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা নভাৰনায পহাতব্বহেতুকো রাগো উপ্পজ্জতি, দিট্ঠি উপ্পজ্জতি. সহজাতাধিপতি – নভাৰনায পহাতব্বহেতুকাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

নভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স অধিপতিপচ্চযেন পচ্চযো – আরম্মণাধিপতি – দানং…পে… ঝানং…পে… চক্খুং…পে… ৰত্থুং নভাৰনায পহাতব্বহেতুকে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা ভাৰনায পহাতব্বহেতুকো রাগো উপ্পজ্জতি. (২)

(অনন্তরপচ্চযে নভাৰনায পহাতব্বহেতুককারণা ৰিচিকিচ্ছাসহগতো মোহো ন কাতব্বো, উদ্ধচ্চসহগতো মোহো কাতব্বো.) সমনন্তরপচ্চযেন পচ্চযো… সহজাতপচ্চযেন পচ্চযো… নৰ… অঞ্ঞমঞ্ঞপচ্চযেন পচ্চযো… ছ… নিস্সযপচ্চযেন পচ্চযো… নৰ.

উপনিস্সযপচ্চযো

৯৯. ভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – ভাৰনায পহাতব্বহেতুকা খন্ধা ভাৰনায পহাতব্বহেতুকানং খন্ধানং উপনিস্সযপচ্চযেন পচ্চযো. (মূলং কাতব্বং.) ভাৰনায পহাতব্বহেতুকা খন্ধা নভাৰনায পহাতব্বহেতুকানং খন্ধানং মোহস্স চ উপনিস্সযপচ্চযেন পচ্চযো; সকভণ্ডে ছন্দরাগো পরভণ্ডে ছন্দরাগস্স উপনিস্সযপচ্চযেন পচ্চযো; সকপরিগ্গহে ছন্দরাগো পরপরিগ্গহে ছন্দরাগস্স উপনিস্সযপচ্চযেন পচ্চযো. (মূলং কাতব্বং.) ভাৰনায পহাতব্বহেতুকা খন্ধা উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

১০০. নভাৰনায পহাতব্বহেতুকো ধম্মো নভাৰনায পহাতব্বহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, দিট্ঠিং গণ্হাতি; সীলং…পে… পঞ্ঞং… নভাৰনায পহাতব্বহেতুকং রাগং… দোসং… মোহং… দিট্ঠিং… পত্থনং… কাযিকং সুখং… কাযিকং দুক্খং…পে… সেনাসনং উপনিস্সায দানং দেতি…পে… পাণং হনতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… পঞ্ঞায… নভাৰনায পহাতব্বহেতুকস্স রাগস্স … দোসস্স… মোহস্স… দিট্ঠিযা… পত্থনায… কাযিকস্স সুখস্স…পে… ফলসমাপত্তিযা উপনিস্সযপচ্চযেন পচ্চযো. (১)

নভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি…পে… সদ্ধা …পে… সেনাসনং ভাৰনায পহাতব্বহেতুকস্স রাগস্স… দোসস্স… মোহস্স… মানস্স… পত্থনায উপনিস্সযপচ্চযেন পচ্চযো. (২)

নভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নভাৰনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধা…পে… পঞ্ঞা… কাযিকং সুখং…পে… সেনাসনং উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো (ঘটনূপনিস্সযাপি তীণিপি কাতব্বা). (৩)

পুরেজাতপচ্চযাদি

১০১. নভাৰনায পহাতব্বহেতুকো ধম্মো নভাৰনায পহাতব্বহেতুকস্স ধম্মস্স পুরেজাতপচ্চযেন পচ্চযো… তীণি… পচ্ছাজাতপচ্চযেন পচ্চযো… তীণি… আসেৰনপচ্চযেন পচ্চযো… নৰ… কম্মপচ্চযেন পচ্চযো (নভাৰনায পহাতব্বভাজনকারণে নানাক্খণিকা লব্ভতি ) …পে… নোৰিগতপচ্চযেন পচ্চযো. (সংখিত্তং. যথা দস্সনেন পহাতব্বহেতুকদুকং এৰং ভাৰনায পহাতব্বহেতুকপচ্চযাপি পচ্চনীযাপি ৰিভাগোপি গণনাপি নিন্নানাকরণা.)

নদস্সনেন পহাতব্বো ধম্মো নদস্সনেন পহাতব্বস্স ধম্মস্স…পে…. (পরন্তেন সকভণ্ডছন্দরাগোপি কাতব্বো.)

ভাৰনায পহাতব্বো ধম্মো নভাৰনায পহাতব্বস্স ধম্মস্স…পে…. (পরন্তেন ‘‘সকভণ্ডছন্দরাগো’’তি কাতব্বং.)

ভাৰনাযপহাতব্বহেতুকদুকং নিট্ঠিতং.