১. ৰিভঙ্গৰারো

হেতুপচ্চযো

৬৮. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স হেতুপচ্চযেন পচ্চযো – দস্সনেন পহাতব্বহেতুকা হেতূ সম্পযুত্তকানং খন্ধানং হেতুপচ্চযেন পচ্চযো. (মূলং কাতব্বং.) দস্সনেন পহাতব্বহেতুকা হেতূ চিত্তসমুট্ঠানানং রূপানং হেতুপচ্চযেন পচ্চযো. (মূলং কাতব্বং.) দস্সনেন পহাতব্বহেতুকা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

৬৯. নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স হেতুপচ্চযেন পচ্চযো – নদস্সনেন পহাতব্বহেতুকা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো, ৰিচিকিচ্ছাসহগতো মোহো চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (মূলং কাতব্বং.) ৰিচিকিচ্ছাসহগতো মোহো সম্পযুত্তকানং খন্ধানং হেতুপচ্চযেন পচ্চযো. (মূলং কাতব্বং.) ৰিচিকিচ্ছাসহগতো মোহো সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

আরম্মণপচ্চযো

৭০. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আরম্মণপচ্চযেন পচ্চযো – দস্সনেন পহাতব্বহেতুকে খন্ধে আরব্ভ দস্সনেন পহাতব্বহেতুকা খন্ধা উপ্পজ্জন্তি. (মূলং কাতব্বং.) দস্সনেন পহাতব্বহেতুকে খন্ধে আরব্ভ নদস্সনেন পহাতব্বহেতুকা খন্ধা চ মোহো চ উপ্পজ্জন্তি. (মূলং কাতব্বং.) দস্সনেন পহাতব্বহেতুকে খন্ধে আরব্ভ ৰিচিকিচ্ছাসহগতা খন্ধা চ মোহো চ উপ্পজ্জন্তি. (৩)

৭১. নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি, অস্সাদেতি অভিনন্দতি, তং আরব্ভ নদস্সনেন পহাতব্বহেতুকো রাগো উপ্পজ্জতি, উদ্ধচ্চং উপ্পজ্জতি, নদস্সনেন পহাতব্বহেতুকং দোমনস্সং উপ্পজ্জতি, পুব্বে সুচিণ্ণানি …পে… ঝানা ৰুট্ঠহিত্ৰা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি…পে… অরিযা নদস্সনেন পহাতব্বহেতুকে পহীনে কিলেসে পচ্চৰেক্খন্তি, ৰিক্খম্ভিতে কিলেসে…পে… পুব্বে সমুদাচিণ্ণে কিলেসে জানন্তি, চক্খুং…পে… ৰত্থুং নদস্সনেন পহাতব্বহেতুকে খন্ধে চ মোহঞ্চ অনিচ্চতো…পে… ৰিপস্সতি, অস্সাদেতি অভিনন্দতি, তং আরব্ভ নদস্সনেন পহাতব্বহেতুকো রাগো উপ্পজ্জতি, উদ্ধচ্চং উপ্পজ্জতি, নদস্সনেন পহাতব্বহেতুকং দোমনস্সং উপ্পজ্জতি, দিব্বেন চক্খুনা রূপং পস্সতি…পে… অনাগতংসঞাণস্স, আৰজ্জনায, মোহস্স চ আরম্মণপচ্চযেন পচ্চযো.

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আরম্মণপচ্চযেন পচ্চযো – দানং…পে… ঝানং…পে… চক্খুং…পে… ৰত্থুং নদস্সনেন পহাতব্বহেতুকে খন্ধে চ মোহঞ্চ অস্সাদেতি অভিনন্দতি, তং আরব্ভ দস্সনেন পহাতব্বহেতুকো রাগো উপ্পজ্জতি, দিট্ঠি…পে… ৰিচিকিচ্ছা…পে… দস্সনেন পহাতব্বহেতুকং দোমনস্সং উপ্পজ্জতি.

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স আরম্মণপচ্চযেন পচ্চযো – চক্খুং…পে… ৰত্থুং নদস্সনেন পহাতব্বহেতুকে খন্ধে চ মোহঞ্চ আরব্ভ ৰিচিকিচ্ছাসহগতা খন্ধা চ মোহো চ উপ্পজ্জন্তি. (৩)

৭২. দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স আরম্মণপচ্চযেন পচ্চযো – ৰিচিকিচ্ছাসহগতে খন্ধে চ মোহঞ্চ আরব্ভ দস্সনেন পহাতব্বহেতুকা খন্ধা উপ্পজ্জন্তি. (মূলং কাতব্বং.) ৰিচিকিচ্ছাসহগতে খন্ধে চ মোহঞ্চ আরব্ভ নদস্সনেন পহাতব্বহেতুকা খন্ধা চ মোহো চ উপ্পজ্জন্তি. (মূলং কাতব্বং.) ৰিচিকিচ্ছাসহগতে খন্ধে চ মোহঞ্চ আরব্ভ ৰিচিকিচ্ছাসহগতা খন্ধা চ মোহো চ উপ্পজ্জন্তি. (৩)

অধিপতিপচ্চযো

৭৩. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দস্সনেন পহাতব্বহেতুকে খন্ধে গরুং কত্ৰা দস্সনেন পহাতব্বহেতুকা খন্ধা উপ্পজ্জন্তি. সহজাতাধিপতি – দস্সনেন পহাতব্বহেতুকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

দস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স অধিপতিপচ্চযেন পচ্চযো. সহজাতাধিপতি – দস্সনেন পহাতব্বহেতুকাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স অধিপতিপচ্চযেন পচ্চযো. সহজাতাধিপতি – দস্সনেন পহাতব্বহেতুকাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

৭৪. নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি অস্সাদেতি অভিনন্দতি, তং গরুং কত্ৰা নদস্সনেন পহাতব্বহেতুকো রাগো উপ্পজ্জতি, পুব্বে সুচিণ্ণানি…পে… ঝানা…পে… অরিযা মগ্গা ৰুট্ঠহিত্ৰা মগ্গং গরুং কত্ৰা…পে… ফলস্স অধিপতিপচ্চযেন পচ্চযো; চক্খুং…পে… ৰত্থুং নদস্সনেন পহাতব্বহেতুকে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা নদস্সনেন পহাতব্বহেতুকো রাগো উপ্পজ্জতি. সহজাতাধিপতি – নদস্সনেন পহাতব্বহেতুকাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অধিপতিপচ্চযেন পচ্চযো. আরম্মণাধিপতি – দানং…পে… সীলং…পে… উপোসথকম্মং কত্ৰা…পে… ঝানা…পে… চক্খুং…পে… ৰত্থুং নদস্সনেন পহাতব্বহেতুকে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা দস্সনেন পহাতব্বহেতুকো রাগো উপ্পজ্জতি, দিট্ঠি উপ্পজ্জতি. (২)

অনন্তরপচ্চযো

৭৫. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা দস্সনেন পহাতব্বহেতুকা খন্ধা পচ্ছিমানং পচ্ছিমানং দস্সনেন পহাতব্বহেতুকানং খন্ধানং অনন্তরপচ্চযেন পচ্চযো. (মূলং কাতব্বং.) পুরিমা পুরিমা ৰিচিকিচ্ছাসহগতা খন্ধা পচ্ছিমস্স পচ্ছিমস্স ৰিচিকিচ্ছাসহগতস্স মোহস্স অনন্তরপচ্চযেন পচ্চযো; দস্সনেন পহাতব্বহেতুকা খন্ধা ৰুট্ঠানস্স অনন্তরপচ্চযেন পচ্চযো. (মূলং কাতব্বং.) পুরিমা পুরিমা ৰিচিকিচ্ছাসহগতা খন্ধা পচ্ছিমানং পচ্ছিমানং ৰিচিকিচ্ছাসহগতানং খন্ধানং মোহস্স চ অনন্তরপচ্চযেন পচ্চযো. (৩)

৭৬. নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স অনন্তরপচ্চযেন পচ্চযো – পুরিমো পুরিমো ৰিচিকিচ্ছাসহগতো মোহো পচ্ছিমস্স পচ্ছিমস্স ৰিচিকিচ্ছাসহগতস্স মোহস্স অনন্তরপচ্চযেন পচ্চযো; পুরিমা পুরিমা নদস্সনেন পহাতব্বহেতুকা খন্ধা…পে… ফলসমাপত্তিযা অনন্তরপচ্চযেন পচ্চযো. (মূলং কাতব্বং.) পুরিমো পুরিমো ৰিচিকিচ্ছাসহগতো মোহো পচ্ছিমানং পচ্ছিমানং ৰিচিকিচ্ছাসহগতানং খন্ধানং অনন্তরপচ্চযেন পচ্চযো; আৰজ্জনা দস্সনেন পহাতব্বহেতুকানং খন্ধানং অনন্তরপচ্চযেন পচ্চযো. (মূলং কাতব্বং.) পুরিমো পুরিমো ৰিচিকিচ্ছাসহগতো মোহো পচ্ছিমানং পচ্ছিমানং ৰিচিকিচ্ছাসহগতানং খন্ধানং মোহস্স চ অনন্তরপচ্চযেন পচ্চযো; আৰজ্জনা ৰিচিকিচ্ছাসহগতানং খন্ধানং মোহস্স চ অনন্তরপচ্চযেন পচ্চযো. (৩)

৭৭. দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা ৰিচিকিচ্ছাসহগতা খন্ধা চ মোহো চ পচ্ছিমানং পচ্ছিমানং ৰিচিকিচ্ছাসহগতানং খন্ধানং অনন্তরপচ্চযেন পচ্চযো. (মূলং কাতব্বং.) পুরিমা পুরিমা ৰিচিকিচ্ছাসহগতা খন্ধা চ মোহো চ পচ্ছিমস্স পচ্ছিমস্স ৰিচিকিচ্ছাসহগতস্স মোহস্স অনন্তরপচ্চযেন পচ্চযো; ৰিচিকিচ্ছাসহগতা খন্ধা চ মোহো চ ৰুট্ঠানস্স অনন্তরপচ্চযেন পচ্চযো. (মূলং কাতব্বং.) পুরিমা পুরিমা ৰিচিকিচ্ছাসহগতা খন্ধা চ মোহো চ পচ্ছিমানং পচ্ছিমানং ৰিচিকিচ্ছাসহগতানং খন্ধানং মোহস্স চ অনন্তরপচ্চযেন পচ্চযো. (৩)

সমনন্তরপচ্চযেন পচ্চযো… নৰ… সহজাতপচ্চযেন পচ্চযো… নৰ… অঞ্ঞমঞ্ঞপচ্চযেন পচ্চযো… ছ… নিস্সযপচ্চযেন পচ্চযো… নৰ.

উপনিস্সযপচ্চযো

৭৮. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বহেতুকা খন্ধা দস্সনেন পহাতব্বহেতুকানং খন্ধানং উপনিস্সযপচ্চযেন পচ্চযো. (অৰসেসেসু দ্ৰীসু অনন্তরূপনিস্সযো, পকতূপনিস্সযো.) (মূলং কাতব্বং.) দস্সনেন পহাতব্বহেতুকা খন্ধা নদস্সনেন পহাতব্বহেতুকানং খন্ধানং মোহস্স চ উপনিস্সযপচ্চযেন পচ্চযো. (মূলং কাতব্বং.) দস্সনেন পহাতব্বহেতুকা খন্ধা ৰিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

৭৯. নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি মানং জপ্পেতি; সীলং …পে… পঞ্ঞং… নদস্সনেন পহাতব্বহেতুকং রাগং… দোসং… মোহং… মানং… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সমাপত্তিং উপ্পাদেতি; সদ্ধা…পে… সেনাসনং সদ্ধায…পে… পঞ্ঞায নদস্সনেন পহাতব্বহেতুকস্স রাগস্স…পে… পত্থনায ফলসমাপত্তিযা উপনিস্সযপচ্চযেন পচ্চযো. (১)

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দিট্ঠিং গণ্হাতি; সীলং…পে… পঞ্ঞং… নদস্সনেন পহাতব্বহেতুকং রাগং… দোসং… মোহং… মানং… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং দস্সনেন পহাতব্বহেতুকস্স রাগস্স… দোসস্স… মোহস্স… দিট্ঠিযা… পত্থনায উপনিস্সযপচ্চযেন পচ্চযো. (২)

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধা…পে… পঞ্ঞা, নদস্সনেন পহাতব্বহেতুকো রাগো… দোসো… মোহো… মানো… পত্থনা… কাযিকং সুখং…পে… সেনাসনং, ৰিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

৮০. দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – ৰিচিকিচ্ছাসহগতা খন্ধা চ মোহো চ দস্সনেন পহাতব্বহেতুকানং খন্ধানং উপনিস্সযপচ্চযেন পচ্চযো. (মূলং কাতব্বং.) ৰিচিকিচ্ছাসহগতা খন্ধা চ মোহো চ নদস্সনেন পহাতব্বহেতুকানং খন্ধানং মোহস্স চ উপনিস্সযপচ্চযেন পচ্চযো. (মূলং কাতব্বং.) ৰিচিকিচ্ছাসহগতা খন্ধা চ মোহো চ ৰিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

পুরেজাতপচ্চযো

৮১. নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… ৰিপস্সতি, অস্সাদেতি অভিনন্দতি, তং আরব্ভ নদস্সনেন পহাতব্বহেতুকো রাগো উপ্পজ্জতি, উদ্ধচ্চং উপ্পজ্জতি, নদস্সনেন পহাতব্বহেতুকং দোমনস্সং উপ্পজ্জতি; দিব্বেন…পে…. (সংখিত্তং. ৰত্থুপুরেজাতং সংখিত্তং.) (১)

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ দস্সনেন পহাতব্বহেতুকো রাগো উপ্পজ্জতি, দিট্ঠি…পে… ৰিচিকিচ্ছা…পে… দস্সনেন পহাতব্বহেতুকং দোমনস্সং উপ্পজ্জতি. (ৰত্থুপুরেজাতং সংখিত্তং.) (২)

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং আরব্ভ ৰিচিকিচ্ছাসহগতা খন্ধা চ মোহো চ উপ্পজ্জন্তি. (ৰত্থুপুরেজাতং সংখিত্তং.) (৩)

পচ্ছাজাতাসেৰনপচ্চযা

৮২. দস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স পচ্ছাজাতপচ্চযেন পচ্চযো (সংখিত্তং). নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স পচ্ছাজাতপচ্চযেন পচ্চযো (সংখিত্তং). দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা নদস্সনেন পহাতব্বহেতুকস্স ধম্মস্স পচ্ছাজাতপচ্চযেন পচ্চযো (সংখিত্তং)… আসেৰনপচ্চযেন পচ্চযো.

কম্মপচ্চযাদি

৮৩. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স কম্মপচ্চযেন পচ্চযো – দস্সনেন পহাতব্বহেতুকা চেতনা সম্পযুত্তকানং খন্ধানং কম্মপচ্চযেন পচ্চযো. (মূলং কাতব্বং.) সহজাতা, নানাক্খণিকা. সহজাতা – দস্সনেন পহাতব্বহেতুকা চেতনা চিত্তসমুট্ঠানানং রূপানং কম্মপচ্চযেন পচ্চযো. নানাক্খণিকা – দস্সনেন পহাতব্বহেতুকা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স কম্মপচ্চযেন পচ্চযো – দস্সনেন পহাতব্বহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নদস্সনেন পহাতব্বহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নদস্সনেন পহাতব্বহেতুকা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (১)

ৰিপাকপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো… ছ… ৰিপ্পযুত্তপচ্চযেন পচ্চযো… পঞ্চ.

অত্থিপচ্চযাদি

৮৪. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অত্থিপচ্চযেন পচ্চযো… তীণি.

নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). নদস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং (সংখিত্তং). নদস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স অত্থিপচ্চযেন পচ্চযো – সহজাতং, পুরেজাতং (সংখিত্তং). (৩)

৮৫. দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – দস্সনেন পহাতব্বহেতুকো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে… ৰিচিকিচ্ছাসহগতো একো খন্ধো চ মোহো চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে…. দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা নদস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স অত্থিপচ্চযেন পচ্চযো – সহজাতং, পুরেজাতং (সংখিত্তং). (৩)

নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো.