১-৪. পচ্চযচতুক্কং

হেতুপচ্চযো

৬৪. দস্সনেন পহাতব্বহেতুকং ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকং একং খন্ধং সংসট্ঠা তযো খন্ধা…পে… দ্ৰে খন্ধে…পে…. (১)

নদস্সনেন পহাতব্বহেতুকং ধম্মং সংসট্ঠো নদস্সনেন পহাতব্বহেতুকো ধম্মো উপ্পজ্জতি হেতুপচ্চযা – নদস্সনেন পহাতব্বহেতুকং একং খন্ধং সংসট্ঠা তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)

নদস্সনেন পহাতব্বহেতুকং ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি হেতুপচ্চযা – ৰিচিকিচ্ছাসহগতং মোহং সংসট্ঠা সম্পযুত্তকা খন্ধা. (২)

দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি হেতুপচ্চযা – ৰিচিকিচ্ছাসহগতং একং খন্ধঞ্চ মোহঞ্চ সংসট্ঠা তযো খন্ধা…পে… দ্ৰে খন্ধে চ…পে…. (১)

আরম্মণপচ্চযো

৬৫. দস্সনেন পহাতব্বহেতুকং ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা… তীণি (পটিচ্চসদিসা).

নদস্সনেন পহাতব্বহেতুকং ধম্মং সংসট্ঠো নদস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – নদস্সনেন পহাতব্বহেতুকং একং খন্ধং সংসট্ঠা তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)

নদস্সনেন পহাতব্বহেতুকং ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা (পটিচ্চসদিসং). (২)

দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা (পটিচ্চসদিসং, সংখিত্তং). (১)

৬৬. হেতুযা চত্তারি, আরম্মণে ছ, অধিপতিযা দ্ৰে, অনন্তরে ছ (সব্বত্থ ছ), ৰিপাকে একং…পে… অৰিগতে ছ.

অনুলোমং.

নহেতুপচ্চযো

৬৭. দস্সনেন পহাতব্বহেতুকং ধম্মং সংসট্ঠো নদস্সনেন পহাতব্বহেতুকো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে খন্ধে সংসট্ঠো ৰিচিকিচ্ছাসহগতো মোহো. (১)

নদস্সনেন পহাতব্বহেতুকং ধম্মং সংসট্ঠো নদস্সনেন পহাতব্বহেতুকো ধম্মো উপ্পজ্জতি নহেতুপচ্চযা – অহেতুকং নদস্সনেন পহাতব্বহেতুকং একং খন্ধং সংসট্ঠা তযো খন্ধা…পে… দ্ৰে খন্ধে…পে… অহেতুকপটিসন্ধিক্খণে…পে… উদ্ধচ্চসহগতে খন্ধে সংসট্ঠো উদ্ধচ্চসহগতো মোহো. (১)

নহেতুযা দ্ৰে, নঅধিপতিযা ছ, নপুরেজাতে ছ, নপচ্ছাজাতে ছ, নআসেৰনে ছ, নকম্মে চত্তারি, নৰিপাকে ছ, নঝানে একং, নমগ্গে একং, নৰিপ্পযুত্তে ছ.

পচ্চনীযং.

হেতুদুকং

হেতুপচ্চযা নঅধিপতিযা চত্তারি, নপুরেজাতে চত্তারি…পে… নৰিপ্পযুত্তে চত্তারি.

নহেতুদুকং

নহেতুপচ্চযা আরম্মণে দ্ৰে, অনন্তরে দ্ৰে…পে… ৰিপাকে একং…পে… অৰিগতে দ্ৰে.