১. ৰিভঙ্গৰারো

হেতুপচ্চযো

৫৭. দস্সনেন পহাতব্বহেতুকং ধম্মং পচ্চযা দস্সনেন পহাতব্বহেতুকো ধম্মো উপ্পজ্জতি হেতুপচ্চযা… তীণি.

নদস্সনেন পহাতব্বহেতুকং ধম্মং পচ্চযা নদস্সনেন পহাতব্বহেতুকো ধম্মো উপ্পজ্জতি হেতুপচ্চযা – নদস্সনেন পহাতব্বহেতুকং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… (যাৰ অজ্ঝত্তিকা মহাভূতা) ৰত্থুং পচ্চযা নদস্সনেন পহাতব্বহেতুকা খন্ধা. (১)

নদস্সনেন পহাতব্বহেতুকং ধম্মং পচ্চযা দস্সনেন পহাতব্বহেতুকো ধম্মো উপ্পজ্জতি হেতুপচ্চযা – ৰত্থুং পচ্চযা দস্সনেন পহাতব্বহেতুকা খন্ধা, ৰিচিকিচ্ছাসহগতং মোহং পচ্চযা সম্পযুত্তকা খন্ধা. (২)

নদস্সনেন পহাতব্বহেতুকং ধম্মং পচ্চযা দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা উপ্পজ্জন্তি হেতুপচ্চযা – ৰত্থুং পচ্চযা দস্সনেন পহাতব্বহেতুকা খন্ধা, মহাভূতে পচ্চযা চিত্তসমুট্ঠানং রূপং, ৰিচিকিচ্ছাসহগতং মোহং পচ্চযা সম্পযুত্তকা খন্ধা চিত্তসমুট্ঠানঞ্চ রূপং. (৩)

৫৮. দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পচ্চযা দস্সনেন পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… ৰিচিকিচ্ছাসহগতং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে…. (১)

দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পচ্চযা নদস্সনেন পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকে খন্ধে চ মহাভূতে চ পচ্চযা চিত্তসমুট্ঠানং রূপং, ৰিচিকিচ্ছাসহগতে খন্ধে চ মোহঞ্চ পচ্চযা চিত্তসমুট্ঠানং রূপং. (২)

দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পচ্চযা দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা উপ্পজ্জন্তি হেতুপচ্চযা – দস্সনেন পহাতব্বহেতুকং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… দস্সনেন পহাতব্বহেতুকে খন্ধে চ মহাভূতে চ পচ্চযা চিত্তসমুট্ঠানং রূপং, ৰিচিকিচ্ছাসহগতং একং খন্ধঞ্চ মোহঞ্চ পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে চ…পে…. (৩)

আরম্মণপচ্চযো

৫৯. দস্সনেন পহাতব্বহেতুকং ধম্মং পচ্চযা দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা… তীণি (পটিচ্চসদিসা).

নদস্সনেন পহাতব্বহেতুকং ধম্মং পচ্চযা নদস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – নদস্সনেন পহাতব্বহেতুকং একং খন্ধং পচ্চযা তযো খন্ধা…পে… দ্ৰে খন্ধে…পে… পটিসন্ধিক্খণে…পে… চক্খাযতনং পচ্চযা চক্খুৰিঞ্ঞাণং…পে… ৰত্থুং পচ্চযা নদস্সনেন পহাতব্বহেতুকা খন্ধা, ৰত্থুং পচ্চযা ৰিচিকিচ্ছাসহগতো মোহো. নদস্সনেন পহাতব্বহেতুকং ধম্মং পচ্চযা দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – ৰত্থুং পচ্চযা দস্সনেন পহাতব্বহেতুকা খন্ধা, ৰিচিকিচ্ছাসহগতং মোহং পচ্চযা সম্পযুত্তকা খন্ধা. নদস্সনেন পহাতব্বহেতুকং ধম্মং পচ্চযা দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা উপ্পজ্জন্তি আরম্মণপচ্চযা – ৰত্থুং পচ্চযা ৰিচিকিচ্ছাসহগতা খন্ধা চ মোহো চ. (৩)

৬০. দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পচ্চযা দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – দস্সনেন পহাতব্বহেতুকং একং খন্ধঞ্চ ৰত্থুঞ্চ পচ্চযা তযো খন্ধা…পে… দ্ৰে খন্ধে চ…পে… ৰিচিকিচ্ছাসহগতং একং খন্ধঞ্চ মোহঞ্চ পচ্চযা তযো খন্ধা…পে… দ্ৰে খন্ধে চ…পে…. (১)

দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পচ্চযা নদস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – ৰিচিকিচ্ছাসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো মোহো. (২)

দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পচ্চযা দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা উপ্পজ্জন্তি আরম্মণপচ্চযা – ৰিচিকিচ্ছাসহগতং একং খন্ধঞ্চ ৰত্থুঞ্চ পচ্চযা তযো খন্ধা মোহো চ…পে… দ্ৰে খন্ধে চ…পে…. (৩)