১. ৰিভঙ্গৰারো

হেতুপচ্চযো

৪৭. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

দস্সনেন পহাতব্বহেতুকং ধম্মং পটিচ্চ নদস্সনেন পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকে খন্ধে পটিচ্চ চিত্তসমুট্ঠানং রূপং. (২)

দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা উপ্পজ্জন্তি হেতুপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

৪৮. নদস্সনেন পহাতব্বহেতুকং ধম্মং পটিচ্চ নদস্সনেন পহাতব্বহেতুকো ধম্মো উপ্পজ্জতি হেতুপচ্চযা – নদস্সনেন পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… ৰিচিকিচ্ছাসহগতং মোহং পটিচ্চ চিত্তসমুট্ঠানং রূপং; পটিসন্ধিক্খণে…পে… (যাৰ অজ্ঝত্তিকা মহাভূতা). (১)

নদস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি হেতুপচ্চযা – ৰিচিকিচ্ছাসহগতং মোহং পটিচ্চ সম্পযুত্তকা খন্ধা. (২)

নদস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা উপ্পজ্জন্তি হেতুপচ্চযা – ৰিচিকিচ্ছাসহগতং মোহং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং. (৩)

৪৯. দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি হেতুপচ্চযা – ৰিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৰে খন্ধে চ…পে…. (১)

দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পটিচ্চ নদস্সনেন পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকে খন্ধে চ মহাভূতে চ পটিচ্চ চিত্তসমুট্ঠানং রূপং, ৰিচিকিচ্ছাসহগতে খন্ধে চ মোহঞ্চ পটিচ্চ চিত্তসমুট্ঠানং রূপং. (২)

দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা উপ্পজ্জন্তি হেতুপচ্চযা – ৰিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে চ…পে…. (৩)

আরম্মণপচ্চযো

৫০. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

দস্সনেন পহাতব্বহেতুকং ধম্মং পটিচ্চ নদস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – ৰিচিকিচ্ছাসহগতে খন্ধে পটিচ্চ ৰিচিকিচ্ছাসহগতো মোহো. (২)

দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা উপ্পজ্জন্তি আরম্মণপচ্চযা – ৰিচিকিচ্ছাসহগতং একং খন্ধং পটিচ্চ তযো খন্ধা মোহো চ…পে… দ্ৰে খন্ধে…পে…. (৩)

৫১. নদস্সনেন পহাতব্বহেতুকং ধম্মং পটিচ্চ নদস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – নদস্সনেন পহাতব্বহেতুকং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)

নদস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – ৰিচিকিচ্ছাসহগতং মোহং পটিচ্চ সম্পযুত্তকা খন্ধা. (২)

দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – ৰিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৰে খন্ধে চ…পে…. (১) (সংখিত্তং.)

১. পচ্চযানুলোমং

২. সঙ্খ্যাৰারো

৫২. হেতুযা নৰ, আরম্মণে ছ, অধিপতিযা পঞ্চ, অনন্তরে ছ, সমনন্তরে ছ, সহজাতে নৰ, অঞ্ঞমঞ্ঞে ছ, নিস্সযে নৰ, উপনিস্সযে ছ, পুরেজাতে ছ, আসেৰনে ছ, কম্মে নৰ, ৰিপাকে একং, আহারে নৰ, ইন্দ্রিযে নৰ, ঝানে নৰ, মগ্গে নৰ, সম্পযুত্তে ছ, ৰিপ্পযুত্তে নৰ, অত্থিযা নৰ, নত্থিযা ছ, ৰিগতে ছ, অৰিগতে নৰ.