১. ৰিভঙ্গৰারো

হেতুপচ্চযো

৩৬. ভাৰনায পহাতব্বো ধম্মো ভাৰনায পহাতব্বস্স ধম্মস্স হেতুপচ্চযেন পচ্চযো – ভাৰনায পহাতব্বা হেতূ সম্পযুত্তকানং খন্ধানং হেতুপচ্চযেন পচ্চযো… তীণি.

নভাৰনায পহাতব্বো ধম্মো নভাৰনায পহাতব্বস্স ধম্মস্স হেতুপচ্চযেন পচ্চযো (সংখিত্তং). (১)

আরম্মণপচ্চযো

৩৭. ভাৰনায পহাতব্বো ধম্মো ভাৰনায পহাতব্বস্স ধম্মস্স আরম্মণপচ্চযেন পচ্চযো – ভাৰনায পহাতব্বং রাগং অস্সাদেতি অভিনন্দতি, তং আরব্ভ ভাৰনায পহাতব্বো রাগো উপ্পজ্জতি, উদ্ধচ্চং উপ্পজ্জতি; ভাৰনায পহাতব্বং দোমনস্সং উপ্পজ্জতি; উদ্ধচ্চং আরব্ভ উদ্ধচ্চং উপ্পজ্জতি, ভাৰনায পহাতব্বং দোমনস্সং উপ্পজ্জতি; ভাৰনায পহাতব্বং দোমনস্সং আরব্ভ ভাৰনায পহাতব্বং দোমনস্সং উপ্পজ্জতি, উদ্ধচ্চং উপ্পজ্জতি. (১)

ভাৰনায পহাতব্বো ধম্মো নভাৰনায পহাতব্বস্স ধম্মস্স আরম্মণপচ্চযেন পচ্চযো – অরিযা ভাৰনায পহাতব্বে পহীনে কিলেসে…পে… ৰিক্খম্ভিতে কিলেসে…পে… পুব্বে সমুদাচিণ্ণে…পে… ভাৰনায পহাতব্বে খন্ধে অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ নভাৰনায পহাতব্বো রাগো উপ্পজ্জতি, দিট্ঠি…পে… ৰিচিকিচ্ছা…পে… নভাৰনায পহাতব্বং দোমনস্সং উপ্পজ্জতি; চেতোপরিযঞাণেন ভাৰনায পহাতব্বচিত্তসমঙ্গিস্স চিত্তং জানাতি, ভাৰনায পহাতব্বা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

৩৮. নভাৰনায পহাতব্বো ধম্মো নভাৰনায পহাতব্বস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি অস্সাদেতি অভিনন্দতি, তং আরব্ভ নভাৰনায পহাতব্বো রাগো উপ্পজ্জতি, দিট্ঠি…পে… ৰিচিকিচ্ছা…পে… নভাৰনায পহাতব্বং দোমনস্সং উপ্পজ্জতি, পুব্বে…পে… ঝানা…পে… অরিযা মগ্গা ৰুট্ঠহিত্ৰা…পে… ফলস্স, আৰজ্জনায আরম্মণপচ্চযেন পচ্চযো; অরিযা নভাৰনায পহাতব্বে পহীনে কিলেসে…পে… চক্খুং…পে… ৰত্থুং নভাৰনায পহাতব্বে খন্ধে অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ নভাৰনায পহাতব্বো রাগো উপ্পজ্জতি, দিট্ঠি…পে… ৰিচিকিচ্ছা…পে… নভাৰনায পহাতব্বং দোমনস্সং উপ্পজ্জতি; দিব্বেন চক্খুনা রূপং পস্সতি…পে… যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

নভাৰনায পহাতব্বো ধম্মো ভাৰনায পহাতব্বস্স ধম্মস্স আরম্মণপচ্চযেন পচ্চযো – দানং…পে… সীলং…পে… ঝানং…পে… চক্খুং…পে… ৰত্থুং নভাৰনায পহাতব্বে খন্ধে অস্সাদেতি অভিনন্দতি, তং আরব্ভ ভাৰনায পহাতব্বো রাগো উপ্পজ্জতি, উদ্ধচ্চং উপ্পজ্জতি, ভাৰনায পহাতব্বং দোমনস্সং উপ্পজ্জতি. (২)

অধিপতিপচ্চযো

৩৯. ভাৰনায পহাতব্বো ধম্মো ভাৰনায পহাতব্বস্স ধম্মস্স অধিপতিপচ্চযেন পচ্চযো – আরম্মণাধিপতি সহজাতাধিপতি. আরম্মণাধিপতি – ভাৰনায পহাতব্বং রাগং গরুং কত্ৰা অস্সাদেতি অভিনন্দতি, তং গরুং কত্ৰা ভাৰনায পহাতব্বো রাগো উপ্পজ্জতি. সহজাতাধিপতি – ভাৰনায পহাতব্বাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

ভাৰনায পহাতব্বো ধম্মো নভাৰনায পহাতব্বস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – ভাৰনায পহাতব্বং রাগং গরুং কত্ৰা অস্সাদেতি অভিনন্দতি, তং গরুং কত্ৰা নভাৰনায পহাতব্বো রাগো উপ্পজ্জতি, দিট্ঠি উপ্পজ্জতি. সহজাতাধিপতি – ভাৰনায পহাতব্বাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

ভাৰনায পহাতব্বো ধম্মো ভাৰনায পহাতব্বস্স চ নভাৰনায পহাতব্বস্স চ ধম্মস্স অধিপতিপচ্চযেন পচ্চযো. সহজাতাধিপতি – ভাৰনায পহাতব্বাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

৪০. নভাৰনায পহাতব্বো ধম্মো নভাৰনায পহাতব্বস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি অস্সাদেতি অভিনন্দতি, তং গরুং কত্ৰা নভাৰনায পহাতব্বো রাগো উপ্পজ্জতি. সহজাতাধিপতি – নভাৰনায পহাতব্বাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

নভাৰনায পহাতব্বো ধম্মো ভাৰনায পহাতব্বস্স ধম্মস্স অধিপতিপচ্চযেন পচ্চযো. আরম্মণাধিপতি – দানং…পে… ঝানং…পে… চক্খুং…পে… ৰত্থুং নভাৰনায পহাতব্বে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা ভাৰনায পহাতব্বো রাগো উপ্পজ্জতি. (২)

অনন্তরপচ্চযাদি

৪১. ভাৰনায পহাতব্বো ধম্মো ভাৰনায পহাতব্বস্স ধম্মস্স অনন্তরপচ্চযেন পচ্চযো… চত্তারি (দস্সনদুকসদিসা ভাৰনা নিন্নানাকরণা)… সমনন্তরপচ্চযেন পচ্চযো… চত্তারি… সহজাতপচ্চযেন পচ্চযো… পঞ্চ… অঞ্ঞমঞ্ঞপচ্চযেন পচ্চযো… দ্ৰে… নিস্সযপচ্চযেন পচ্চযো… সত্ত.

উপনিস্সযপচ্চযো

৪২. ভাৰনায পহাতব্বো ধম্মো ভাৰনায পহাতব্বস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – ভাৰনায পহাতব্বো রাগো… দোসো… মোহো… মানো… পত্থনা ভাৰনায পহাতব্বস্স রাগস্স … দোসস্স… মোহস্স… মানস্স… পত্থনায উপনিস্সযপচ্চযেন পচ্চযো. (১)

ভাৰনায পহাতব্বো ধম্মো নভাৰনায পহাতব্বস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – ভাৰনায পহাতব্বং রাগং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি; ভাৰনায পহাতব্বং দোসং… মোহং… মানং… পত্থনং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি; ভাৰনায পহাতব্বো রাগো…পে… পত্থনা সদ্ধায…পে… পঞ্ঞায নভাৰনায পহাতব্বস্স, রাগস্স… দোসস্স… মোহস্স… দিট্ঠিযা… পত্থনায… কাযিকস্স সুখস্স… কাযিকস্স দুক্খস্স… মগ্গস্স… ফলসমাপত্তিযা উপনিস্সযপচ্চযেন পচ্চযো. (২)

৪৩. নভাৰনায পহাতব্বো ধম্মো নভাৰনায পহাতব্বস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, দিট্ঠিং গণ্হাতি; সীলং…পে… পঞ্ঞং, নভাৰনায পহাতব্বং রাগং… দোসং… মোহং… দিট্ঠিং… পত্থনং… কাযিকং সুখং… কাযিকং দুক্খং…পে… সেনাসনং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… পঞ্ঞায নভাৰনায পহাতব্বস্স রাগস্স… দোসস্স… মোহস্স… দিট্ঠিযা… পত্থনায… কাযিকস্স সুখস্স… কাযিকস্স দুক্খস্স… মগ্গস্স… ফলসমাপত্তিযা উপনিস্সযপচ্চযেন পচ্চযো. (১)

নভাৰনায পহাতব্বো ধম্মো ভাৰনায পহাতব্বস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি…পে… সীলং…পে… পঞ্ঞং… রাগং…পে… কাযিকং সুখং… কাযিকং দুক্খং… সেনাসনং উপনিস্সায মানং জপ্পেতি; সদ্ধা…পে… সেনাসনং ভাৰনায পহাতব্বস্স রাগস্স… দোসস্স… মোহস্স… মানস্স… পত্থনায উপনিস্সযপচ্চযেন পচ্চযো. (২)

পুরেজাতপচ্চযাদি

৪৪. নভাৰনায পহাতব্বো ধম্মো নভাৰনায পহাতব্বস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… ৰিপস্সতি অস্সাদেতি অভিনন্দতি, তং আরব্ভ নভাৰনায পহাতব্বো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি; নভাৰনায পহাতব্বং দোমনস্সং উপ্পজ্জতি, দিব্বেন চক্খুনা রূপং পস্সতি…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নভাৰনায পহাতব্বানং খন্ধানং পুরেজাতপচ্চযেন পচ্চযো. (১)

নভাৰনায পহাতব্বো ধম্মো ভাৰনায পহাতব্বস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ ভাৰনায পহাতব্বো রাগো উপ্পজ্জতি, উদ্ধচ্চং উপ্পজ্জতি, ভাৰনায পহাতব্বং দোমনস্সং উপ্পজ্জতি. ৰত্থুপুরেজাতং – ৰত্থু ভাৰনায পহাতব্বানং খন্ধানং পুরেজাতপচ্চযেন পচ্চযো. (২)

৪৫. পচ্ছাজাতপচ্চযেন পচ্চযো… দ্ৰে, আসেৰনপচ্চযেন পচ্চযো… দ্ৰে, কম্মপচ্চযেন পচ্চযো – ভাৰনায পহাতব্বা চেতনা সম্পযুত্তকানং খন্ধানং কম্মপচ্চযেন পচ্চযো. (মূলং কাতব্বং.) ভাৰনায পহাতব্বা চেতনা চিত্তসমুট্ঠানানং রূপানং কম্মপচ্চযেন পচ্চযো. (মূলং কাতব্বং.) ভাৰনায পহাতব্বা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

নভাৰনায পহাতব্বো ধম্মো নভাৰনায পহাতব্বস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নভাৰনায পহাতব্বা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নভাৰনায পহাতব্বা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো… ৰিপাকপচ্চযেন পচ্চযো… একং…পে… অৰিগতপচ্চযেন পচ্চযো. (সব্বপচ্চযা দস্সনদুকসদিসা, ভাৰনা নিন্নানাকরণা.)