১-৭. পটিচ্চৰারাদি

পচ্চযচতুক্কং

১৮. অব্যাকতং অজ্ঝত্তিকং ধম্মং পটিচ্চ অব্যাকতো অজ্ঝত্তিকো ধম্মো উপ্পজ্জতি হেতুপচ্চযা (সংখিত্তং).

হেতুযা একং, সহজাতে একং…পে… অৰিগতে একং (সংখিত্তং).

(সহজাতৰারম্পি…পে… সম্পযুত্তৰারম্পি পটিচ্চৰারসদিসং.)

১৯. কুসলো অজ্ঝত্তিকো ধম্মো কুসলস্স অজ্ঝত্তিকস্স ধম্মস্স আরম্মণপচ্চযেন পচ্চযো. কুসলো অজ্ঝত্তিকো ধম্মো অকুসলস্স অজ্ঝত্তিকস্স ধম্মস্স আরম্মণপচ্চযেন পচ্চযো. কুসলো অজ্ঝত্তিকো ধম্মো অব্যাকতস্স অজ্ঝত্তিকস্স ধম্মস্স আরম্মণপচ্চযেন পচ্চযো. (৩)

অকুসলো অজ্ঝত্তিকো ধম্মো অকুসলস্স অজ্ঝত্তিকস্স ধম্মস্স আরম্মণপচ্চযেন পচ্চযো… তীণি.

অব্যাকতো অজ্ঝত্তিকো ধম্মো অব্যাকতস্স অজ্ঝত্তিকস্স ধম্মস্স আরম্মণপচ্চযেন পচ্চযো… তীণি (সংখিত্তং).

২০. আরম্মণে নৰ, পুরেজাতে তীণি…পে… অৰিগতে পঞ্চ (সংখিত্তং. যথা কুসলত্তিকে পঞ্হাৰারং, এৰং ৰিত্থারেতব্বং).

২১. কুসলং বাহিরং ধম্মং পটিচ্চ কুসলো বাহিরো ধম্মো উপ্পজ্জতি হেতুপচ্চযা (সংখিত্তং).

হেতুযা নৰ, আরম্মণে তীণি…পে… ৰিপাকে একং…পে… অৰিগতে নৰ (সংখিত্তং. সহজাতৰারম্পি…পে… সম্পযুত্তৰারম্পি পটিচ্চৰারসদিসং).

২২. কুসলো বাহিরো ধম্মো কুসলস্স বাহিরস্স ধম্মস্স হেতুপচ্চযেন পচ্চযো (সংখিত্তং).

হেতুযা সত্ত, আরম্মণে নৰ…পে… অৰিগতে তেরস (সংখিত্তং).

(যথা কুসলত্তিকে পঞ্হাৰারং, এৰং ৰিত্থারেতব্বং.)