১-৭. পটিচ্চৰারাদি

পচ্চযচতুক্কং

২৪. অকুসলং আসৰঞ্চেৰ আসৰসম্পযুত্তঞ্চ ধম্মং পটিচ্চ অকুসলো আসৰো চেৰ আসৰসম্পযুত্তো চ ধম্মো উপ্পজ্জতি হেতুপচ্চযা (সংখিত্তং).

হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… সম্পযুত্তৰারেপি পঞ্হাৰারেপি সব্বত্থ একং).

২৫. অকুসলং আসৰসম্পযুত্তঞ্চেৰ নো চ আসৰং ধম্মং পটিচ্চ অকুসলো আসৰসম্পযুত্তো চেৰ নো চ আসৰো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… সম্পযুত্তৰারেপি পঞ্হাৰারেপি সব্বত্থ একং.)

২৬. কুসলং আসৰৰিপ্পযুত্তং সাসৰং ধম্মং পটিচ্চ কুসলো আসৰৰিপ্পযুত্তো সাসৰো ধম্মো উপ্পজ্জতি হেতুপচ্চযা… তীণি.

অকুসলং আসৰৰিপ্পযুত্তং সাসৰং ধম্মং পটিচ্চ অব্যাকতো আসৰৰিপ্পযুত্তো সাসৰো ধম্মো উপ্পজ্জতি হেতুপচ্চযা. (১)

অব্যাকতং আসৰৰিপ্পযুত্তং সাসৰং ধম্মং পটিচ্চ অব্যাকতো আসৰৰিপ্পযুত্তো সাসৰো ধম্মো উপ্পজ্জতি হেতুপচ্চযা. (১)

কুসলং আসৰৰিপ্পযুত্তং সাসৰঞ্চ অব্যাকতং আসৰৰিপ্পযুত্তং সাসৰঞ্চ ধম্মং পটিচ্চ অব্যাকতো আসৰৰিপ্পযুত্তো সাসৰো ধম্মো উপ্পজ্জতি হেতুপচ্চযা. (১)

অকুসলং আসৰৰিপ্পযুত্তং সাসৰঞ্চ অব্যাকতং আসৰৰিপ্পযুত্তং সাসৰঞ্চ ধম্মং পটিচ্চ অব্যাকতো আসৰৰিপ্পযুত্তো সাসৰো ধম্মো উপ্পজ্জতি হেতুপচ্চযা. (১) (সংখিত্তং.)

২৭. হেতুযা সত্ত, আরম্মণে দ্ৰে…পে… অৰিগতে সত্ত (সংখিত্তং. সহজাতৰারম্পি…পে… সম্পযুত্তৰারম্পি পটিচ্চৰারসদিসং).

২৮. কুসলো আসৰৰিপ্পযুত্তো সাসৰো ধম্মো কুসলস্স আসৰৰিপ্পযুত্তস্স সাসৰস্স ধম্মস্স হেতুপচ্চযেন পচ্চযো… তীণি.

অকুসলো আসৰৰিপ্পযুত্তো সাসৰো ধম্মো অব্যাকতস্স আসৰৰিপ্পযুত্তস্স সাসৰস্স ধম্মস্স হেতুপচ্চযেন পচ্চযো. (১)

অব্যাকতো আসৰৰিপ্পযুত্তো সাসৰো ধম্মো অব্যাকতস্স আসৰৰিপ্পযুত্তস্স সাসৰস্স ধম্মস্স হেতুপচ্চযেন পচ্চযো (সংখিত্তং).

২৯. হেতুযা পঞ্চ, আরম্মণে নৰ, অধিপতিযা চত্তারি…পে… অৰিগতে দস (সংখিত্তং. যথা কুসলত্তিকে পঞ্হাৰারং, এৰং ৰিত্থারেতব্বং).