১-৭. পটিচ্চৰারাদি

পচ্চযচতুক্কং

হেতুপচ্চযো

১৯. অকুসলং আসৰঞ্চেৰ সাসৰঞ্চ ধম্মং পটিচ্চ অকুসলো আসৰো চেৰ সাসৰো চ ধম্মো উপ্পজ্জতি হেতুপচ্চযা (সংখিত্তং).

হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… সম্পযুত্তৰারেপি পঞ্হাৰারেপি সব্বত্থ একং).

২০. কুসলং সাসৰঞ্চেৰ নো চ আসৰং ধম্মং পটিচ্চ কুসলো সাসৰো চেৰ নো চ আসৰো ধম্মো উপ্পজ্জতি হেতুপচ্চযা… তীণি.

অকুসলং সাসৰঞ্চেৰ নো চ আসৰং ধম্মং পটিচ্চ অকুসলো সাসৰো চেৰ নো চ আসৰো ধম্মো উপ্পজ্জতি হেতুপচ্চযা… তীণি.

অব্যাকতং সাসৰঞ্চেৰ নো চ আসৰং ধম্মং পটিচ্চ অব্যাকতো সাসৰো চেৰ নো চ আসৰো ধম্মো উপ্পজ্জতি হেতুপচ্চযা. (১)

কুসলং সাসৰঞ্চেৰ নো চ আসৰঞ্চ অব্যাকতং সাসৰঞ্চেৰ নো চ আসৰঞ্চ ধম্মং পটিচ্চ অব্যাকতো সাসৰো চেৰ নো চ আসৰো ধম্মো উপ্পজ্জতি হেতুপচ্চযা. (১)

অকুসলং সাসৰঞ্চেৰ নো চ আসৰঞ্চ অব্যাকতং সাসৰঞ্চেৰ নো চ আসৰঞ্চ ধম্মং পটিচ্চ অব্যাকতো সাসৰো চেৰ নো চ আসৰো ধম্মো উপ্পজ্জতি হেতুপচ্চযা. (১) (সংখিত্তং.)

২১. হেতুযা নৰ, আরম্মণে তীণি, অধিপতিযা নৰ…পে… অৰিগতে নৰ (সংখিত্তং).

(সহজাতৰারম্পি…পে… সম্পযুত্তৰারম্পি পটিচ্চৰারসদিসং.)

২২. কুসলো সাসৰো চেৰ নো চ আসৰো ধম্মো কুসলস্স সাসৰস্স চেৰ নো চ আসৰস্স ধম্মস্স হেতুপচ্চযেন পচ্চযো… তীণি.

অকুসলো সাসৰো চেৰ নো চ আসৰো ধম্মো অকুসলস্স সাসৰস্স চেৰ নো চ আসৰস্স ধম্মস্স হেতুপচ্চযেন পচ্চযো… তীণি.

অব্যাকতো সাসৰো চেৰ নো চ আসৰো ধম্মো অব্যাকতস্স সাসৰস্স চেৰ নো চ আসৰস্স ধম্মস্স হেতুপচ্চযেন পচ্চযো. (১) (সংখিত্তং.)

২৩. হেতুযা সত্ত, আরম্মণে নৰ, অধিপতিযা নৰ…পে… অৰিগতে তেরস (সংখিত্তং. যথা কুসলত্তিকে পঞ্হাৰারং, এৰং ৰিত্থারেতব্বং).