১-৭. পটিচ্চৰারাদি

পচ্চযচতুক্কং

হেতুপচ্চযো

৩০. কুসলং আসৰৰিপ্পযুত্তং অনাসৰং ধম্মং পটিচ্চ কুসলো আসৰৰিপ্পযুত্তো অনাসৰো ধম্মো উপ্পজ্জতি হেতুপচ্চযা. (১)

অব্যাকতং আসৰৰিপ্পযুত্তং অনাসৰং ধম্মং পটিচ্চ অব্যাকতো আসৰৰিপ্পযুত্তো অনাসৰো ধম্মো উপ্পজ্জতি হেতুপচ্চযা (সংখিত্তং).

৩১. হেতুযা দ্ৰে, আরম্মণে দ্ৰে…পে… অৰিগতে দ্ৰে (সংখিত্তং).

(সহজাতৰারম্পি…পে… সম্পযুত্তৰারম্পি পটিচ্চৰারসদিসং.)

হেতুআরম্মণপচ্চযাদি

৩২. কুসলো আসৰৰিপ্পযুত্তো অনাসৰো ধম্মো কুসলস্স আসৰৰিপ্পযুত্তস্স অনাসৰস্স ধম্মস্স হেতুপচ্চযেন পচ্চযো. (১)

অব্যাকতো আসৰৰিপ্পযুত্তো অনাসৰো ধম্মো অব্যাকতস্স আসৰৰিপ্পযুত্তস্স অনাসৰস্স ধম্মস্স হেতুপচ্চযেন পচ্চযো. (১)

অব্যাকতো আসৰৰিপ্পযুত্তো অনাসৰো ধম্মো অব্যাকতস্স আসৰৰিপ্পযুত্তস্স অনাসৰস্স ধম্মস্স আরম্মণপচ্চযেন পচ্চযো. (১)

অব্যাকতো আসৰৰিপ্পযুত্তো অনাসৰো ধম্মো কুসলস্স আসৰৰিপ্পযুত্তস্স অনাসৰস্স ধম্মস্স আরম্মণপচ্চযেন পচ্চযো. (১)

কুসলো আসৰৰিপ্পযুত্তো অনাসৰো ধম্মো কুসলস্স আসৰৰিপ্পযুত্তস্স অনাসৰস্স ধম্মস্স অধিপতিপচ্চযেন পচ্চযো. (১)

অব্যাকতো আসৰৰিপ্পযুত্তো অনাসৰো ধম্মো অব্যাকতস্স আসৰৰিপ্পযুত্তস্স অনাসৰস্স ধম্মস্স অধিপতিপচ্চযেন পচ্চযো. (১)

অব্যাকতো আসৰৰিপ্পযুত্তো অনাসৰো ধম্মো কুসলস্স আসৰৰিপ্পযুত্তস্স অনাসৰস্স ধম্মস্স অধিপতিপচ্চযেন পচ্চযো. (১)

কুসলো আসৰৰিপ্পযুত্তো অনাসৰো ধম্মো অব্যাকতস্স আসৰৰিপ্পযুত্তস্স অনাসৰস্স ধম্মস্স অনন্তরপচ্চযেন পচ্চযো. (১)

অব্যাকতো আসৰৰিপ্পযুত্তো অনাসৰো ধম্মো অব্যাকতস্স আসৰৰিপ্পযুত্তস্স অনাসৰস্স ধম্মস্স অনন্তরপচ্চযেন পচ্চযো. (১) (সংখিত্তং.)

৩৩. হেতুযা দ্ৰে, আরম্মণে দ্ৰে, অধিপতিযা তীণি, অনন্তরে দ্ৰে, সমনন্তরে দ্ৰে, সহজাতে দ্ৰে, অঞ্ঞমঞ্ঞে দ্ৰে, নিস্সযে দ্ৰে, উপনিস্সযে চত্তারি…পে… অৰিগতে দ্ৰে (সংখিত্তং).

(যথা কুসলত্তিকে পঞ্হাৰারং, এৰং ৰিত্থারেতব্বং.)

কুসলত্তিকআসৰগোচ্ছকং নিট্ঠিতং.

১-২০-৫৪. কুসলত্তিক-সঞ্ঞোজনাদিদুকানি

৩৪. অকুসলং সঞ্ঞোজনং ধম্মং পটিচ্চ…পে… অকুসলং গন্থং… ওঘং… যোগং… নীৰরণং….

কুসলং নোপরামাসং ধম্মং পটিচ্চ কুসলো নোপরামাসো ধম্মো উপ্পজ্জতি হেতুপচ্চযা. (আসৰগোচ্ছকসদিসং.) দিট্ঠিং পটিচ্চ দিট্ঠি ন উপ্পজ্জতি.

কুসলত্তিকে ছ গোচ্ছকং নিট্ঠিতং.