১-৭. পটিচ্চৰারাদি

পচ্চযচতুক্কং

হেতুপচ্চযো

১. অকুসলং আসৰং ধম্মং পটিচ্চ অকুসলো আসৰো ধম্মো উপ্পজ্জতি হেতুপচ্চযা (সংখিত্তং).

হেতুযা একং…পে… অৰিগতে একং (সংখিত্তং).

(সহজাতৰারেপি…পে… সম্পযুত্তৰারেপি পঞ্হাৰারেপি সব্বত্থ একং).

২. কুসলং নোআসৰং ধম্মং পটিচ্চ কুসলো নোআসৰো ধম্মো উপ্পজ্জতি হেতুপচ্চযা. কুসলং নোআসৰং ধম্মং পটিচ্চ অব্যাকতো নোআসৰো ধম্মো উপ্পজ্জতি হেতুপচ্চযা. কুসলং নোআসৰং ধম্মং পটিচ্চ কুসলো নোআসৰো চ অব্যাকতো নোআসৰো চ ধম্মা উপ্পজ্জন্তি হেতুপচ্চযা. (৩)

অকুসলং নোআসৰং ধম্মং পটিচ্চ অকুসলো নোআসৰো ধম্মো উপ্পজ্জতি হেতুপচ্চযা… তীণি.

অব্যাকতং নোআসৰং ধম্মং পটিচ্চ অব্যাকতো নোআসৰো ধম্মো উপ্পজ্জতি হেতুপচ্চযা. (১)

কুসলং নোআসৰঞ্চ অব্যাকতং নোআসৰঞ্চ ধম্মং পটিচ্চ অব্যাকতো নোআসৰো ধম্মো উপ্পজ্জতি হেতুপচ্চযা. (১)

অকুসলং নোআসৰঞ্চ অব্যাকতং নোআসৰঞ্চ ধম্মং পটিচ্চ অব্যাকতো নোআসৰো ধম্মো উপ্পজ্জতি হেতুপচ্চযা. (১)

আরম্মণপচ্চযো

৩. কুসলং নোআসৰং ধম্মং পটিচ্চ কুসলো নোআসৰো ধম্মো উপ্পজ্জতি আরম্মণপচ্চযা. (১)

অকুসলং নোআসৰং ধম্মং পটিচ্চ অকুসলো নোআসৰো ধম্মো উপ্পজ্জতি আরম্মণপচ্চযা. (১)

অব্যাকতং নোআসৰং ধম্মং পটিচ্চ অব্যাকতো নোআসৰো ধম্মো উপ্পজ্জতি আরম্মণপচ্চযা. (১) (সংখিত্তং.)

৪. হেতুযা নৰ, আরম্মণে তীণি, অধিপতিযা নৰ…পে… অৰিগতে নৰ (সংখিত্তং).

নহেতুযা একং, নআরম্মণে পঞ্চ, নঅধিপতিযা নৰ…পে… নোৰিগতে পঞ্চ (সংখিত্তং. সহজাতৰারম্পি…পে… সম্পযুত্তৰারম্পি পটিচ্চৰারসদিসং).

হেতু-আরম্মণপচ্চযা

৫. কুসলো নোআসৰো ধম্মো কুসলস্স নোআসৰস্স ধম্মস্স হেতুপচ্চযেন পচ্চযো… তীণি.

অকুসলো নোআসৰো ধম্মো অকুসলস্স নোআসৰস্স ধম্মস্স হেতুপচ্চযেন পচ্চযো… তীণি.

অব্যাকতো নোআসৰো ধম্মো অব্যাকতস্স নোআসৰস্স ধম্মস্স হেতুপচ্চযেন পচ্চযো. (১)

কুসলো নোআসৰো ধম্মো কুসলস্স নোআসৰস্স ধম্মস্স আরম্মণপচ্চযেন পচ্চযো (সংখিত্তং).

৬. হেতুযা সত্ত, আরম্মণে নৰ, অধিপতিযা দস…পে… অৰিগতে তেরস (সংখিত্তং. যথা কুসলত্তিকে পঞ্হাৰারং, এৰং ৰিত্থারেতব্বং).