১-৭. পটিচ্চৰারাদি

পচ্চযচতুক্কং

হেতুপচ্চযো

২৫. অব্যাকতং রূপিং ধম্মং পটিচ্চ অব্যাকতো রূপী ধম্মো উপ্পজ্জতি হেতুপচ্চযা (সংখিত্তং).

হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… পঞ্হাৰারেপি সব্বত্থ একং.)

২৬. কুসলং অরূপিং ধম্মং পটিচ্চ কুসলো অরূপী ধম্মো উপ্পজ্জতি হেতুপচ্চযা. (১)

অকুসলং অরূপিং ধম্মং পটিচ্চ অকুসলো অরূপী ধম্মো উপ্পজ্জতি হেতুপচ্চযা. (১)

অব্যাকতং অরূপিং ধম্মং পটিচ্চ অব্যাকতো অরূপী ধম্মো উপ্পজ্জতি হেতুপচ্চযা. (১) (সংখিত্তং.)

২৭. হেতুযা তীণি, আরম্মণে তীণি…পে… অৰিগতে তীণি (সংখিত্তং).

নহেতুযা দ্ৰে, নঅধিপতিযা তীণি…পে… (সংখিত্তং).

(সহজাতৰারম্পি…পে… সম্পযুত্তৰারম্পি পটিচ্চৰারসদিসং).

হেতু-আরম্মণপচ্চযা

২৮. কুসলো অরূপী ধম্মো কুসলস্স অরূপিস্স ধম্মস্স হেতুপচ্চযেন পচ্চযো. (১)

অকুসলো অরূপী ধম্মো অকুসলস্স অরূপিস্স ধম্মস্স হেতুপচ্চযেন পচ্চযো. (১)

অব্যাকতো অরূপী ধম্মো অব্যাকতস্স অরূপিস্স ধম্মস্স হেতুপচ্চযেন পচ্চযো. (১)

কুসলো অরূপী ধম্মো কুসলস্স অরূপিস্স ধম্মস্স আরম্মণপচ্চযেন পচ্চযো… তীণি.

অকুসলো অরূপী ধম্মো অকুসলস্স অরূপিস্স ধম্মস্স আরম্মণপচ্চযেন পচ্চযো… তীণি.

অব্যাকতো অরূপী ধম্মো অব্যাকতস্স অরূপিস্স ধম্মস্স আরম্মণপচ্চযেন পচ্চযো (সংখিত্তং).

২৯. হেতুযা তীণি, আরম্মণে নৰ, অধিপতিযা সত্ত…পে… অৰিগতে তীণি (সংখিত্তং).

(যথা কুসলত্তিকে পঞ্হাৰারং, এৰং ৰিত্থারেতব্বং.)