১-৭. পটিচ্চৰারাদি
পচ্চযচতুক্কং
৪১. কুসলং কেনচি ৰিঞ্ঞেয্যং ধম্মং পটিচ্চ কুসলো কেনচি ৰিঞ্ঞেয্যো ধম্মো উপ্পজ্জতি হেতুপচ্চযা. কুসলং কেনচি ৰিঞ্ঞেয্যং ধম্মং পটিচ্চ অব্যাকতো কেনচি ৰিঞ্ঞেয্যো ধম্মো উপ্পজ্জতি হেতুপচ্চযা. কুসলং কেনচি ৰিঞ্ঞেয্যং ধম্মং পটিচ্চ কুসলো কেনচি ৰিঞ্ঞেয্যো চ অব্যাকতো কেনচি ৰিঞ্ঞেয্যো চ ধম্মা উপ্পজ্জন্তি হেতুপচ্চযা. (৩)
অকুসলং কেনচি ৰিঞ্ঞেয্যং ধম্মং পটিচ্চ অকুসলো কেনচি ৰিঞ্ঞেয্যো ধম্মো উপ্পজ্জতি হেতুপচ্চযা… তীণি.
অব্যাকতং কেনচি ৰিঞ্ঞেয্যং ধম্মং পটিচ্চ অব্যাকতো কেনচি ৰিঞ্ঞেয্যো ধম্মো উপ্পজ্জতি হেতুপচ্চযা. (১)
কুসলং কেনচি ৰিঞ্ঞেয্যঞ্চ অব্যাকতং কেনচি ৰিঞ্ঞেয্যঞ্চ ধম্মং পটিচ্চ অব্যাকতো কেনচি ৰিঞ্ঞেয্যো ধম্মো উপ্পজ্জতি হেতুপচ্চযা. (১)
অকুসলং কেনচি ৰিঞ্ঞেয্যঞ্চ অব্যাকতং কেনচি ৰিঞ্ঞেয্যঞ্চ ধম্মং পটিচ্চ অব্যাকতো কেনচি ৰিঞ্ঞেয্যো ধম্মো উপ্পজ্জতি হেতুপচ্চযা. (১)
৪২. কুসলং কেনচি ৰিঞ্ঞেয্যং ধম্মং পটিচ্চ কুসলো কেনচি ৰিঞ্ঞেয্যো ধম্মো উপ্পজ্জতি আরম্মণপচ্চযা. (১)
অকুসলং কেনচি ৰিঞ্ঞেয্যং ধম্মং পটিচ্চ অকুসলো কেনচি ৰিঞ্ঞেয্যো ধম্মো উপ্পজ্জতি আরম্মণপচ্চযা. (১)
অব্যাকতং কেনচি ৰিঞ্ঞেয্যং ধম্মং পটিচ্চ অব্যাকতো কেনচি ৰিঞ্ঞেয্যো ধম্মো উপ্পজ্জতি আরম্মণপচ্চযা. (১) (সংখিত্তং.)
৪৩. হেতুযা নৰ, আরম্মণে তীণি…পে… অৰিগতে নৰ (সংখিত্তং).
পচ্চনীযং
নহেতুপচ্চযো
৪৪. অকুসলং কেনচি ৰিঞ্ঞেয্যং ধম্মং পটিচ্চ অকুসলো কেনচি ৰিঞ্ঞেয্যো ধম্মো উপ্পজ্জতি নহেতুপচ্চযা. (১)
অব্যাকতং কেনচি ৰিঞ্ঞেয্যং ধম্মং পটিচ্চ অব্যাকতো কেনচি ৰিঞ্ঞেয্যো ধম্মো উপ্পজ্জতি নহেতুপচ্চযা. (১) (সংখিত্তং.)
৪৫. নহেতুযা দ্ৰে, নআরম্মণে পঞ্চ, নঅধিপতিযা নৰ…পে… নোৰিগতে পঞ্চ (সংখিত্তং. সহজাতৰারম্পি…পে… সম্পযুত্তৰারম্পি পটিচ্চৰারসদিসং).
হেতুপচ্চযো
৪৬. কুসলো কেনচি ৰিঞ্ঞেয্যো ধম্মো কুসলস্স কেনচি ৰিঞ্ঞেয্যস্স ধম্মস্স হেতুপচ্চযেন পচ্চযো… তীণি.
অকুসলো কেনচি ৰিঞ্ঞেয্যো ধম্মো অকুসলস্স কেনচি ৰিঞ্ঞেয্যস্স ধম্মস্স হেতুপচ্চযেন পচ্চযো… তীণি.
অব্যাকতো কেনচি ৰিঞ্ঞেয্যো ধম্মো অব্যাকতস্স কেনচি ৰিঞ্ঞেয্যস্স ধম্মস্স হেতুপচ্চযেন পচ্চযো. (১) (সংখিত্তং.)
৪৭. হেতুযা সত্ত, আরম্মণে নৰ…পে… অৰিগতে তেরস (সংখিত্তং. যথা কুসলত্তিকে পঞ্হাৰারং, এৰং ৰিত্থারেতব্বং).
৪৮. কুসলং নকেনচি ৰিঞ্ঞেয্যং ধম্মং পটিচ্চ কুসলো নকেনচি ৰিঞ্ঞেয্যো ধম্মো উপ্পজ্জতি হেতুপচ্চযা (কেনচিৰিঞ্ঞেয্যসদিসং).
কুসলত্তিকচূল়ন্তরদুকং নিট্ঠিতং.