১-৭. পটিচ্চৰারাদি
পচ্চযচতুক্কং
হেতুপচ্চযো
২৩১. অজ্ঝত্তারম্মণং হেতুং ধম্মং পটিচ্চ অজ্ঝত্তারম্মণো হেতু ধম্মো উপ্পজ্জতি হেতুপচ্চযা. (১)
বহিদ্ধারম্মণং হেতুং ধম্মং পটিচ্চ বহিদ্ধারম্মণো হেতু ধম্মো উপ্পজ্জতি হেতুপচ্চযা. (১) (সংখিত্তং.)
২৩২. হেতুযা দ্ৰে, আরম্মণে দ্ৰে…পে… অৰিগতে দ্ৰে (সংখিত্তং).
নঅধিপতিযা দ্ৰে, নপুরেজাতে দ্ৰে, নপচ্ছাজাতে দ্ৰে, নআসেৰনে দ্ৰে, নৰিপাকে দ্ৰে, নৰিপ্পযুত্তে দ্ৰে (সংখিত্তং).
(সহজাতৰারম্পি…পে… সম্পযুত্তৰারম্পি পটিচ্চৰারসদিসং ৰিত্থারেতব্বং.)
হেতু-আরম্মণপচ্চযা
২৩৩. অজ্ঝত্তারম্মণো হেতু ধম্মো অজ্ঝত্তারম্মণস্স হেতুস্স ধম্মস্স হেতুপচ্চযেন পচ্চযো. (১)
বহিদ্ধারম্মণো হেতু ধম্মো বহিদ্ধারম্মণস্স হেতুস্স ধম্মস্স হেতুপচ্চযেন পচ্চযো. (১)
অজ্ঝত্তারম্মণো হেতু ধম্মো অজ্ঝত্তারম্মণস্স হেতুস্স ধম্মস্স আরম্মণপচ্চযেন পচ্চযো. অজ্ঝত্তারম্মণো হেতু ধম্মো বহিদ্ধারম্মণস্স হেতুস্স ধম্মস্স আরম্মণপচ্চযেন পচ্চযো. (২)
বহিদ্ধারম্মণো হেতু ধম্মো বহিদ্ধারম্মণস্স হেতুস্স ধম্মস্স আরম্মণপচ্চযেন পচ্চযো. বহিদ্ধারম্মণো হেতু ধম্মো অজ্ঝত্তারম্মণস্স হেতুস্স ধম্মস্স আরম্মণপচ্চযেন পচ্চযো. (২) (সংখিত্তং.)
২৩৪. হেতুযা দ্ৰে, আরম্মণে চত্তারি, অধিপতিযা তীণি, অনন্তরে চত্তারি, সমনন্তরে চত্তারি, উপনিস্সযে চত্তারি…পে… অৰিগতে দ্ৰে (সংখিত্তং).
নহেতুযা চত্তারি, নআরম্মণে চত্তারি (সংখিত্তং).
হেতুপচ্চযা নআরম্মণে দ্ৰে (সংখিত্তং).
নহেতুপচ্চযা আরম্মণে চত্তারি (সংখিত্তং).
(যথা কুসলত্তিকে পঞ্হাৰারং, এৰং ৰিত্থারেতব্বং.)