১-৭. পটিচ্চৰারাদি
পচ্চযচতুক্কং
হেতুপচ্চযো
১৯২. মগ্গারম্মণং হেতুং ধম্মং পটিচ্চ মগ্গারম্মণো হেতু ধম্মো উপ্পজ্জতি হেতুপচ্চযা… তীণি.
মগ্গহেতুকং হেতুং ধম্মং পটিচ্চ মগ্গহেতুকো হেতু ধম্মো উপ্পজ্জতি হেতুপচ্চযা… তীণি.
মগ্গাধিপতিং হেতুং ধম্মং পটিচ্চ মগ্গাধিপতি হেতু ধম্মো উপ্পজ্জতি হেতুপচ্চযা… পঞ্চ.
মগ্গারম্মণং হেতুঞ্চ মগ্গাধিপতিং হেতুঞ্চ ধম্মং পটিচ্চ মগ্গারম্মণো হেতু ধম্মো উপ্পজ্জতি হেতুপচ্চযা… তীণি.
মগ্গহেতুকং হেতুঞ্চ মগ্গাধিপতিং হেতুঞ্চ ধম্মং পটিচ্চ মগ্গহেতুকো হেতু ধম্মো উপ্পজ্জতি হেতুপচ্চযা… তীণি (সংখিত্তং).
১৯৩. হেতুযা সত্তরস…পে… অৰিগতে সত্তরস (সংখিত্তং).
নঅধিপতিযা সত্তরস, নপুরেজাতে সত্তরস…পে… নআসেৰনে নৰ, নৰিপাকে সত্তরস, নৰিপ্পযুত্তে সত্তরস (সংখিত্তং).
(সহজাতৰারম্পি…পে… সম্পযুত্তৰারম্পি পটিচ্চৰারসদিসং ৰিত্থারেতব্বং.)
হেতু-আরম্মণপচ্চযাদি
১৯৪. মগ্গারম্মণো হেতু ধম্মো মগ্গারম্মণস্স হেতুস্স ধম্মস্স হেতুপচ্চযেন পচ্চযো… তীণি.
মগ্গহেতুকো হেতু ধম্মো মগ্গহেতুকস্স হেতুস্স ধম্মস্স হেতুপচ্চযেন পচ্চযো… তীণি.
মগ্গাধিপতি হেতু ধম্মো মগ্গাধিপতিস্স হেতুস্স ধম্মস্স হেতুপচ্চযেন পচ্চযো… পঞ্চ.
মগ্গারম্মণো হেতু চ মগ্গাধিপতি হেতু চ ধম্মা মগ্গারম্মণস্স হেতুস্স ধম্মস্স হেতুপচ্চযেন পচ্চযো… তীণি.
মগ্গহেতুকো হেতু চ মগ্গাধিপতি হেতু চ ধম্মা মগ্গহেতুকস্স হেতুস্স ধম্মস্স হেতুপচ্চযেন পচ্চযো… তীণি.
মগ্গহেতুকো হেতু ধম্মো মগ্গারম্মণস্স হেতুস্স ধম্মস্স আরম্মণপচ্চযেন পচ্চযো. মগ্গহেতুকো হেতু ধম্মো মগ্গাধিপতিস্স হেতুস্স ধম্মস্স আরম্মণপচ্চযেন পচ্চযো. মগ্গহেতুকো হেতু ধম্মো মগ্গারম্মণস্স হেতুস্স চ মগ্গাধিপতিস্স হেতুস্স চ ধম্মস্স আরম্মণপচ্চযেন পচ্চযো. (৩)
মগ্গাধিপতি হেতু ধম্মো মগ্গাধিপতিস্স হেতুস্স ধম্মস্স আরম্মণপচ্চযেন পচ্চযো… তীণি.
মগ্গহেতুকো হেতু চ মগ্গাধিপতি হেতু চ ধম্মা মগ্গারম্মণস্স হেতুস্স ধম্মস্স আরম্মণপচ্চযেন পচ্চযো… তীণি.
১৯৫. মগ্গারম্মণো হেতু ধম্মো মগ্গারম্মণস্স হেতুস্স ধম্মস্স অধিপতিপচ্চযেন পচ্চযো… তীণি.
মগ্গহেতুকো হেতু ধম্মো মগ্গহেতুকস্স হেতুস্স ধম্মস্স অধিপতিপচ্চযেন পচ্চযো… পঞ্চ.
মগ্গাধিপতি হেতু ধম্মো মগ্গাধিপতিস্স হেতুস্স ধম্মস্স অধিপতিপচ্চযেন পচ্চযো… পঞ্চ.
মগ্গারম্মণো হেতু চ মগ্গাধিপতি হেতু চ ধম্মা মগ্গারম্মণস্স হেতুস্স ধম্মস্স অধিপতিপচ্চযেন পচ্চযো… তীণি.
মগ্গহেতুকো হেতু চ মগ্গাধিপতি হেতু চ ধম্মা মগ্গারম্মণস্স হেতুস্স ধম্মস্স অধিপতিপচ্চযেন পচ্চযো… পঞ্চ.
মগ্গারম্মণো হেতু ধম্মো মগ্গারম্মণস্স হেতুস্স ধম্মস্স অনন্তরপচ্চযেন পচ্চযো… তীণি.
মগ্গাধিপতি হেতু ধম্মো মগ্গাধিপতিস্স হেতুস্স ধম্মস্স অনন্তরপচ্চযেন পচ্চযো… তীণি.
মগ্গারম্মণো হেতু চ মগ্গাধিপতি হেতু চ ধম্মা মগ্গারম্মণস্স হেতুস্স ধম্মস্স অনন্তরপচ্চযেন পচ্চযো… তীণি (সংখিত্তং).
১৯৬. হেতুযা সত্তরস, আরম্মণে নৰ, অধিপতিযা একৰীস, অনন্তরে নৰ, সমনন্তরে নৰ, সহজাতে সত্তরস, অঞ্ঞমঞ্ঞে সত্তরস, নিস্সযে সত্তরস, উপনিস্সযে একৰীস…পে… অৰিগতে সত্তরস (সংখিত্তং).
নহেতুযা একৰীস, নআরম্মণে সত্তরস (সংখিত্তং).
হেতুপচ্চযা নআরম্মণে সত্তরস (সংখিত্তং).
নহেতুপচ্চযা আরম্মণে নৰ (সংখিত্তং).
(যথা কুসলত্তিকে পঞ্হাৰারং, এৰং ৰিত্থারেতব্বং.)