১-৬. পটিচ্চৰারাদি

পচ্চযচতুক্কং

হেতু-আরম্মণপচ্চযা

১৫. কুসলং নহেতুং ধম্মং পটিচ্চ কুসলো নহেতু ধম্মো উপ্পজ্জতি হেতুপচ্চযা. কুসলং নহেতুং ধম্মং পটিচ্চ অব্যাকতো নহেতু ধম্মো উপ্পজ্জতি হেতুপচ্চযা. কুসলং নহেতুং ধম্মং পটিচ্চ কুসলো নহেতু চ অব্যাকতো নহেতু চ ধম্মা উপ্পজ্জন্তি হেতুপচ্চযা. (৩)

অকুসলং নহেতুং ধম্মং পটিচ্চ অকুসলো নহেতু ধম্মো উপ্পজ্জতি হেতুপচ্চযা. অকুসলং নহেতুং ধম্মং পটিচ্চ অব্যাকতো নহেতু ধম্মো উপ্পজ্জতি হেতুপচ্চযা. অকুসলং নহেতুং ধম্মং পটিচ্চ অকুসলো নহেতু চ অব্যাকতো নহেতু চ ধম্মা উপ্পজ্জন্তি হেতুপচ্চযা. (৩)

অব্যাকতং নহেতুং ধম্মং পটিচ্চ অব্যাকতো নহেতু ধম্মো উপ্পজ্জতি হেতুপচ্চযা. (১)

কুসলং নহেতুঞ্চ অব্যাকতং নহেতুঞ্চ ধম্মং পটিচ্চ অব্যাকতো নহেতু ধম্মো উপ্পজ্জতি হেতুপচ্চযা. (১)

অকুসলং নহেতুঞ্চ অব্যাকতং নহেতুঞ্চ ধম্মং পটিচ্চ অব্যাকতো নহেতু ধম্মো উপ্পজ্জতি হেতুপচ্চযা. (১)

১৬. কুসলং নহেতুং ধম্মং পটিচ্চ কুসলো নহেতু ধম্মো উপ্পজ্জতি আরম্মণপচ্চযা. (১)

অকুসলং নহেতুং ধম্মং পটিচ্চ অকুসলো নহেতু ধম্মো উপ্পজ্জতি আরম্মণপচ্চযা. (১)

অব্যাকতং নহেতুং ধম্মং পটিচ্চ অব্যাকতো নহেতু ধম্মো উপ্পজ্জতি আরম্মণপচ্চযা (১) (সংখিত্তং.)

১৭. হেতুযা নৰ, আরম্মণে তীণি, অধিপতিযা নৰ, অনন্তরে তীণি, সমনন্তরে তীণি, সহজাতে নৰ, অঞ্ঞমঞ্ঞে তীণি, নিস্সযে নৰ, উপনিস্সযে তীণি, পুরেজাতে তীণি, আসেৰনে তীণি, কম্মে নৰ, ৰিপাকে একং, আহারে নৰ, ইন্দ্রিযে নৰ, ঝানে নৰ, মগ্গে নৰ, সম্পযুত্তে তীণি, ৰিপ্পযুত্তে নৰ, অত্থিযা নৰ, নত্থিযা তীণি, ৰিগতে তীণি, অৰিগতে নৰ (সংখিত্তং).

নহেতুনআরম্মণপচ্চযাদি

১৮. অব্যাকতং নহেতুং ধম্মং পটিচ্চ অব্যাকতো নহেতু ধম্মো উপ্পজ্জতি নহেতুপচ্চযা. (১)

কুসলং নহেতুং ধম্মং পটিচ্চ অব্যাকতো নহেতু ধম্মো উপ্পজ্জতি নআরম্মণপচ্চযা. (১)

অকুসলং নহেতুং ধম্মং পটিচ্চ অব্যাকতো নহেতু ধম্মো উপ্পজ্জতি নআরম্মণপচ্চযা. (১)

অব্যাকতং নহেতুং ধম্মং পটিচ্চ অব্যাকতো নহেতু ধম্মো উপ্পজ্জতি নআরম্মণপচ্চযা. (১)

কুসলং নহেতুঞ্চ অব্যাকতং নহেতুঞ্চ ধম্মং পটিচ্চ অব্যাকতো নহেতু ধম্মো উপ্পজ্জতি নআরম্মণপচ্চযা. (১)

অকুসলং নহেতুঞ্চ অব্যাকতং নহেতুঞ্চ ধম্মং পটিচ্চ অব্যাকতো নহেতু ধম্মো উপ্পজ্জতি নআরম্মণপচ্চযা. (১) (সংখিত্তং.)

১৯. নহেতুযা একং, নআরম্মণে পঞ্চ, নঅধিপতিযা নৰ, নঅনন্তরে পঞ্চ, নসমনন্তরে পঞ্চ, নঅঞ্ঞমঞ্ঞে পঞ্চ, নউপনিস্সযে পঞ্চ, নপুরেজাতে সত্ত, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে পঞ্চ, নৰিপ্পযুত্তে তীণি, নোনত্থিযা পঞ্চ, নোৰিগতে পঞ্চ (সংখিত্তং).

হেতুপচ্চযা নআরম্মণে পঞ্চ (সংখিত্তং).

নহেতুপচ্চযা আরম্মণে একং (সংখিত্তং).

(সহজাতৰারম্পি পচ্চযৰারম্পি নিস্সযৰারম্পি সংসট্ঠৰারম্পি সম্পযুত্তৰারম্পি পটিচ্চৰারসদিসা ৰিত্থারেতব্বা.)