৭. পঞ্হাৰারো

পচ্চযচতুক্কং

হেতুআরম্মণপচ্চযাদি

১০৪. পীতিসহগতো হেতু ধম্মো পীতিসহগতস্স হেতুস্স ধম্মস্স হেতুপচ্চযেন পচ্চযো… তীণি.

সুখসহগতো হেতু ধম্মো সুখসহগতস্স হেতুস্স ধম্মস্স হেতুপচ্চযেন পচ্চযো… তীণি.

উপেক্খাসহগতো হেতু ধম্মো উপেক্খাসহগতস্স হেতুস্স ধম্মস্স হেতুপচ্চযেন পচ্চযো… একং.

পীতিসহগতো হেতু চ সুখসহগতো হেতু চ ধম্মা পীতিসহগতস্স হেতুস্স ধম্মস্স হেতুপচ্চযেন পচ্চযো… তীণি.

১০৫. পীতিসহগতো হেতু ধম্মো পীতিসহগতস্স হেতুস্স ধম্মস্স আরম্মণপচ্চযেন পচ্চযো. পীতিসহগতো হেতু ধম্মো সুখসহগতস্স হেতুস্স ধম্মস্স আরম্মণপচ্চযেন পচ্চযো. পীতিসহগতো হেতু ধম্মো উপেক্খাসহগতস্স হেতুস্স ধম্মস্স আরম্মণপচ্চযেন পচ্চযো. পীতিসহগতো হেতু ধম্মো পীতিসহগতস্স হেতুস্স চ সুখসহগতস্স হেতুস্স চ ধম্মস্স আরম্মণপচ্চযেন পচ্চযো… চত্তারি.

সুখসহগতো হেতু ধম্মো সুখসহগতস্স হেতুস্স ধম্মস্স আরম্মণপচ্চযেন পচ্চযো. সুখসহগতো হেতু ধম্মো পীতিসহগতস্স হেতুস্স ধম্মস্স আরম্মণপচ্চযেন পচ্চযো. সুখসহগতো হেতু ধম্মো উপেক্খাসহগতস্স হেতুস্স ধম্মস্স আরম্মণপচ্চযেন পচ্চযো. সুখসহগতো হেতু ধম্মো পীতিসহগতস্স হেতুস্স চ সুখসহগতস্স হেতুস্স চ ধম্মস্স আরম্মণপচ্চযেন পচ্চযো… চত্তারি.

উপেক্খাসহগতো হেতু ধম্মো উপেক্খাসহগতস্স হেতুস্স ধম্মস্স আরম্মণপচ্চযেন পচ্চযো. উপেক্খাসহগতো হেতু ধম্মো পীতিসহগতস্স হেতুস্স ধম্মস্স আরম্মণপচ্চযেন পচ্চযো. উপেক্খাসহগতো হেতু ধম্মো সুখসহগতস্স হেতুস্স ধম্মস্স আরম্মণপচ্চযেন পচ্চযো. উপেক্খাসহগতো হেতু ধম্মো পীতিসহগতস্স হেতুস্স চ সুখসহগতস্স হেতুস্স চ ধম্মস্স আরম্মণপচ্চযেন পচ্চযো… চত্তারি.

পীতিসহগতো হেতু চ সুখসহগতো হেতু চ ধম্মা পীতিসহগতস্স হেতুস্স ধম্মস্স আরম্মণপচ্চযেন পচ্চযো… চত্তারি.

পীতিসহগতো হেতু ধম্মো পীতিসহগতস্স হেতুস্স ধম্মস্স অধিপতিপচ্চযেন পচ্চযো.

১০৬. হেতুযা দস, আরম্মণে সোল়স, অধিপতিযা সোল়স, অনন্তরে সোল়স, সমনন্তরে সোল়স, সহজাতে দস, অঞ্ঞমঞ্ঞে দস, নিস্সযে দস, উপনিস্সযে সোল়স…পে… ৰিপাকে দস…পে… অৰিগতে দস (সংখিত্তং).

নহেতুযা সোল়স, নআরম্মণে সোল়স (সংখিত্তং).

হেতুপচ্চযা নআরম্মণে দস (সংখিত্তং).

নহেতুপচ্চযা আরম্মণে সোল়স (সংখিত্তং).

(যথা কুসলত্তিকে পঞ্হাৰারং, এৰং ৰিত্থারেতব্বং.)

নহেতুপদং