৭. পঞ্হাৰারো

পচ্চযচতুক্কং

আরম্মণপচ্চযাদি

৩২. সুখায ৰেদনায সম্পযুত্তো নহেতু ধম্মো সুখায ৰেদনায সম্পযুত্তস্স নহেতুস্স ধম্মস্স আরম্মণপচ্চযেন পচ্চযো. সুখায ৰেদনায সম্পযুত্তো নহেতু ধম্মো দুক্খায ৰেদনায সম্পযুত্তস্স নহেতুস্স ধম্মস্স আরম্মণপচ্চযেন পচ্চযো. সুখায ৰেদনায সম্পযুত্তো নহেতু ধম্মো অদুক্খমসুখায ৰেদনায সম্পযুত্তস্স নহেতুস্স ধম্মস্স আরম্মণপচ্চযেন পচ্চযো. (৩)

দুক্খায ৰেদনায সম্পযুত্তো নহেতু ধম্মো দুক্খায ৰেদনায সম্পযুত্তস্স নহেতুস্স ধম্মস্স আরম্মণপচ্চযেন পচ্চযো. দুক্খায ৰেদনায সম্পযুত্তো নহেতু ধম্মো সুখায ৰেদনায সম্পযুত্তস্স নহেতুস্স ধম্মস্স আরম্মণপচ্চযেন পচ্চযো. দুক্খায ৰেদনায সম্পযুত্তো নহেতু ধম্মো অদুক্খমসুখায ৰেদনায সম্পযুত্তস্স নহেতুস্স ধম্মস্স আরম্মণপচ্চযেন পচ্চযো. (৩)

অদুক্খমসুখায ৰেদনায সম্পযুত্তো নহেতু ধম্মো অদুক্খমসুখায ৰেদনায সম্পযুত্তস্স নহেতুস্স ধম্মস্স আরম্মণপচ্চযেন পচ্চযো. অদুক্খমসুখায ৰেদনায সম্পযুত্তো নহেতু ধম্মো সুখায ৰেদনায সম্পযুত্তস্স নহেতুস্স ধম্মস্স আরম্মণপচ্চযেন পচ্চযো. অদুক্খমসুখায ৰেদনায সম্পযুত্তো নহেতু ধম্মো দুক্খায ৰেদনায সম্পযুত্তস্স নহেতুস্স ধম্মস্স আরম্মণপচ্চযেন পচ্চযো. (৩)

৩৩. সুখায ৰেদনায সম্পযুত্তো নহেতু ধম্মো সুখায ৰেদনায সম্পযুত্তস্স নহেতুস্স ধম্মস্স অধিপতিপচ্চযেন পচ্চযো. সুখায ৰেদনায সম্পযুত্তো নহেতু ধম্মো অদুক্খমসুখায ৰেদনায সম্পযুত্তস্স নহেতুস্স ধম্মস্স অধিপতিপচ্চযেন পচ্চযো. (২)

দুক্খায ৰেদনায সম্পযুত্তো নহেতু ধম্মো দুক্খায ৰেদনায সম্পযুত্তস্স নহেতুস্স ধম্মস্স অধিপতিপচ্চযেন পচ্চযো. (১)

অদুক্খমসুখায ৰেদনায সম্পযুত্তো নহেতু ধম্মো অদুক্খমসুখায ৰেদনায সম্পযুত্তস্স নহেতুস্স ধম্মস্স অধিপতিপচ্চযেন পচ্চযো. অদুক্খমসুখায ৰেদনায সম্পযুত্তো নহেতু ধম্মো সুখায ৰেদনায সম্পযুত্তস্স নহেতুস্স ধম্মস্স অধিপতিপচ্চযেন পচ্চযো. (২)

অনন্তর-উপনিস্সযপচ্চযা

৩৪. সুখায ৰেদনায সম্পযুত্তো নহেতু ধম্মো সুখায ৰেদনায সম্পযুত্তস্স নহেতুস্স ধম্মস্স অনন্তরপচ্চযেন পচ্চযো… দ্ৰে.

দুক্খায ৰেদনায সম্পযুত্তো নহেতু ধম্মো দুক্খায ৰেদনায সম্পযুত্তস্স নহেতুস্স ধম্মস্স অনন্তরপচ্চযেন পচ্চযো… দ্ৰে.

অদুক্খমসুখায ৰেদনায সম্পযুত্তো নহেতু ধম্মো অদুক্খমসুখায ৰেদনায সম্পযুত্তস্স নহেতুস্স ধম্মস্স অনন্তরপচ্চযেন পচ্চযো… তীণি…পে….

৩৫. সুখায ৰেদনায সম্পযুত্তো নহেতু ধম্মো সুখায ৰেদনায সম্পযুত্তস্স নহেতুস্স ধম্মস্স উপনিস্সযপচ্চযেন পচ্চযো… তীণি.

দুক্খায ৰেদনায সম্পযুত্তো নহেতু ধম্মো দুক্খায ৰেদনায সম্পযুত্তস্স নহেতুস্স ধম্মস্স উপনিস্সযপচ্চযেন পচ্চযো… তীণি.

অদুক্খমসুখায ৰেদনায সম্পযুত্তো নহেতু ধম্মো অদুক্খমসুখায ৰেদনায সম্পযুত্তস্স নহেতুস্স ধম্মস্স উপনিস্সযপচ্চযেন পচ্চযো… তীণি (সংখিত্তং).

৩৬. আরম্মণে নৰ, অধিপতিযা পঞ্চ, অনন্তরে সত্ত, সমনন্তরে সত্ত, সহজাতে তীণি, অঞ্ঞমঞ্ঞে তীণি, নিস্সযে তীণি, উপনিস্সযে নৰ, আসেৰনে তীণি, কম্মে অট্ঠ, ৰিপাকে তীণি, আহারে তীণি, ইন্দ্রিযে তীণি, ঝানে তীণি, মগ্গে তীণি, সম্পযুত্তে তীণি, অত্থিযা তীণি, নত্থিযা সত্ত, ৰিগতে সত্ত, অৰিগতে তীণি (সংখিত্তং).

নহেতুযা নৰ, নআরম্মণে নৰ (সংখিত্তং).

আরম্মণপচ্চযা নহেতুযা নৰ (সংখিত্তং).

নহেতুপচ্চযা আরম্মণে নৰ (সংখিত্তং).

(যথা কুসলত্তিকে পঞ্হাৰারং, এৰং ৰিত্থারেতব্বং.)