১-৭. পটিচ্চৰারাদি

পচ্চযচতুক্কং

১৯. নভাৰনায পহাতব্বহেতুকং কুসলং ধম্মং পটিচ্চ নভাৰনায পহাতব্বহেতুকো কুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… পঞ্হাৰারেপি সব্বত্থ একং).

২০. ভাৰনায পহাতব্বহেতুকং অকুসলং ধম্মং পটিচ্চ ভাৰনায পহাতব্বহেতুকো অকুসলো ধম্মো উপ্পজ্জতি হেতুপচ্চযা. (১)

নভাৰনায পহাতব্বহেতুকং অকুসলং ধম্মং পটিচ্চ নভাৰনায পহাতব্বহেতুকো অকুসলো ধম্মো উপ্পজ্জতি হেতুপচ্চযা… তীণি (সংখিত্তং).

২১. হেতুযা চত্তারি, আরম্মণে ছ, অধিপতিযা দ্ৰে…পে… অৰিগতে ছ (সংখিত্তং. দস্সনেন পহাতব্বহেতুকদুকঅকুসলসদিসং. সহজাতৰারেপি…পে… পঞ্হাৰারেপি সব্বত্থ ৰিত্থারেতব্বং).

২২. নভাৰনায পহাতব্বহেতুকং অব্যাকতং ধম্মং পটিচ্চ নভাৰনায পহাতব্বহেতুকো অব্যাকতো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… পঞ্হাৰারেপি সব্বত্থ একং.)