১-৭. পটিচ্চৰারাদি

পচ্চযচতুক্কং

৯৪. নিযতং কুসলং ধম্মং পটিচ্চ নিযতো কুসলো ধম্মো উপ্পজ্জতি হেতুপচ্চযা. (১)

অনিযতং কুসলং ধম্মং পটিচ্চ অনিযতো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

৯৫. হেতুযা দ্ৰে, আরম্মণে দ্ৰে…পে… অৰিগতে দ্ৰে (সংখিত্তং. লোকিযদুককুসলসদিসং. সহজাতৰারম্পি…পে… পঞ্হাৰারম্পি ৰিত্থারেতব্বং).

৯৬. নিযতং অকুসলং ধম্মং পটিচ্চ নিযতো অকুসলো ধম্মো উপ্পজ্জতি হেতুপচ্চযা. (১)

অনিযতং অকুসলং ধম্মং পটিচ্চ অনিযতো অকুসলো ধম্মো উপ্পজ্জতি হেতুপচ্চযা. (১) (সংখিত্তং.)

৯৭. হেতুযা দ্ৰে, আরম্মণে দ্ৰে (সব্বত্থ দ্ৰে), অৰিগতে দ্ৰে (সংখিত্তং).

নহেতুযা একং, নঅধিপতিযা দ্ৰে, নপুরেজাতে একং…পে… নকম্মে দ্ৰে…পে… নৰিপ্পযুত্তে একং (সংখিত্তং. সহজাতৰারাদি ৰিত্থারেতব্বো).

৯৮. নিযতো অকুসলো ধম্মো নিযতস্স অকুসলস্স ধম্মস্স হেতুপচ্চযেন পচ্চযো. (১)

অনিযতো অকুসলো ধম্মো অনিযতস্স অকুসলস্স ধম্মস্স হেতুপচ্চযেন পচ্চযো. (১) (সংখিত্তং.)

৯৯. হেতুযা দ্ৰে, আরম্মণে তীণি, অধিপতিযা দ্ৰে (নিযতে সহজাতাধিপতি, দুতিযে আরম্মণাধিপতি সহজাতাধিপতি), অনন্তরে দ্ৰে…পে… নিস্সযে দ্ৰে, উপনিস্সযে তীণি, আসেৰনে দ্ৰে, কম্মে দ্ৰে…পে… অৰিগতে দ্ৰে (সংখিত্তং).

১০০. অনিযতং অব্যাকতং ধম্মং পটিচ্চ অনিযতো অব্যাকতো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আরম্মণে একং…পে… অৰিগতে একং (সংখিত্তং. সহজাতৰারেপি…পে… পঞ্হাৰারেপি সব্বত্থ একং).