১-৭. পটিচ্চৰারাদি

পচ্চযচতুক্কং

৪৫. সপ্পীতিকং কুসলং ধম্মং পটিচ্চ সপ্পীতিকো কুসলো ধম্মো উপ্পজ্জতি হেতুপচ্চযা. সপ্পীতিকং কুসলং ধম্মং পটিচ্চ অপ্পীতিকো কুসলো ধম্মো উপ্পজ্জতি হেতুপচ্চযা. সপ্পীতিকং কুসলং ধম্মং পটিচ্চ সপ্পীতিকো কুসলো চ অপ্পীতিকো কুসলো চ ধম্মা উপ্পজ্জন্তি হেতুপচ্চযা. (৩)

অপ্পীতিকং কুসলং ধম্মং পটিচ্চ অপ্পীতিকো কুসলো ধম্মো উপ্পজ্জতি হেতুপচ্চযা. অপ্পীতিকং কুসলং ধম্মং পটিচ্চ সপ্পীতিকো কুসলো ধম্মো উপ্পজ্জতি হেতুপচ্চযা. (২)

সপ্পীতিকং কুসলঞ্চ অপ্পীতিকং কুসলঞ্চ ধম্মং পটিচ্চ সপ্পীতিকো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

৪৬. হেতুযা ছ (সব্বত্থ ছ)…পে… অৰিগতে ছ (সংখিত্তং).

নঅধিপতিযা ছ, নপুরেজাতে ছ…পে… নকম্মে চত্তারি, নৰিপ্পযুত্তে ছ (সংখিত্তং. সহজাতৰারম্পি …পে… সম্পযুত্তৰারম্পি ৰিত্থারেতব্বং).

৪৭. সপ্পীতিকো কুসলো ধম্মো সপ্পীতিকস্স কুসলস্স ধম্মস্স হেতুপচ্চযেন পচ্চযো… তীণি.

অপ্পীতিকো কুসলো ধম্মো অপ্পীতিকস্স কুসলস্স ধম্মস্স হেতুপচ্চযেন পচ্চযো. (১)

সপ্পীতিকো কুসলো ধম্মো সপ্পীতিকস্স কুসলস্স ধম্মস্স আরম্মণপচ্চযেন পচ্চযো (সংখিত্তং).

৪৮. হেতুযা চত্তারি, আরম্মণে নৰ, অধিপতিযা নৰ (চত্তারি সহজাতাধিপতি), অনন্তরে নৰ, সমনন্তরে নৰ, সহজাতে ছ…পে… উপনিস্সযে নৰ, আসেৰনে নৰ, কম্মে চত্তারি, আহারে চত্তারি, ইন্দ্রিযে চত্তারি, ঝানে ছ, মগ্গে চত্তারি, সম্পযুত্তে ছ, অত্থিযা ছ, নত্থিযা নৰ, ৰিগতে নৰ, অৰিগতে ছ (সংখিত্তং).

নহেতুযা নৰ, নআরম্মণে নৰ (সংখিত্তং).

হেতুপচ্চযা নআরম্মণে চত্তারি (সংখিত্তং).

নহেতুপচ্চযা আরম্মণে নৰ (সংখিত্তং).

(যথা কুসলত্তিকে পঞ্হাৰারং, এৰং ৰিত্থারেতব্বং.)

অকুসলপদং

হেতুপচ্চযো

৪৯. সপ্পীতিকং অকুসলং ধম্মং পটিচ্চ সপ্পীতিকো অকুসলো ধম্মো উপ্পজ্জতি হেতুপচ্চযা… তীণি.

অপ্পীতিকং অকুসলং ধম্মং পটিচ্চ অপ্পীতিকো অকুসলো ধম্মো উপ্পজ্জতি হেতুপচ্চযা… দ্ৰে.

সপ্পীতিকং অকুসলঞ্চ অপ্পীতিকং অকুসলঞ্চ ধম্মং পটিচ্চ সপ্পীতিকো অকুসলো ধম্মো উপ্পজ্জতি হেতুপচ্চযা. (১) (সংখিত্তং.)

৫০. হেতুযা ছ, আরম্মণে ছ…পে… অৰিগতে ছ (সংখিত্তং. কুসলসদিসং. সহজাতৰারোপি…পে… পঞ্হাৰারোপি ৰিত্থারেতব্বা).

অব্যাকতপদং

হেতুপচ্চযো

৫১. সপ্পীতিকং অব্যাকতং ধম্মং পটিচ্চ সপ্পীতিকো অব্যাকতো ধম্মো উপ্পজ্জতি হেতুপচ্চযা… তীণি.

অপ্পীতিকং অব্যাকতং ধম্মং পটিচ্চ অপ্পীতিকো অব্যাকতো ধম্মো উপ্পজ্জতি হেতুপচ্চযা… তীণি.

সপ্পীতিকং অব্যাকতঞ্চ অপ্পীতিকং অব্যাকতঞ্চ ধম্মং পটিচ্চ সপ্পীতিকো অব্যাকতো ধম্মো উপ্পজ্জতি হেতুপচ্চযা… তীণি (সংখিত্তং).

৫২. হেতুযা নৰ, আরম্মণে নৰ…পে… পুরেজাতে ছ, আসেৰনে ছ…পে… অৰিগতে নৰ (সংখিত্তং).

নহেতুযা নৰ, নআরম্মণে তীণি, নঅধিপতিযা নৰ…পে… নকম্মে চত্তারি, নৰিপাকে নৰ, নআহারে একং, নইন্দ্রিযে একং, নঝানে একং, নমগ্গে নৰ, নসম্পযুত্তে তীণি, নৰিপ্পযুত্তে ছ…পে… (সংখিত্তং. সহজাতৰারাদি ৰিত্থারেতব্বো).

৫৩. সপ্পীতিকো অব্যাকতো ধম্মো সপ্পীতিকস্স অব্যাকতস্স ধম্মস্স হেতুপচ্চযেন পচ্চযো (সংখিত্তং).

৫৪. হেতুযা চত্তারি, আরম্মণে নৰ, অধিপতিযা নৰ, অনন্তরে নৰ…পে… (সব্বত্থ নৰ), উপনিস্সযে নৰ, পুরেজাতে তীণি, পচ্ছাজাতে তীণি, আসেৰনে নৰ, কম্মে চত্তারি, ৰিপাকে নৰ, আহারে চত্তারি, ইন্দ্রিযে চত্তারি, ঝানে নৰ, মগ্গে চত্তারি, সম্পযুত্তে ছ, ৰিপ্পযুত্তে পঞ্চ, অত্থিযা নৰ…পে… অৰিগতে নৰ (সংখিত্তং).