১-৭. পটিচ্চৰারাদি

পচ্চযচতুক্কং

৩৭. সৰিচারং কুসলং ধম্মং পটিচ্চ সৰিচারো কুসলো ধম্মো উপ্পজ্জতি হেতুপচ্চযা… তীণি.

অৰিচারং কুসলং ধম্মং পটিচ্চ অৰিচারো কুসলো ধম্মো উপ্পজ্জতি হেতুপচ্চযা… দ্ৰে.

সৰিচারং কুসলঞ্চ অৰিচারং কুসলঞ্চ ধম্মং পটিচ্চ সৰিচারো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

৩৮. হেতুযা ছ, আরম্মণে ছ…পে… অৰিগতে ছ (সংখিত্তং. সৰিতক্কদুককুসলসদিসং. সহজাতৰারম্পি…পে… পঞ্হাৰারম্পি ৰিত্থারেতব্বং).

৩৯. সৰিচারং অকুসলং ধম্মং পটিচ্চ সৰিচারো অকুসলো ধম্মো উপ্পজ্জতি হেতুপচ্চযা… তীণি.

অৰিচারং অকুসলং ধম্মং পটিচ্চ সৰিচারো অকুসলো ধম্মো উপ্পজ্জতি হেতুপচ্চযা. (১)

সৰিচারং অকুসলঞ্চ অৰিচারং অকুসলঞ্চ ধম্মং পটিচ্চ সৰিচারো অকুসলো ধম্মো উপ্পজ্জতি হেতুপচ্চযা. (১) (সংখিত্তং.)

৪০. হেতুযা পঞ্চ, আরম্মণে পঞ্চ…পে… অৰিগতে পঞ্চ (সংখিত্তং. সৰিতক্কদুকঅকুসলসদিসং. সহজাতৰারম্পি…পে… পঞ্হাৰারম্পি ৰিত্থারেতব্বং).

৪১. সৰিচারং অব্যাকতং ধম্মং পটিচ্চ সৰিচারো অব্যাকতো ধম্মো উপ্পজ্জতি হেতুপচ্চযা… তীণি.

অৰিচারং অব্যাকতং ধম্মং পটিচ্চ অৰিচারো অব্যাকতো ধম্মো উপ্পজ্জতি হেতুপচ্চযা… তীণি.

সৰিচারং অব্যাকতঞ্চ অৰিচারং অব্যাকতঞ্চ ধম্মং পটিচ্চ সৰিচারো অব্যাকতো ধম্মো উপ্পজ্জতি হেতুপচ্চযা… তীণি (সংখিত্তং).

৪২. হেতুযা নৰ, আরম্মণে নৰ…পে… ৰিপাকে নৰ…পে… অৰিগতে নৰ (সংখিত্তং. সৰিতক্কদুকঅব্যাকতসদিসং. সহজাতৰারোপি…পে… সম্পযুত্তৰারোপি ৰিত্থারেতব্বা).

৪৩. সৰিচারো অব্যাকতো ধম্মো সৰিচারস্স অব্যাকতস্স ধম্মস্স হেতুপচ্চযেন পচ্চযো (সংখিত্তং).

৪৪. হেতুযা চত্তারি, আরম্মণে নৰ…পে… মগ্গে চত্তারি …পে… অৰিগতে নৰ (সংখিত্তং).

নহেতুযা নৰ, নআরম্মণে নৰ (সংখিত্তং).

হেতুপচ্চযা নআরম্মণে চত্তারি (সংখিত্তং).

নহেতুপচ্চযা আরম্মণে নৰ (সংখিত্তং).

(যথা কুসলত্তিকে পঞ্হাৰারং, এৰং ৰিত্থারেতব্বং.)