১-৭. পটিচ্চৰারাদি

পচ্চযচতুক্কং

২৮. কিলেসৰিপ্পযুত্তং সংকিলেসিকং কুসলং ধম্মং পটিচ্চ কিলেসৰিপ্পযুত্তো সংকিলেসিকো কুসলো ধম্মো উপ্পজ্জতি হেতুপচ্চযা. (১)

কিলেসৰিপ্পযুত্তং অসংকিলেসিকং কুসলং ধম্মং পটিচ্চ কিলেসৰিপ্পযুত্তো অসংকিলেসিকো কুসলো ধম্মো উপ্পজ্জতি হেতুপচ্চযা (সংখিত্তং).

২৯. হেতুযা দ্ৰে, আরম্মণে দ্ৰে…পে… অৰিগতে দ্ৰে (সংখিত্তং. লোকিযদুককুসলসদিসং. সহজাতৰারেপি…পে… পঞ্হাৰারেপি ৰিত্থারেতব্বং).

৩০. কিলেসৰিপ্পযুত্তং সংকিলেসিকং অব্যাকতং ধম্মং পটিচ্চ কিলেসৰিপ্পযুত্তো সংকিলেসিকো অব্যাকতো ধম্মো উপ্পজ্জতি হেতুপচ্চযা. (১)

কিলেসৰিপ্পযুত্তং অসংকিলেসিকং অব্যাকতং ধম্মং পটিচ্চ কিলেসৰিপ্পযুত্তো অসংকিলেসিকো অব্যাকতো ধম্মো উপ্পজ্জতি হেতুপচ্চযা… তীণি.

কিলেসৰিপ্পযুত্তং সংকিলেসিকং অব্যাকতঞ্চ কিলেসৰিপ্পযুত্তং অসংকিলেসিকং অব্যাকতঞ্চ ধম্মং পটিচ্চ কিলেসৰিপ্পযুত্তো সংকিলেসিকো অব্যাকতো ধম্মো উপ্পজ্জতি হেতুপচ্চযা. (১) (সংখিত্তং.)

৩১. হেতুযা পঞ্চ, আরম্মণে দ্ৰে…পে… আসেৰনে একং…পে… অৰিগতে পঞ্চ (সংখিত্তং. লোকিযদুকঅব্যাকতসদিসং. সহজাতৰারেপি…পে… পঞ্হাৰারেপি সব্বত্থ ৰিত্থারেতব্বং).

কিলেসগোচ্ছককুসলত্তিকং নিট্ঠিতং.