১-৭. পটিচ্চৰারাদি

পচ্চযচতুক্কং

হেতুপচ্চযো

১. নোকিলেসং কুসলং ধম্মং পটিচ্চ নোকিলেসো কুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… পঞ্হাৰারেপি সব্বত্থ একং.)

২. কিলেসং অকুসলং ধম্মং পটিচ্চ কিলেসো অকুসলো ধম্মো উপ্পজ্জতি হেতুপচ্চযা… তীণি.

নোকিলেসং অকুসলং ধম্মং পটিচ্চ নোকিলেসো অকুসলো ধম্মো উপ্পজ্জতি হেতুপচ্চযা… তীণি.

কিলেসং অকুসলঞ্চ নোকিলেসং অকুসলঞ্চ ধম্মং পটিচ্চ কিলেসো অকুসলো ধম্মো উপ্পজ্জতি হেতুপচ্চযা… তীণি (সংখিত্তং).

৩. হেতুযা নৰ, আরম্মণে নৰ (সব্বত্থ নৰ), অৰিগতে নৰ (সংখিত্তং).

৪. কিলেসং অকুসলং ধম্মং পটিচ্চ কিলেসো অকুসলো ধম্মো উপ্পজ্জতি নহেতুপচ্চযা – ৰিচিকিচ্ছং পটিচ্চ ৰিচিকিচ্ছাসহগতো মোহো, উদ্ধচ্চং পটিচ্চ উদ্ধচ্চসহগতো মোহো (১).

নোকিলেসং অকুসলং ধম্মং পটিচ্চ কিলেসো অকুসলো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

কিলেসং অকুসলঞ্চ নোকিলেসং অকুসলঞ্চ ধম্মং পটিচ্চ কিলেসো অকুসলো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে খন্ধে চ ৰিচিকিচ্ছঞ্চ পটিচ্চ ৰিচিকিচ্ছাসহগতো মোহো, উদ্ধচ্চসহগতে খন্ধে চ উদ্ধচ্চঞ্চ পটিচ্চ উদ্ধচ্চসহগতো মোহো. (১) (সংখিত্তং.)

৫. নহেতুযা তীণি, নঅধিপতিযা নৰ, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নৰিপ্পযুত্তে নৰ (সংখিত্তং, সহজাতৰারাদি ৰিত্থারেতব্বো).

৬. কিলেসো অকুসলো ধম্মো কিলেসস্স অকুসলস্স ধম্মস্স হেতুপচ্চযেন পচ্চযো (সংখিত্তং).

৭. হেতুযা তীণি, আরম্মণে নৰ, অধিপতিযা নৰ (মজ্ঝে তীণি সহজাতাধিপতি), অনন্তরে নৰ, সমনন্তরে নৰ…পে… উপনিস্সযে নৰ, আসেৰনে নৰ, কম্মে তীণি, আহারে তীণি, ইন্দ্রিযে তীণি, ঝানে তীণি, মগ্গে নৰ, সম্পযুত্তে নৰ…পে… অৰিগতে নৰ (সংখিত্তং).

নোকিলেসং অব্যাকতং ধম্মং পটিচ্চ নোকিলেসো অব্যাকতো ধম্মো উপ্পজ্জতি হেতুপচ্চযা (সংখিত্তং).

৮. হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… পঞ্হাৰারেপি সব্বত্থ একং.)