১-৭. পটিচ্চৰারাদি

পচ্চযচতুক্কং

হেতুপচ্চযো

২৯. চিত্তসম্পযুত্তং কুসলং ধম্মং পটিচ্চ চিত্তসম্পযুত্তো কুসলো ধম্মো উপ্পজ্জতি হেতুপচ্চযা (সংখিত্তং).

৩০. হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… পঞ্হাৰারেপি সব্বত্থ একং.)

৩১. চিত্তসম্পযুত্তং অকুসলং ধম্মং পটিচ্চ চিত্তসম্পযুত্তো অকুসলো ধম্মো উপ্পজ্জতি হেতুপচ্চযা (সংখিত্তং).

৩২. হেতুযা একং, আরম্মণে একং…পে… অৰিগতে একং (সংখিত্তং). (সহজাতৰারেপি…পে… পঞ্হাৰারেপি সব্বত্থ একং.)

অব্যাকতপদং – হেতুপচ্চযো

৩৩. চিত্তসম্পযুত্তং অব্যাকতং ধম্মং পটিচ্চ চিত্তসম্পযুত্তো অব্যাকতো ধম্মো উপ্পজ্জতি হেতুপচ্চযা. চিত্তসম্পযুত্তং অব্যাকতং ধম্মং পটিচ্চ চিত্তৰিপ্পযুত্তো অব্যাকতো ধম্মো উপ্পজ্জতি হেতুপচ্চযা. চিত্তসম্পযুত্তং অব্যাকতং ধম্মং পটিচ্চ চিত্তসম্পযুত্তো অব্যাকতো চ চিত্তৰিপ্পযুত্তো অব্যাকতো চ ধম্মা উপ্পজ্জন্তি হেতুপচ্চযা. (৩)

চিত্তৰিপ্পযুত্তং অব্যাকতং ধম্মং পটিচ্চ চিত্তৰিপ্পযুত্তো অব্যাকতো ধম্মো উপ্পজ্জতি হেতুপচ্চযা. চিত্তৰিপ্পযুত্তং অব্যাকতং ধম্মং পটিচ্চ চিত্তসম্পযুত্তো অব্যাকতো ধম্মো উপ্পজ্জতি হেতুপচ্চযা. চিত্তৰিপ্পযুত্তং অব্যাকতং ধম্মং পটিচ্চ চিত্তসম্পযুত্তো অব্যাকতো চ চিত্তৰিপ্পযুত্তো অব্যাকতো চ ধম্মা উপ্পজ্জন্তি হেতুপচ্চযা. (৩)

চিত্তসম্পযুত্তং অব্যাকতঞ্চ চিত্তৰিপ্পযুত্তং অব্যাকতঞ্চ ধম্মং পটিচ্চ চিত্তসম্পযুত্তো অব্যাকতো ধম্মো উপ্পজ্জতি হেতুপচ্চযা. চিত্তসম্পযুত্তং অব্যাকতঞ্চ চিত্তৰিপ্পযুত্তং অব্যাকতঞ্চ ধম্মং পটিচ্চ চিত্তৰিপ্পযুত্তো অব্যাকতো ধম্মো উপ্পজ্জতি হেতুপচ্চযা. চিত্তসম্পযুত্তং অব্যাকতঞ্চ চিত্তৰিপ্পযুত্তং অব্যাকতঞ্চ ধম্মং পটিচ্চ চিত্তসম্পযুত্তো অব্যাকতো চ চিত্তৰিপ্পযুত্তো অব্যাকতো চ ধম্মা উপ্পজ্জন্তি হেতুপচ্চযা. (৩) (সংখিত্তং.)

৩৪. হেতুযা নৰ, আরম্মণে তীণি, অধিপতিযা পঞ্চ…পে… অঞ্ঞমঞ্ঞে ছ…পে… পুরেজাতে একং, আসেৰনে একং, কম্মে নৰ, ৰিপাকে নৰ…পে… অৰিগতে নৰ (সংখিত্তং).

নহেতুযা নৰ, নআরম্মণে তীণি, নঅধিপতিযা নৰ…পে… নপুরেজাতে নৰ…পে… নকম্মে দ্ৰে, নৰিপাকে পঞ্চ, নআহারে একং, নইন্দ্রিযে একং, নঝানে দ্ৰে, নমগ্গে নৰ, নসম্পযুত্তে তীণি, নৰিপ্পযুত্তে দ্ৰে (সংখিত্তং, সহজাতৰারাদি ৰিত্থারেতব্বো).

হেতু-আরম্মণপচ্চযা

৩৫. চিত্তসম্পযুত্তো অব্যাকতো ধম্মো চিত্তসম্পযুত্তস্স অব্যাকতস্স ধম্মস্স হেতুপচ্চযেন পচ্চযো… তীণি.

চিত্তসম্পযুত্তো অব্যাকতো ধম্মো চিত্তসম্পযুত্তস্স অব্যাকতস্স ধম্মস্স আরম্মণপচ্চযেন পচ্চযো. (১)

চিত্তৰিপ্পযুত্তো অব্যাকতো ধম্মো চিত্তসম্পযুত্তস্স অব্যাকতস্স ধম্মস্স আরম্মণপচ্চযেন পচ্চযো. (১) (সংখিত্তং.)

৩৬. হেতুযা তীণি, আরম্মণে দ্ৰে, অধিপতিযা চত্তারি, অনন্তরে একং…পে… সহজাতে সত্ত, অঞ্ঞমঞ্ঞে ছ, নিস্সযে সত্ত, উপনিস্সযে দ্ৰে, পুরেজাতে একং, পচ্ছাজাতে একং, আসেৰনে একং, কম্মে তীণি, ৰিপাকে তীণি, আহারে চত্তারি, ইন্দ্রিযে ছ, ঝানে তীণি, মগ্গে তীণি, সম্পযুত্তে একং, ৰিপ্পযুত্তে দ্ৰে (সংখিত্তং).