১-৭. পটিচ্চৰারাদি

পচ্চযচতুক্কং

হেতুপচ্চযো

১৯. চেতসিকং কুসলং ধম্মং পটিচ্চ চেতসিকো কুসলো ধম্মো উপ্পজ্জতি হেতুপচ্চযা. চেতসিকং কুসলং ধম্মং পটিচ্চ অচেতসিকো কুসলো ধম্মো উপ্পজ্জতি হেতুপচ্চযা. চেতসিকং কুসলং ধম্মং পটিচ্চ চেতসিকো কুসলো চ অচেতসিকো কুসলো চ ধম্মা উপ্পজ্জন্তি হেতুপচ্চযা. (৩)

অচেতসিকং কুসলং ধম্মং পটিচ্চ চেতসিকো কুসলো ধম্মো উপ্পজ্জতি হেতুপচ্চযা. (১)

চেতসিকং কুসলঞ্চ অচেতসিকং কুসলঞ্চ ধম্মং পটিচ্চ চেতসিকো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

২০. হেতুযা পঞ্চ, আরম্মণে পঞ্চ, অধিপতিযা পঞ্চ…পে… অৰিগতে পঞ্চ.

নঅধিপতিযা পঞ্চ, নপুরেজাতে পঞ্চ…পে… নকম্মে তীণি, নৰিপাকে পঞ্চ…পে… নৰিপ্পযুত্তে পঞ্চ (সংখিত্তং, সহজাতৰারাদি ৰিত্থারেতব্বো).

২১. চেতসিকো কুসলো ধম্মো চেতসিকস্স কুসলস্স ধম্মস্স হেতুপচ্চযেন পচ্চযো (সংখিত্তং).

২২. হেতুযা তীণি, আরম্মণে নৰ, অধিপতিযা নৰ (আদিম্হি তীণি, সহজাতাধিপতি, মজ্ঝিমেসু তীসু মজ্ঝিমানুলোমিকাযেৰ পঞ্হা, সহজাতাধিপতি,) অনন্তরে নৰ…পে… সহজাতে পঞ্চ…পে… উপনিস্সযে নৰ, আসেৰনে নৰ, কম্মে তীণি, আহারে পঞ্চ, ইন্দ্রিযে পঞ্চ, ঝানে তীণি, মগ্গে তীণি, সম্পযুত্তে পঞ্চ, অত্থিযা পঞ্চ, নত্থিযা নৰ…পে… অৰিগতে পঞ্চ (সংখিত্তং).

২৩. চেতসিকং অকুসলং ধম্মং পটিচ্চ চেতসিকো অকুসলো ধম্মো উপ্পজ্জতি হেতুপচ্চযা. চেতসিকং অকুসলং ধম্মং পটিচ্চ অচেতসিকো অকুসলো ধম্মো উপ্পজ্জতি হেতুপচ্চযা. চেতসিকং অকুসলং ধম্মং পটিচ্চ চেতসিকো অকুসলো চ অচেতসিকো অকুসলো চ ধম্মা উপ্পজ্জন্তি হেতুপচ্চযা. (৩)

অচেতসিকং অকুসলং ধম্মং পটিচ্চ চেতসিকো অকুসলো ধম্মো উপ্পজ্জতি হেতুপচ্চযা. (১)

চেতসিকং অকুসলঞ্চ অচেতসিকং অকুসলঞ্চ ধম্মং পটিচ্চ চেতসিকো অকুসলো ধম্মো উপ্পজ্জতি হেতুপচ্চযা. (১) (সংখিত্তং.)

২৪. হেতুযা পঞ্চ, আরম্মণে পঞ্চ…পে… অৰিগতে পঞ্চ (সংখিত্তং, যথা কুসলনযং এৰং নহেতুপচ্চযম্পি কাতব্বং). (সহজাতৰারম্পি…পে… পঞ্হাৰারম্পি ৰিত্থারেতব্বং).

২৫. চেতসিকং অব্যাকতং ধম্মং পটিচ্চ চেতসিকো অব্যাকতো ধম্মো উপ্পজ্জতি হেতুপচ্চযা. চেতসিকং অব্যাকতং ধম্মং পটিচ্চ অচেতসিকো অব্যাকতো ধম্মো উপ্পজ্জতি হেতুপচ্চযা. চেতসিকং অব্যাকতং ধম্মং পটিচ্চ চেতসিকো অব্যাকতো চ অচেতসিকো অব্যাকতো চ ধম্মা উপ্পজ্জন্তি হেতুপচ্চযা. (৩)

অচেতসিকং অব্যাকতং ধম্মং পটিচ্চ অচেতসিকো অব্যাকতো ধম্মো উপ্পজ্জতি হেতুপচ্চযা… তীণি.

চেতসিকং অব্যাকতঞ্চ অচেতসিকং অব্যাকতঞ্চ ধম্মং পটিচ্চ চেতসিকো অব্যাকতো ধম্মো উপ্পজ্জতি হেতুপচ্চযা… তীণি (সংখিত্তং).

২৬. হেতুযা নৰ, আরম্মণে নৰ, অধিপতিযা নৰ…পে… পুরেজাতে আসেৰনে পঞ্চ, কম্মে নৰ, ৰিপাকে নৰ…পে… অৰিগতে নৰ (সংখিত্তং).

নহেতুযা নৰ, নআরম্মণে তীণি, নঅধিপতিযা নৰ (সব্বে কাতব্বা)…পে… নকম্মে চত্তারি, নৰিপাকে নৰ, নআহারে একং, নইন্দ্রিযে একং, নঝানে ছ, নমগ্গে নৰ, নসম্পযুত্তে তীণি, নৰিপ্পযুত্তে ছ…পে… নোৰিগতে তীণি. (সংখিত্তং, সহজাতৰারাদি ৰিত্থারেতব্বো).

২৭. চেতসিকো অব্যাকতো ধম্মো চেতসিকস্স অব্যাকতস্স ধম্মস্স হেতুপচ্চযেন পচ্চযো (সংখিত্তং).

২৮. হেতুযা তীণি, আরম্মণে নৰ, অধিপতিযা নৰ (এত্থ ছসু সহজাতাধিপতি), অনন্তরে নৰ…পে… সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, পুরেজাতে তীণি, আসেৰনে নৰ, কম্মে তীণি, ৰিপাকে নৰ, আহারে নৰ, ইন্দ্রিযে নৰ, ঝানে তীণি, মগ্গে তীণি, সম্পযুত্তে পঞ্চ, ৰিপ্পযুত্তে পঞ্চ, অত্থিযা নৰ…পে… অৰিগতে নৰ (সংখিত্তং).