১-৭. পটিচ্চৰারাদি

পচ্চযচতুক্কং

হেতুপচ্চযো

৯৮. অনুপাদিন্নং কুসলং ধম্মং পটিচ্চ অনুপাদিন্নো কুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আরম্মণে একং…পে… অৰিগতে একং (সব্বত্থ একং. সংখিত্তং. সহজাতৰারেপি…পে… পঞ্হাৰারেপি একং সপ্পচ্চযকুসলসদিসং).

৯৯. অনুপাদিন্নং অকুসলং ধম্মং পটিচ্চ অনুপাদিন্নো অকুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং…পে… অৰিগতে একং (সংখিত্তং. সহজাতৰারেপি…পে… পঞ্হাৰারেপি সব্বত্থ একং).

১০০. উপাদিন্নং অব্যাকতং ধম্মং পটিচ্চ উপাদিন্নো অব্যাকতো ধম্মো উপ্পজ্জতি হেতুপচ্চযা… তীণি.

অনুপাদিন্নং অব্যাকতং ধম্মং পটিচ্চ অনুপাদিন্নো অব্যাকতো ধম্মো উপ্পজ্জতি হেতুপচ্চযা. (১)

উপাদিন্নং অব্যাকতঞ্চ অনুপাদিন্নং অব্যাকতঞ্চ ধম্মং পটিচ্চ অনুপাদিন্নো অব্যাকতো ধম্মো উপ্পজ্জতি হেতুপচ্চযা – উপাদিন্নে খন্ধে চ মহাভূতে চ পটিচ্চ চিত্তসমুট্ঠানং রূপং. (১) (সংখিত্তং.)

১০১. হেতুযা পঞ্চ, আরম্মণে দ্ৰে, অধিপতিযা একং…পে… পুরেজাতে দ্ৰে, আসেৰনে একং, কম্মে পঞ্চ, ৰিপাকে পঞ্চ…পে… অৰিগতে পঞ্চ (সংখিত্তং).

নহেতুযা পঞ্চ, নআরম্মণে চত্তারি, নঅধিপতিযা পঞ্চ…পে… নপুরেজাতে চত্তারি, নপচ্ছাজাতে নআসেৰনে পঞ্চ, নকম্মে একং, নৰিপাকে দ্ৰে, নআহারে দ্ৰে, নইন্দ্রিযে দ্ৰে, নঝানে দ্ৰে, নমগ্গে পঞ্চ, নসম্পযুত্তে চত্তারি, নৰিপ্পযুত্তে দ্ৰে, নোনত্থিযা চত্তারি, নোৰিগতে চত্তারি (সংখিত্তং. সহজাতৰারাদি ৰিত্থারেতব্বো).

হেতু-পুরেজাতপচ্চযা

১০২. উপাদিন্নো অব্যাকতো ধম্মো উপাদিন্নস্স অব্যাকতস্স ধম্মস্স হেতুপচ্চযেন পচ্চযো… তীণি.

অনুপাদিন্নো অব্যাকতো ধম্মো অনুপাদিন্নস্স অব্যাকতস্স ধম্মস্স হেতুপচ্চযেন পচ্চযো. (১)

অনুপাদিন্নো অব্যাকতো ধম্মো অনুপাদিন্নস্স অব্যাকতস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… একং.

উপাদিন্নো অব্যাকতো ধম্মো উপাদিন্নস্স অব্যাকতস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং (দ্ৰে পঞ্হা).

অনুপাদিন্নো অব্যাকতো ধম্মো অনুপাদিন্নস্স অব্যাকতস্স ধম্মস্স পুরেজাতপচ্চযেন পচ্চযো… দ্ৰে (আরম্মণপুরেজাতংযেৰ, ঘটনা দ্ৰে, আরম্মণপুরেজাতম্পি ৰত্থুপুরেজাতম্পি).

১০৩. হেতুযা চত্তারি, আরম্মণে চত্তারি (উপাদিন্নমূলকে দ্ৰে, অনুপাদিন্নমূলকে দ্ৰে), অধিপতিযা একং, অনন্তরে সমনন্তরে চত্তারি, সহজাতে পঞ্চ, অঞ্ঞমঞ্ঞে দ্ৰে, নিস্সযে পঞ্চ, উপনিস্সযে চত্তারি, পুরেজাতে ছ, পচ্ছাজাতে ছ, আসেৰনে একং, কম্মে চত্তারি, ৰিপাকে চত্তারি, আহারে নৰ, ইন্দ্রিযে চত্তারি, ঝানে চত্তারি, মগ্গে চত্তারি, সম্পযুত্তে দ্ৰে, ৰিপ্পযুত্তে ছ, অত্থিযা নৰ, নত্থিযা চত্তারি, ৰিগতে চত্তারি, অৰিগতে নৰ (সংখিত্তং).

নহেতুযা নৰ, নআরম্মণে নৰ (সংখিত্তং).

হেতুপচ্চযা নআরম্মণে চত্তারি (সংখিত্তং).

নহেতুপচ্চযা আরম্মণে চত্তারি (সংখিত্তং).

মহন্তরদুককুসলত্তিকং নিট্ঠিতং.