১-৭. পটিচ্চৰারাদি

পচ্চযচতুক্কং

হেতুপচ্চযো

৯২. নোউপাদা কুসলং ধম্মং পটিচ্চ নোউপাদা কুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি…পে… পঞ্হাৰারেপি সব্বত্থ একং.)

৯৩. নোউপাদা অকুসলং ধম্মং পটিচ্চ নোউপাদা অকুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আরম্মণে একং…পে… অৰিগতে একং (সংখিত্তং).

(সহজাতৰারেপি …পে… পঞ্হাৰারেপি সব্বত্থ একং.)

৯৪. উপাদা অব্যাকতং ধম্মং পটিচ্চ নোউপাদা অব্যাকতো ধম্মো উপ্পজ্জতি হেতুপচ্চযা. (১)

নোউপাদা অব্যাকতং ধম্মং পটিচ্চ নোউপাদা অব্যাকতো ধম্মো উপ্পজ্জতি হেতুপচ্চযা. নোউপাদা অব্যাকতং ধম্মং পটিচ্চ উপাদা অব্যাকতো ধম্মো উপ্পজ্জতি হেতুপচ্চযা. নোউপাদা অব্যাকতং ধম্মং পটিচ্চ উপাদা অব্যাকতো চ নোউপাদা অব্যাকতো চ ধম্মা উপ্পজ্জন্তি হেতুপচ্চযা. (৩)

উপাদা অব্যাকতঞ্চ নোউপাদা অব্যাকতঞ্চ ধম্মং পটিচ্চ নোউপাদা অব্যাকতো ধম্মো উপ্পজ্জতি হেতুপচ্চযা. (১) (সংখিত্তং.)

৯৫. হেতুযা পঞ্চ, আরম্মণে তীণি…পে… অঞ্ঞমঞ্ঞে পঞ্চ…পে… পুরেজাতে একং, আসেৰনে একং, কম্মে পঞ্চ, ৰিপাকে পঞ্চ…পে… অৰিগতে পঞ্চ (সংখিত্তং).

নহেতুযা পঞ্চ, নআরম্মণে তীণি, নঅধিপতিযা পঞ্চ…পে… নপুরেজাতে পঞ্চ…পে… নকম্মে তীণি, নৰিপাকে তীণি, নআহারে তীণি, নইন্দ্রিযে তীণি, নঝানে তীণি, নমগ্গে পঞ্চ, নসম্পযুত্তে তীণি, নৰিপ্পযুত্তে তীণি, নোনত্থিযা তীণি, নোৰিগতে তীণি (সংখিত্তং. সহজাতৰারম্পি…পে… সম্পযুত্তৰারম্পি ৰিত্থারেতব্বং.)

হেতুআরম্মণপচ্চযাদি

৯৬. নোউপাদা অব্যাকতো ধম্মো নোউপাদা অব্যাকতস্স ধম্মস্স হেতুপচ্চযেন পচ্চযো… তীণি.

উপাদা অব্যাকতো ধম্মো নোউপাদা অব্যাকতস্স ধম্মস্স আরম্মণপচ্চযেন পচ্চযো. (১)

নোউপাদা অব্যাকতো ধম্মো নোউপাদা অব্যাকতস্স ধম্মস্স আরম্মণপচ্চযেন পচ্চযো. (১)

নোউপাদা অব্যাকতো ধম্মো নোউপাদা অব্যাকতস্স ধম্মস্স অধিপতিপচ্চযেন পচ্চযো… তীণি (পঠমে দ্ৰেপি অধিপতী, দ্ৰীসু সহজাতাধিপতি).

উপাদা অব্যাকতো ধম্মো নোউপাদা অব্যাকতস্স ধম্মস্স উপনিস্সযপচ্চযেন পচ্চযো. (১)

নোউপাদা অব্যাকতো ধম্মো নোউপাদা অব্যাকতস্স ধম্মস্স উপনিস্সযপচ্চযেন পচ্চযো. (১) (সংখিত্তং.)

৯৭. উপনিস্সযে দ্ৰে, পুরেজাতে তীণি, পচ্ছাজাতে তীণি, আসেৰনে একং, কম্মে তীণি, ৰিপাকে তীণি, আহারে ছ, ইন্দ্রিযে সত্ত, ঝানে তীণি, মগ্গে তীণি, সম্পযুত্তে একং, ৰিপ্পযুত্তে চত্তারি, অত্থিযা নৰ…পে… অৰিগতে নৰ (সংখিত্তং).