১-৭. পটিচ্চৰারাদি

পচ্চযচতুক্কং

হেতুপচ্চযো

৮৪. অজ্ঝত্তিকং কুসলং ধম্মং পটিচ্চ বাহিরো কুসলো ধম্মো উপ্পজ্জতি হেতুপচ্চযা. (১)

বাহিরং কুসলং ধম্মং পটিচ্চ বাহিরো কুসলো ধম্মো উপ্পজ্জতি হেতুপচ্চযা. বাহিরং কুসলং ধম্মং পটিচ্চ অজ্ঝত্তিকো কুসলো ধম্মো উপ্পজ্জতি হেতুপচ্চযা. বাহিরং কুসলং ধম্মং পটিচ্চ অজ্ঝত্তিকো কুসলো চ বাহিরো কুসলো চ ধম্মা উপ্পজ্জন্তি হেতুপচ্চযা. (৩)

অজ্ঝত্তিকং কুসলঞ্চ বাহিরং কুসলঞ্চ ধম্মং পটিচ্চ বাহিরো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

৮৫. হেতুযা পঞ্চ, আরম্মণে পঞ্চ…পে… অৰিগতে পঞ্চ. (সংখিত্তং. চিত্তদুকসদিসং. সহজাতৰারম্পি…পে… পঞ্হাৰারম্পি ৰিত্থারেতব্বং).

৮৬. অজ্ঝত্তিকং অকুসলং ধম্মং পটিচ্চ বাহিরো অকুসলো ধম্মো উপ্পজ্জতি হেতুপচ্চযা. (১)

বাহিরং অকুসলং ধম্মং পটিচ্চ বাহিরো অকুসলো ধম্মো উপ্পজ্জতি হেতুপচ্চযা. বাহিরং অকুসলং ধম্মং পটিচ্চ অজ্ঝত্তিকো অকুসলো ধম্মো উপ্পজ্জতি হেতুপচ্চযা. বাহিরং অকুসলং ধম্মং পটিচ্চ অজ্ঝত্তিকো অকুসলো চ বাহিরো অকুসলো চ ধম্মা উপ্পজ্জন্তি হেতুপচ্চযা. (৩)

অজ্ঝত্তিকং অকুসলঞ্চ বাহিরং অকুসলঞ্চ ধম্মং পটিচ্চ বাহিরো অকুসলো ধম্মো উপ্পজ্জতি হেতুপচ্চযা. (১) (সংখিত্তং.)

৮৭. হেতুযা পঞ্চ, আরম্মণে পঞ্চ…পে… অৰিগতে পঞ্চ. (সংখিত্তং. চিত্তদুকসদিসং. সহজাতৰারম্পি…পে… পঞ্হাৰারম্পি ৰিত্থারেতব্বং.)

৮৮. অজ্ঝত্তিকং অব্যাকতং ধম্মং পটিচ্চ অজ্ঝত্তিকো অব্যাকতো ধম্মো উপ্পজ্জতি হেতুপচ্চযা… তীণি.

বাহিরং অব্যাকতং ধম্মং পটিচ্চ বাহিরো অব্যাকতো ধম্মো উপ্পজ্জতি হেতুপচ্চযা… তীণি.

অজ্ঝত্তিকং অব্যাকতঞ্চ বাহিরং অব্যাকতঞ্চ ধম্মং পটিচ্চ অজ্ঝত্তিকো অব্যাকতো ধম্মো উপ্পজ্জতি হেতুপচ্চযা… তীণি (সংখিত্তং).

৮৯. হেতুযা নৰ, আরম্মণে পঞ্চ, অধিপতিযা পঞ্চ…পে… অঞ্ঞমঞ্ঞে পঞ্চ, নিস্সযে নৰ, উপনিস্সযে পঞ্চ, পুরেজাতে পঞ্চ, আসেৰনে পঞ্চ, কম্মে…পে… মগ্গে নৰ, সম্পযুত্তে পঞ্চ, ৰিপ্পযুত্তে নৰ…পে… অৰিগতে নৰ (সংখিত্তং).

নহেতুযা নৰ, নআরম্মণে নৰ, নঅধিপতিযা নৰ…পে… নকম্মে তীণি, নৰিপাকে পঞ্চ, নআহারে একং, নইন্দ্রিযে একং, নঝানে পঞ্চ, নমগ্গে নৰ, নসম্পযুত্তে নৰ, নৰিপ্পযুত্তে পঞ্চ, নোনত্থিযা নৰ, নোৰিগতে নৰ (সংখিত্তং. সহজাতৰারম্পি…পে… সম্পযুত্তৰারম্পি ৰিত্থারেতব্বং.)

৯০. বাহিরো অব্যাকতো ধম্মো বাহিরস্স অব্যাকতস্স ধম্মস্স হেতুপচ্চযেন পচ্চযো (সংখিত্তং).

বাহিরো অব্যাকতো ধম্মো বাহিরস্স অব্যাকতস্স ধম্মস্স কম্মপচ্চযেন পচ্চযো… তীণি.

৯১. হেতুযা তীণি, আরম্মণে নৰ, অধিপতিযা নৰ (অজ্ঝত্তিকো বাহিরস্স গমনকালে সহজাতাধিপতি, মজ্ঝে তীসুপি সহজাতাধিপতি), অনন্তরে নৰ, সহজাতে নৰ, অঞ্ঞমঞ্ঞে পঞ্চ, নিস্সযে নৰ, উপনিস্সযে নৰ, পুরেজাতে নৰ (আরম্মণপুরেজাতম্পি ৰত্থুপুরেজাতম্পি), পচ্ছাজাতে নৰ, আসেৰনে নৰ, কম্মে তীণি, ৰিপাকে নৰ, আহারে নৰ (তিণ্ণন্নং কবল়ীকারো আহারো), ইন্দ্রিযে নৰ (তিণ্ণন্নং রূপজীৰিতিন্দ্রিযং), ঝানে মগ্গে তীণি, সম্পযুত্তে পঞ্চ, ৰিপ্পযুত্তে নৰ, অত্থিযা নৰ…পে… অৰিগতে নৰ (সংখিত্তং).