১-৭. পটিচ্চৰারাদি

পচ্চযচতুক্কং

হেতুপচ্চযো

৫৩. চিত্তসহভুং কুসলং ধম্মং পটিচ্চ চিত্তসহভূ কুসলো ধম্মো উপ্পজ্জতি হেতুপচ্চযা. চিত্তসহভুং কুসলং ধম্মং পটিচ্চ নোচিত্তসহভূ কুসলো ধম্মো উপ্পজ্জতি হেতুপচ্চযা. চিত্তসহভুং কুসলং ধম্মং পটিচ্চ চিত্তসহভূ কুসলো চ নোচিত্তসহভূ কুসলো চ ধম্মা উপ্পজ্জন্তি হেতুপচ্চযা. (৩)

নোচিত্তসহভুং কুসলং ধম্মং পটিচ্চ চিত্তসহভূ কুসলো ধম্মো উপ্পজ্জতি হেতুপচ্চযা. (১)

চিত্তসহভুং কুসলঞ্চ নোচিত্তসহভুং কুসলঞ্চ ধম্মং পটিচ্চ চিত্তসহভূ কুসলো ধম্মো উপ্পজ্জতি হেতুপচ্চযা. (১) (সংখিত্তং.)

৫৪. হেতুযা পঞ্চ, আরম্মণে পঞ্চ…পে… অৰিগতে পঞ্চ (সংখিত্তং). (সহজাতৰারম্পি…পে… পঞ্হাৰারম্পি ৰিত্থারেতব্বং).

৫৫. চিত্তসহভুং অকুসলং ধম্মং পটিচ্চ চিত্তসহভূ অকুসলো ধম্মো উপ্পজ্জতি হেতুপচ্চযা… তীণি.

নোচিত্তসহভুং অকুসলং ধম্মং পটিচ্চ চিত্তসহভূ অকুসলো ধম্মো উপ্পজ্জতি হেতুপচ্চযা. (১)

চিত্তসহভুং অকুসলঞ্চ নোচিত্তসহভুং অকুসলঞ্চ ধম্মং পটিচ্চ চিত্তসহভূ অকুসলো ধম্মো উপ্পজ্জতি হেতুপচ্চযা. (১) (সংখিত্তং.)

৫৬. হেতুযা পঞ্চ, আরম্মণে পঞ্চ…পে… অৰিগতে পঞ্চ (সংখিত্তং).

(সহজাতৰারম্পি…পে… পঞ্হাৰারম্পি ৰিত্থারেতব্বং.)

৫৭. চিত্তসহভুং অব্যাকতং ধম্মং পটিচ্চ চিত্তসহভূ অব্যাকতো ধম্মো উপ্পজ্জতি হেতুপচ্চযা… তীণি.

নোচিত্তসহভুং অব্যাকতং ধম্মং পটিচ্চ নোচিত্তসহভূ অব্যাকতো ধম্মো উপ্পজ্জতি হেতুপচ্চযা… তীণি.

চিত্তসহভুং অব্যাকতঞ্চ নোচিত্তসহভুং অব্যাকতঞ্চ ধম্মং পটিচ্চ চিত্তসহভূ অব্যাকতো ধম্মো উপ্পজ্জতি হেতুপচ্চযা… তীণি (সংখিত্তং).

৫৮. হেতুযা নৰ, আরম্মণে নৰ…পে… অৰিগতে নৰ. (সংখিত্তং. যথা চেতসিকদুকমূলা তীণি গমনা, এৰং ইমেপি তীণি গমনা কাতব্বা. সহজাতৰারম্পি…পে… পঞ্হাৰারম্পি ৰিত্থারেতব্বং.)