১-৭. পটিচ্চৰারাদি

পচ্চযচতুক্কং

হেতুপচ্চযো

৪৩. চিত্তসমুট্ঠানং কুসলং ধম্মং পটিচ্চ চিত্তসমুট্ঠানো কুসলো ধম্মো উপ্পজ্জতি হেতুপচ্চযা. চিত্তসমুট্ঠানং কুসলং ধম্মং পটিচ্চ নোচিত্তসমুট্ঠানো কুসলো ধম্মো উপ্পজ্জতি হেতুপচ্চযা. চিত্তসমুট্ঠানং কুসলং ধম্মং পটিচ্চ চিত্তসমুট্ঠানো কুসলো চ নোচিত্তসমুট্ঠানো কুসলো চ ধম্মা উপ্পজ্জন্তি হেতুপচ্চযা. (৩)

নোচিত্তসমুট্ঠানং কুসলং ধম্মং পটিচ্চ চিত্তসমুট্ঠানো কুসলো ধম্মো উপ্পজ্জতি হেতুপচ্চযা. (১)

চিত্তসমুট্ঠানং কুসলঞ্চ নোচিত্তসমুট্ঠানং কুসলঞ্চ ধম্মং পটিচ্চ চিত্তসমুট্ঠানো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

৪৪. হেতুযা পঞ্চ, আরম্মণে পঞ্চ (সব্বত্থ পঞ্চ), অৰিগতে পঞ্চ (সংখিত্তং).

নঅধিপতিযা পঞ্চ, নপুরেজাতে পঞ্চ…পে… নকম্মে তীণি, নৰিপাকে পঞ্চ…পে… নৰিপ্পযুত্তে পঞ্চ (সংখিত্তং, সহজাতৰারাদি ৰিত্থারেতব্বো).

৪৫. চিত্তসমুট্ঠানো কুসলো ধম্মো চিত্তসমুট্ঠানস্স কুসলস্স ধম্মস্স হেতুপচ্চযেন পচ্চযো (সংখিত্তং).

৪৬. হেতুযা তীণি, আরম্মণে নৰ, অধিপতিযা নৰ, অনন্তরে নৰ, সমনন্তরে নৰ, সহজাতে পঞ্চ…পে… উপনিস্সযে নৰ, আসেৰনে নৰ, কম্মে তীণি, আহারে পঞ্চ, ইন্দ্রিযে পঞ্চ, ঝানে তীণি, মগ্গে তীণি, সম্পযুত্তে পঞ্চ, অত্থিযা পঞ্চ…পে… অৰিগতে পঞ্চ (সংখিত্তং).

৪৭. চিত্তসমুট্ঠানং অকুসলং ধম্মং পটিচ্চ চিত্তসমুট্ঠানো অকুসলো ধম্মো উপ্পজ্জতি হেতুপচ্চযা… তীণি.

নোচিত্তসমুট্ঠানং অকুসলং ধম্মং পটিচ্চ চিত্তসমুট্ঠানো অকুসলো ধম্মো উপ্পজ্জতি হেতুপচ্চযা. (১)

চিত্তসমুট্ঠানং অকুসলঞ্চ নোচিত্তসমুট্ঠানং অকুসলঞ্চ ধম্মং পটিচ্চ চিত্তসমুট্ঠানো অকুসলো ধম্মো উপ্পজ্জতি হেতুপচ্চযা. (১) (সংখিত্তং).

৪৮. হেতুযা পঞ্চ, আরম্মণে পঞ্চ…পে… অৰিগতে পঞ্চ (সংখিত্তং).

(কুসলত্তিকসদিসং সহজাতৰারম্পি …পে… পঞ্হাৰারম্পি ৰিত্থারেতব্বং.)

৪৯. চিত্তসমুট্ঠানং অব্যাকতং ধম্মং পটিচ্চ চিত্তসমুট্ঠানো অব্যাকতো ধম্মো উপ্পজ্জতি হেতুপচ্চযা… তীণি.

নোচিত্তসমুট্ঠানং অব্যাকতং ধম্মং পটিচ্চ নোচিত্তসমুট্ঠানো অব্যাকতো ধম্মো উপ্পজ্জতি হেতুপচ্চযা… তীণি.

চিত্তসমুট্ঠানং অব্যাকতঞ্চ নোচিত্তসমুট্ঠানং অব্যাকতঞ্চ ধম্মং পটিচ্চ চিত্তসমুট্ঠানো অব্যাকতো ধম্মো উপ্পজ্জতি হেতুপচ্চযা… তীণি (সংখিত্তং).

৫০. হেতুযা নৰ, আরম্মণে নৰ, অধিপতিযা পঞ্চ (সব্বত্থ নৰ), পুরেজাতে পঞ্চ, আসেৰনে পঞ্চ…পে… অৰিগতে নৰ (সংখিত্তং).

নহেতুযা নৰ, নআরম্মণে ছ, নঅধিপতিযা নৰ…পে… নকম্মে তীণি, নৰিপাকে ছ, নআহারে একং, নইন্দ্রিযে একং, নঝানে ছ, নমগ্গে নৰ, নসম্পযুত্তে ছ, নৰিপ্পযুত্তে ছ, নোনত্থিযা ছ, নোৰিগতে ছ (সংখিত্তং).

(সহজাতৰারম্পি…পে… সম্পযুত্তৰারম্পি ৰিত্থারেতব্বং.)

৫১. চিত্তসমুট্ঠানো অব্যাকতো ধম্মো চিত্তসমুট্ঠানস্স অব্যাকতস্স ধম্মস্স হেতুপচ্চযেন পচ্চযো… তীণি.

চিত্তসমুট্ঠানো অব্যাকতো ধম্মো চিত্তসমুট্ঠানস্স অব্যাকতস্স ধম্মস্স আরম্মণপচ্চযেন পচ্চযো (সংখিত্তং).

৫২. হেতুযা তীণি, আরম্মণে নৰ, অধিপতিযা নৰ, অনন্তরে নৰ (সব্বত্থ নৰ), পুরেজাতে নৰ, পচ্ছাজাতে নৰ, আসেৰনে নৰ, কম্মে তীণি, ৰিপাকে নৰ, আহারে নৰ (চিত্তসমুট্ঠানমূলং নোচিত্তসমুট্ঠানস্স কবল়ীকারো আহারো কাতব্বো. নোচিত্তসমুট্ঠানো চিত্তসমুট্ঠানস্স কবল়ীকারো আহারো ঘটনে মজ্ঝে কবল়ীকারো আহারো), ইন্দ্রিযে নৰ (রূপজীৰিতিন্দ্রিযং একং), ঝানে তীণি, মগ্গে তীণি, সম্পযুত্তে পঞ্চ, ৰিপ্পযুত্তে নৰ, অত্থিযা নৰ, নত্থিযা নৰ, ৰিগতে নৰ, অৰিগতে নৰ (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)