১. ৰিভঙ্গৰারো

হেতুপচ্চযো

১০০. নীৰরণো চেৰ নীৰরণসম্পযুত্তো চ ধম্মো নীৰরণস্স চেৰ নীৰরণসম্পযুত্তস্স চ ধম্মস্স হেতুপচ্চযেন পচ্চযো – নীৰরণা চেৰ নীৰরণসম্পযুত্তা চ হেতূ সম্পযুত্তকানং নীৰরণানং হেতুপচ্চযেন পচ্চযো. (১)

নীৰরণো চেৰ নীৰরণসম্পযুত্তো চ ধম্মো নীৰরণসম্পযুত্তস্স চেৰ নো চ নীৰরণস্স ধম্মস্স হেতুপচ্চযেন পচ্চযো – নীৰরণা চেৰ নীৰরণসম্পযুত্তা চ হেতূ সম্পযুত্তকানং খন্ধানং হেতুপচ্চযেন পচ্চযো. (২)

নীৰরণো চেৰ নীৰরণসম্পযুত্তো চ ধম্মো নীৰরণস্স চেৰ নীৰরণসম্পযুত্তস্স চ নীৰরণসম্পযুত্তস্স চেৰ নো চ নীৰরণস্স চ ধম্মস্স হেতুপচ্চযেন পচ্চযো – নীৰরণা চেৰ নীৰরণসম্পযুত্তা চ হেতূ সম্পযুত্তকানং খন্ধানং নীৰরণানঞ্চ হেতুপচ্চযেন পচ্চযো. (৩)

আরম্মণপচ্চযো

১০১. নীৰরণো চেৰ নীৰরণসম্পযুত্তো চ ধম্মো নীৰরণস্স চেৰ নীৰরণসম্পযুত্তস্স চ ধম্মস্স আরম্মণপচ্চযেন পচ্চযো – নীৰরণে আরব্ভ নীৰরণা উপ্পজ্জন্তি. (মূলং কাতব্বং) নীৰরণে আরব্ভ নীৰরণসম্পযুত্তা চেৰ নো চ নীৰরণা খন্ধা উপ্পজ্জন্তি. (মূলং কাতব্বং) নীৰরণে আরব্ভ নীৰরণা চ সম্পযুত্তকা চ খন্ধা উপ্পজ্জন্তি. (৩)

নীৰরণসম্পযুত্তো চেৰ নো চ নীৰরণো ধম্মো নীৰরণসম্পযুত্তস্স চেৰ নো চ নীৰরণস্স ধম্মস্স আরম্মণপচ্চযেন পচ্চযো – নীৰরণসম্পযুত্তে চেৰ নো চ নীৰরণে খন্ধে আরব্ভ নীৰরণসম্পযুত্তা চেৰ নো চ নীৰরণা খন্ধা উপ্পজ্জন্তি. (মূলং পুচ্ছিতব্বং) নীৰরণসম্পযুত্তে চেৰ নো চ নীৰরণে খন্ধে আরব্ভ নীৰরণা উপ্পজ্জন্তি. (মূলং পুচ্ছিতব্বং) নীৰরণসম্পযুত্তে চেৰ নো চ নীৰরণে খন্ধে আরব্ভ নীৰরণা চ সম্পযুত্তকা চ খন্ধা উপ্পজ্জন্তি. (৩)

নীৰরণো চেৰ নীৰরণসম্পযুত্তো চ নীৰরণসম্পযুত্তো চেৰ নো চ নীৰরণো চ ধম্মা নীৰরণস্স চেৰ নীৰরণসম্পযুত্তস্স চ ধম্মস্স আরম্মণপচ্চযেন পচ্চযো… তীণি. (৩)

অধিপতিপচ্চযাদি

১০২. নীৰরণো চেৰ নীৰরণসম্পযুত্তো চ ধম্মো নীৰরণস্স চেৰ নীৰরণসম্পযুত্তস্স চ ধম্মস্স অধিপতিপচ্চযেন পচ্চযো – আরম্মণাধিপতি… তীণি (গরুকারম্মণাযেৰ).

নীৰরণসম্পযুত্তো চেৰ নো চ নীৰরণো ধম্মো নীৰরণসম্পযুত্তস্স চেৰ নো চ নীৰরণস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি নীৰরণসম্পযুত্তে চেৰ নো চ নীৰরণে খন্ধে গরুং কত্ৰা নীৰরণসম্পযুত্তা চেৰ নো চ নীৰরণা খন্ধা উপ্পজ্জন্তি. সহজাতাধিপতি – নীৰরণসম্পযুত্তা চেৰ নো চ নীৰরণাধিপতি সম্পযুত্তকানং খন্ধানং অধিপতিপচ্চযেন পচ্চযো. (মূলং কাতব্বং) আরম্মণাধিপতি – নীৰরণসম্পযুত্তে চেৰ নো চ নীৰরণে খন্ধে গরুং কত্ৰা নীৰরণা উপ্পজ্জন্তি. সহজাতাধিপতি – নীৰরণসম্পযুত্তা চেৰ নো চ নীৰরণাধিপতি সম্পযুত্তকানং নীৰরণানং অধিপতিপচ্চযেন পচ্চযো. (মূলং কাতব্বং) আরম্মণাধিপতি – নীৰরণসম্পযুত্তে চেৰ নো চ নীৰরণে খন্ধে গরুং কত্ৰা নীৰরণা চ সম্পযুত্তকা চ খন্ধা উপ্পজ্জন্তি. সহজাতাধিপতি – নীৰরণসম্পযুত্তা চেৰ নো চ নীৰরণাধিপতি সম্পযুত্তকানং খন্ধানং নীৰরণানঞ্চ অধিপতিপচ্চযেন পচ্চযো. (৩)

১০৩. নীৰরণো চেৰ নীৰরণসম্পযুত্তো চ নীৰরণসম্পযুত্তো চেৰ নো চ নীৰরণো চ ধম্মা নীৰরণস্স চেৰ নীৰরণসম্পযুত্তস্স চ ধম্মস্স অধিপতিপচ্চযেন পচ্চযো – আরম্মণাধিপতি… তীণি. (৩)

অনন্তরপচ্চযেন পচ্চযো (আৰজ্জনাপি ৰুট্ঠানম্পি নত্থি, সব্বত্থ পুরিমা পুরিমা কাতব্বা)… সমনন্তরপচ্চযেন পচ্চযো… নৰ… সহজাতপচ্চযেন পচ্চযো… নৰ… অঞ্ঞমঞ্ঞপচ্চযেন পচ্চযো… নৰ… নিস্সযপচ্চযেন পচ্চযো… নৰ… উপনিস্সযপচ্চযেন পচ্চযো… নৰ (আরম্মণসদিসং, ৰিপাকো নত্থি)… আসেৰনপচ্চযেন পচ্চযো… পঞ্চ.

কম্মপচ্চযো

১০৪. নীৰরণসম্পযুত্তো চেৰ নো চ নীৰরণো ধম্মো নীৰরণসম্পযুত্তস্স চেৰ নো চ নীৰরণস্স ধম্মস্স কম্মপচ্চযেন পচ্চযো – নীৰরণসম্পযুত্তা চেৰ নো চ নীৰরণা চেতনা সম্পযুত্তকানং খন্ধানং কম্মপচ্চযেন পচ্চযো. (মূলং কাতব্বং) নীৰরণসম্পযুত্তা চেৰ নো চ নীৰরণা চেতনা সম্পযুত্তকানং নীৰরণানং কম্মপচ্চযেন পচ্চযো. (মূলং কাতব্বং) নীৰরণসম্পযুত্তা চেৰ নো চ নীৰরণা চেতনা সম্পযুত্তকানং খন্ধানং নীৰরণানঞ্চ কম্মপচ্চযেন পচ্চযো. (৩)

আহারপচ্চযাদি

১০৫. নীৰরণসম্পযুত্তো চেৰ নো চ নীৰরণো ধম্মো নীৰরণসম্পযুত্তস্স চেৰ নো চ নীৰরণস্স ধম্মস্স আহারপচ্চযেন পচ্চযো… তীণি… ইন্দ্রিযপচ্চযেন পচ্চযো… তীণি… ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… নৰ… অত্থিপচ্চযেন পচ্চযো… নৰ… নত্থিপচ্চযেন পচ্চযো… নৰ… ৰিগতপচ্চযেন পচ্চযো… নৰ… অৰিগতপচ্চযেন পচ্চযো … নৰ.