৮. নীৰরণগোচ্ছকং

৪৪. নীৰরণদুকং

১. পটিচ্চৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১. নীৰরণং ধম্মং পটিচ্চ নীৰরণো ধম্মো উপ্পজ্জতি হেতুপচ্চযা – কামচ্ছন্দনীৰরণং পটিচ্চ থিনমিদ্ধনীৰরণং [থীনমিদ্ধনীৰরণং (স্যা.)] উদ্ধচ্চনীৰরণং অৰিজ্জানীৰরণং, কামচ্ছন্দনীৰরণং পটিচ্চ উদ্ধচ্চনীৰরণং অৰিজ্জানীৰরণং, ব্যাপাদনীৰরণং পটিচ্চ থিনমিদ্ধনীৰরণং উদ্ধচ্চনীৰরণং অৰিজ্জানীৰরণং, ব্যাপাদনীৰরণং পটিচ্চ উদ্ধচ্চনীৰরণং অৰিজ্জানীৰরণং, ব্যাপাদনীৰরণং পটিচ্চ থিনমিদ্ধনীৰরণং উদ্ধচ্চনীৰরণং কুক্কুচ্চনীৰরণং অৰিজ্জানীৰরণং, ব্যাপাদনীৰরণং পটিচ্চ উদ্ধচ্চনীৰরণং কুক্কুচ্চনীৰরণং অৰিজ্জানীৰরণং, ৰিচিকিচ্ছানীৰরণং পটিচ্চ উদ্ধচ্চনীৰরণং, উদ্ধচ্চনীৰরণং পটিচ্চ অৰিজ্জানীৰরণং. (১)

নীৰরণং ধম্মং পটিচ্চ নোনীৰরণো ধম্মো উপ্পজ্জতি হেতুপচ্চযা – নীৰরণে পটিচ্চ সম্পযুত্তকা খন্ধা চিত্তসমুট্ঠানঞ্চ রূপং. (২)

নীৰরণং ধম্মং পটিচ্চ নীৰরণো চ নোনীৰরণো চ ধম্মা উপ্পজ্জন্তি হেতুপচ্চযা – কামচ্ছন্দনীৰরণং পটিচ্চ থিনমিদ্ধনীৰরণং উদ্ধচ্চনীৰরণং অৰিজ্জানীৰরণং সম্পযুত্তকা চ খন্ধা চিত্তসমুট্ঠানঞ্চ রূপং (চক্কং). (৩)

২. নোনীৰরণং ধম্মং পটিচ্চ নোনীৰরণো ধম্মো উপ্পজ্জতি হেতুপচ্চযা – নোনীৰরণং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে…. (১)

নোনীৰরণং ধম্মং পটিচ্চ নীৰরণো ধম্মো উপ্পজ্জতি হেতুপচ্চযা – নোনীৰরণে খন্ধে পটিচ্চ নীৰরণা. (২)

নোনীৰরণং ধম্মং পটিচ্চ নীৰরণো চ নোনীৰরণো চ ধম্মা উপ্পজ্জন্তি হেতুপচ্চযা – নোনীৰরণং একং খন্ধং পটিচ্চ তযো খন্ধা নীৰরণা চ চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

৩. নীৰরণঞ্চ নোনীৰরণঞ্চ ধম্মং পটিচ্চ নীৰরণো ধম্মো উপ্পজ্জতি হেতুপচ্চযা – কামচ্ছন্দনীৰরণঞ্চ সম্পযুত্তকে চ খন্ধে পটিচ্চ থিনমিদ্ধনীৰরণং উদ্ধচ্চনীৰরণং অৰিজ্জানীৰরণং (চক্কং). (১)

নীৰরণঞ্চ নোনীৰরণঞ্চ ধম্মং পটিচ্চ নোনীৰরণো ধম্মো উপ্পজ্জতি হেতুপচ্চযা – নোনীৰরণং একং খন্ধঞ্চ নীৰরণঞ্চ পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে চ…পে… নীৰরণে চ মহাভূতে চ পটিচ্চ চিত্তসমুট্ঠানং রূপং. (২)

নীৰরণঞ্চ নোনীৰরণঞ্চ ধম্মং পটিচ্চ নীৰরণো চ নোনীৰরণো চ ধম্মা উপ্পজ্জন্তি হেতুপচ্চযা – নোনীৰরণং একং খন্ধঞ্চ কামচ্ছন্দনীৰরণঞ্চ পটিচ্চ তযো খন্ধা থিনমিদ্ধনীৰরণং উদ্ধচ্চনীৰরণং অৰিজ্জানীৰরণং…পে… দ্ৰে খন্ধে চ…পে… (চক্কং. সংখিত্তং). (৩)

১. পচ্চযানুলোমং

২. সঙ্খ্যাৰারো

সুদ্ধং

৪. হেতুযা নৰ, আরম্মণে নৰ, অধিপতিযা নৰ, অনন্তরে নৰ, সমনন্তরে নৰ (সব্বত্থ নৰ), ৰিপাকে একং, আহারে নৰ…পে… অৰিগতে নৰ.

অনুলোমং.

২. পচ্চযপচ্চনীযং

১. ৰিভঙ্গৰারো

নহেতুপচ্চযো

৫. নীৰরণং ধম্মং পটিচ্চ নীৰরণো ধম্মো উপ্পজ্জতি নহেতুপচ্চযা – ৰিচিকিচ্ছানীৰরণং পটিচ্চ অৰিজ্জানীৰরণং, উদ্ধচ্চনীৰরণং পটিচ্চ অৰিজ্জানীৰরণং. (১)

নোনীৰরণং ধম্মং পটিচ্চ নোনীৰরণো ধম্মো উপ্পজ্জতি নহেতুপচ্চযা – অহেতুকং নোনীৰরণং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে…পে… অহেতুকপটিসন্ধিক্খণে…পে… (যাৰ অসঞ্ঞসত্তা). (১)

নোনীৰরণং ধম্মং পটিচ্চ নীৰরণো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে উদ্ধচ্চসহগতে খন্ধে পটিচ্চ অৰিজ্জানীৰরণং. (২)

৬. নীৰরণঞ্চ নোনীৰরণঞ্চ ধম্মং পটিচ্চ নীৰরণো ধম্মো উপ্পজ্জতি নহেতুপচ্চযা – ৰিচিকিচ্ছানীৰরণঞ্চ সম্পযুত্তকে চ খন্ধে পটিচ্চ অৰিজ্জানীৰরণং, উদ্ধচ্চনীৰরণঞ্চ সম্পযুত্তকে চ খন্ধে পটিচ্চ অৰিজ্জানীৰরণং. (১)

নআরম্মণপচ্চযাদি

৭. নীৰরণং ধম্মং পটিচ্চ নোনীৰরণো ধম্মো উপ্পজ্জতি নআরম্মণপচ্চযা – নীৰরণে পটিচ্চ চিত্তসমুট্ঠানং রূপং. (১)

নোনীৰরণং ধম্মং পটিচ্চ নোনীৰরণো ধম্মো উপ্পজ্জতি নআরম্মণপচ্চযা – নোনীৰরণে খন্ধে পটিচ্চ চিত্তসমুট্ঠানং রূপং; পটিসন্ধিক্খণে…পে… (যাৰ অসঞ্ঞসত্তা). (১)

নীৰরণঞ্চ নোনীৰরণঞ্চ ধম্মং পটিচ্চ নোনীৰরণো ধম্মো উপ্পজ্জতি নআরম্মণপচ্চযা – নীৰরণে চ সম্পযুত্তকে চ খন্ধে পটিচ্চ চিত্তসমুট্ঠানং রূপং (সংখিত্তং)… নঅধিপতিপচ্চযা… নঅনন্তরপচ্চযা… নসমনন্তরপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা.

নপুরেজাতপচ্চযো

৮. নীৰরণং ধম্মং পটিচ্চ নীৰরণো ধম্মো উপ্পজ্জতি নপুরেজাতপচ্চযা – অরূপে কামচ্ছন্দনীৰরণং পটিচ্চ থিনমিদ্ধনীৰরণং উদ্ধচ্চনীৰরণং অৰিজ্জানীৰরণং, অরূপে কামচ্ছন্দনীৰরণং পটিচ্চ উদ্ধচ্চনীৰরণং অৰিজ্জানীৰরণং, অরূপে ৰিচিকিচ্ছানীৰরণং পটিচ্চ উদ্ধচ্চনীৰরণং অৰিজ্জানীৰরণং, অরূপে উদ্ধচ্চনীৰরণং পটিচ্চ অৰিজ্জানীৰরণং. (১)

নীৰরণং ধম্মং পটিচ্চ নোনীৰরণো ধম্মো উপ্পজ্জতি নপুরেজাতপচ্চযা – অরূপে নীৰরণে পটিচ্চ সম্পযুত্তকা খন্ধা, নীৰরণে পটিচ্চ চিত্তসমুট্ঠানং রূপং. (অৰসেসা পঞ্হা সব্বে ৰিত্থারেতব্বা. অরূপং পঠমং কাতব্বং, রূপং পচ্ছা যথা লভতি.)

৯. নীৰরণঞ্চ নোনীৰরণঞ্চ ধম্মং পটিচ্চ নীৰরণো ধম্মো উপ্পজ্জতি নপুরেজাতপচ্চযা – অরূপে নোনীৰরণে খন্ধে চ কামচ্ছন্দনীৰরণঞ্চ পটিচ্চ থিনমিদ্ধনীৰরণং উদ্ধচ্চনীৰরণং (চক্কং). (১)

নীৰরণঞ্চ নোনীৰরণঞ্চ ধম্মং পটিচ্চ নোনীৰরণো ধম্মো উপ্পজ্জতি নপুরেজাতপচ্চযা – অরূপে নোনীৰরণং একং খন্ধঞ্চ নীৰরণে চ পটিচ্চ তযো খন্ধা…পে… দ্ৰে খন্ধে চ…পে… নীৰরণে চ সম্পযুত্তকে চ খন্ধে পটিচ্চ চিত্তসমুট্ঠানং রূপং, নীৰরণে চ মহাভূতে চ পটিচ্চ চিত্তসমুট্ঠানং রূপং. (২)

নীৰরণঞ্চ নোনীৰরণঞ্চ ধম্মং পটিচ্চ নীৰরণো চ নোনীৰরণো চ ধম্মা উপ্পজ্জন্তি নপুরেজাতপচ্চযা – অরূপে নোনীৰরণং একং খন্ধঞ্চ কামচ্ছন্দনীৰরণঞ্চ পটিচ্চ তযো খন্ধা থিনমিদ্ধনীৰরণং উদ্ধচ্চনীৰরণং অৰিজ্জানীৰরণং (চক্কং. সংখিত্তং). (৩)

২. পচ্চযপচ্চনীযং

২. সঙ্খ্যাৰারো

সুদ্ধং

১০. নহেতুযা চত্তারি, নআরম্মণে তীণি, নঅধিপতিযা নৰ, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে তীণি, নৰিপ্পযুত্তে নৰ, নোনত্থিযা তীণি, নোৰিগতে তীণি.

৩. পচ্চযানুলোমপচ্চনীযং

১১. হেতুপচ্চযা নআরম্মণে তীণি, নঅধিপতিযা নৰ (সংখিত্তং).

৪. পচ্চযপচ্চনীযানুলোমং

১২. নহেতুপচ্চযা আরম্মণে চত্তারি…পে… মগ্গে তীণি…পে… অৰিগতে চত্তারি.

২. সহজাতৰারো

(সহজাতৰারোপি এৰং ৰিত্থারেতব্বো).

৩. পচ্চযৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১৩. নীৰরণং ধম্মং পচ্চযা নীৰরণো ধম্মো উপ্পজ্জতি হেতুপচ্চযা… তীণি.

নোনীৰরণং ধম্মং পচ্চযা নোনীৰরণো ধম্মো উপ্পজ্জতি হেতুপচ্চযা – নোনীৰরণং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… (যাৰ অজ্ঝত্তিকা মহাভূতা), ৰত্থুং পচ্চযা নোনীৰরণা খন্ধা. (১)

নোনীৰরণং ধম্মং পচ্চযা নীৰরণো ধম্মো উপ্পজ্জতি হেতুপচ্চযা – নোনীৰরণে খন্ধে পচ্চযা নীৰরণা, ৰত্থুং পচ্চযা নীৰরণা. (২)

নোনীৰরণং ধম্মং পচ্চযা নীৰরণো চ নোনীৰরণো চ ধম্মা উপ্পজ্জন্তি হেতুপচ্চযা – নোনীৰরণং একং খন্ধং পচ্চযা তযো খন্ধা নীৰরণা চ চিত্তসমুট্ঠানঞ্চ রূপং…পে… দ্ৰে খন্ধে…পে… ৰত্থুং পচ্চযা নীৰরণা, মহাভূতে পচ্চযা চিত্তসমুট্ঠানং রূপং, ৰত্থুং পচ্চযা নীৰরণা চ সম্পযুত্তকা চ খন্ধা. (৩)

১৪. নীৰরণঞ্চ নোনীৰরণঞ্চ ধম্মং পচ্চযা নীৰরণো ধম্মো উপ্পজ্জতি হেতুপচ্চযা – কামচ্ছন্দনীৰরণঞ্চ সম্পযুত্তকে চ খন্ধে পচ্চযা থিনমিদ্ধনীৰরণং উদ্ধচ্চনীৰরণং অৰিজ্জানীৰরণং (চক্কং). কামচ্ছন্দনীৰরণঞ্চ ৰত্থুঞ্চ পচ্চযা থিনমিদ্ধনীৰরণং উদ্ধচ্চনীৰরণং অৰিজ্জানীৰরণং (চক্কং). (১)

নীৰরণঞ্চ নোনীৰরণঞ্চ ধম্মং পচ্চযা নোনীৰরণো ধম্মো উপ্পজ্জতি হেতুপচ্চযা – নোনীৰরণং একং খন্ধঞ্চ নীৰরণঞ্চ পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… নীৰরণঞ্চ ৰত্থুঞ্চ পচ্চযা সম্পযুত্তকা খন্ধা, নীৰরণঞ্চ সম্পযুত্তকে চ খন্ধে পচ্চযা চিত্তসমুট্ঠানং রূপং, নীৰরণে চ মহাভূতে চ পচ্চযা চিত্তসমুট্ঠানং রূপং. (২)

নীৰরণঞ্চ নোনীৰরণঞ্চ ধম্মং পচ্চযা নীৰরণো চ নোনীৰরণো চ ধম্মা উপ্পজ্জন্তি হেতুপচ্চযা – নোনীৰরণং একং খন্ধঞ্চ কামচ্ছন্দনীৰরণঞ্চ পচ্চযা তযো খন্ধা থিনমিদ্ধনীৰরণং উদ্ধচ্চনীৰরণং অৰিজ্জানীৰরণং…পে… দ্ৰে খন্ধে …পে… (চক্কং). কামচ্ছন্দনীৰরণঞ্চ ৰত্থুঞ্চ পচ্চযা থিনমিদ্ধনীৰরণং উদ্ধচ্চনীৰরণং অৰিজ্জানীৰরণং সম্পযুত্তকা চ খন্ধা (চক্কং. সংখিত্তং). (৩)

১. পচ্চযানুলোমং

২. সঙ্খ্যাৰারো

১৫. হেতুযা নৰ, আরম্মণে নৰ (সব্বত্থ নৰ), ৰিপাকে একং…পে… অৰিগতে নৰ.

অনুলোমং.

২. পচ্চযপচ্চনীযং

১. ৰিভঙ্গৰারো

নহেতুপচ্চযো

১৬. নীৰরণং ধম্মং পচ্চযা নীৰরণো ধম্মো উপ্পজ্জতি নহেতুপচ্চযা – ৰিচিকিচ্ছানীৰরণং পচ্চযা অৰিজ্জানীৰরণং, উদ্ধচ্চনীৰরণং পচ্চযা অৰিজ্জানীৰরণং. (১)

নোনীৰরণং ধম্মং পচ্চযা নোনীৰরণো ধম্মো উপ্পজ্জতি নহেতুপচ্চযা – অহেতুকং নোনীৰরণং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… (যাৰ অসঞ্ঞসত্তা) চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং, ৰত্থুং পচ্চযা অহেতুকা নোনীৰরণা খন্ধা. (১)

নোনীৰরণং ধম্মং পচ্চযা নীৰরণো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে উদ্ধচ্চসহগতে খন্ধে পচ্চযা অৰিজ্জানীৰরণং, ৰত্থুং পচ্চযা অৰিজ্জানীৰরণং. (২)

১৭. নীৰরণঞ্চ নোনীৰরণঞ্চ ধম্মং পচ্চযা নীৰরণো ধম্মো উপ্পজ্জতি নহেতুপচ্চযা – ৰিচিকিচ্ছানীৰরণঞ্চ সম্পযুত্তকে চ খন্ধে পচ্চযা অৰিজ্জানীৰরণং, উদ্ধচ্চনীৰরণঞ্চ সম্পযুত্তকে চ খন্ধে পচ্চযা অৰিজ্জানীৰরণং, ৰিচিকিচ্ছানীৰরণঞ্চ ৰত্থুঞ্চ পচ্চযা অৰিজ্জানীৰরণং, উদ্ধচ্চনীৰরণঞ্চ ৰত্থুঞ্চ পচ্চযা অৰিজ্জানীৰরণং (সংখিত্তং). (১)

২. পচ্চযপচ্চনীযং

২. সঙ্খ্যাৰারো

সুদ্ধং

১৮. নহেতুযা চত্তারি, নআরম্মণে তীণি, নঅধিপতিযা নৰ, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে তীণি, নৰিপ্পযুত্তে নৰ, নোনত্থিযা তীণি, নোৰিগতে তীণি.

৩. পচ্চযানুলোমপচ্চনীযং

১৯. হেতুপচ্চযা নআরম্মণে তীণি, নঅধিপতিযা নৰ (সংখিত্তং).

৪. পচ্চযপচ্চনীযানুলোমং

২০. নহেতুপচ্চযা আরম্মণে চত্তারি, অনন্তরে চত্তারি, সমনন্তরে চত্তারি…পে… মগ্গে তীণি, অৰিগতে চত্তারি.

৫. সংসট্ঠৰারো

১-৪. পচ্চযচতুক্কং

২১. নীৰরণং ধম্মং সংসট্ঠো নীৰরণো ধম্মো উপ্পজ্জতি হেতুপচ্চযা – কামচ্ছন্দনীৰরণং সংসট্ঠং থিনমিদ্ধনীৰরণং উদ্ধচ্চনীৰরণং অৰিজ্জানীৰরণং (চক্কং. সব্বং নীৰরণং ৰিত্থারেতব্বং).

২২. হেতুযা নৰ, আরম্মণে নৰ (সব্বত্থ নৰ), ৰিপাকে একং…পে… অৰিগতে নৰ.

অনুলোমং.

২৩. নীৰরণং ধম্মং সংসট্ঠো নীৰরণো ধম্মো উপ্পজ্জতি নহেতুপচ্চযা – ৰিচিকিচ্ছানীৰরণং সংসট্ঠং অৰিজ্জানীৰরণং, উদ্ধচ্চনীৰরণং সংসট্ঠং অৰিজ্জানীৰরণং (সংখিত্তং).

২৪. নহেতুযা চত্তারি, নঅধিপতিযা নৰ, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নঝানে একং, নমগ্গে একং, নৰিপ্পযুত্তে নৰ.

পচ্চনীযং.

৬. সম্পযুত্তৰারো

(এৰং ইতরে দ্ৰে গণনাপি সম্পযুত্তৰারোপি কাতব্বো.)

৭. পঞ্হাৰারো

১. পচ্চযানুলোমং

১. ৰিভঙ্গৰারো

হেতুপচ্চযো

২৫. নীৰরণো ধম্মো নীৰরণস্স ধম্মস্স হেতুপচ্চযেন পচ্চযো – নীৰরণা হেতূ সম্পযুত্তকানং নীৰরণানং হেতুপচ্চযেন পচ্চযো. (১)

নীৰরণো ধম্মো নোনীৰরণস্স ধম্মস্স হেতুপচ্চযেন পচ্চযো – নীৰরণা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (২)

নীৰরণো ধম্মো নীৰরণস্স চ নোনীৰরণস্স চ ধম্মস্স হেতুপচ্চযেন পচ্চযো – নীৰরণা হেতূ সম্পযুত্তকানং খন্ধানং নীৰরণানঞ্চ চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

নোনীৰরণো ধম্মো নোনীৰরণস্স ধম্মস্স হেতুপচ্চযেন পচ্চযো – নোনীৰরণা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

আরম্মণপচ্চযো

২৬. নীৰরণো ধম্মো নীৰরণস্স ধম্মস্স আরম্মণপচ্চযেন পচ্চযো – নীৰরণে আরব্ভ নীৰরণা উপ্পজ্জন্তি. (মূলং পুচ্ছিতব্বং) নীৰরণে আরব্ভ নোনীৰরণা খন্ধা উপ্পজ্জন্তি. (মূলং কাতব্বং) নীৰরণে আরব্ভ নীৰরণা চ সম্পযুত্তকা চ খন্ধা উপ্পজ্জন্তি. (৩)

২৭. নোনীৰরণো ধম্মো নোনীৰরণস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি…পে… ঝানা ৰুট্ঠহিত্ৰা ঝানং…পে… অরিযা মগ্গা ৰুট্ঠহিত্ৰা মগ্গং…পে… ফলং…পে… নিব্বানং…পে… নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; অরিযা নোনীৰরণে পহীনে কিলেসে পচ্চৰেক্খন্তি, ৰিক্খম্ভিতে কিলেসে…পে… পুব্বে সমুদাচিণ্ণে…পে… চক্খুং…পে… ৰত্থুং নোনীৰরণে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন নোনীৰরণচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… নোনীৰরণা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

নোনীৰরণো ধম্মো নীৰরণস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা…পে… চক্খুং…পে… ৰত্থুং নোনীৰরণে খন্ধে অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি …পে… ৰিচিকিচ্ছা…পে… উদ্ধচ্চং…পে… দোমনস্সং উপ্পজ্জতি. (২)

নোনীৰরণো ধম্মো নীৰরণস্স চ নোনীৰরণস্স চ ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা…পে… চক্খুং…পে… ৰত্থুং নোনীৰরণে খন্ধে অস্সাদেতি অভিনন্দতি, তং আরব্ভ নীৰরণা চ সম্পযুত্তকা চ খন্ধা উপ্পজ্জন্তি. (৩)

নীৰরণো চ নোনীৰরণো চ ধম্মা নীৰরণস্স ধম্মস্স আরম্মণপচ্চযেন পচ্চযো… তীণি (আরব্ভ কাতব্বা).

অধিপতিপচ্চযো

২৮. নীৰরণো ধম্মো নীৰরণস্স ধম্মস্স অধিপতিপচ্চযেন পচ্চযো. আরম্মণাধিপতি – নীৰরণে গরুং কত্ৰা নীৰরণা উপ্পজ্জন্তি… তীণি (আরম্মণসদিসং). (৩)

২৯. নোনীৰরণো ধম্মো নোনীৰরণস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি…পে… ঝানা…পে… অরিযা মগ্গা ৰুট্ঠহিত্ৰা মগ্গং…পে… ফলং…পে… নিব্বানং…পে… নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৰত্থুং নোনীৰরণে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নোনীৰরণাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

নোনীৰরণো ধম্মো নীৰরণস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৰত্থুং নোনীৰরণে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নোনীৰরণাধিপতি সম্পযুত্তকানং নীৰরণানং অধিপতিপচ্চযেন পচ্চযো. (২)

নোনীৰরণো ধম্মো নীৰরণস্স চ নোনীৰরণস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৰত্থুং নোনীৰরণে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা নীৰরণা চ সম্পযুত্তকা চ খন্ধা উপ্পজ্জন্তি. সহজাতাধিপতি – নোনীৰরণাধিপতি সম্পযুত্তকানং খন্ধানং নীৰরণানঞ্চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

নীৰরণো চ নোনীৰরণো চ ধম্মা নীৰরণস্স ধম্মস্স অধিপতিপচ্চযেন পচ্চযো – আরম্মণাধিপতি… তীণি (আরম্মণাধিপতিযেৰ).

অনন্তরপচ্চযো

৩০. নীৰরণো ধম্মো নীৰরণস্স ধম্মস্স অনন্তরপচ্চযেন পচ্চযো – পুরিমা পুরিমা নীৰরণা পচ্ছিমানং পচ্ছিমানং নীৰরণানং অনন্তরপচ্চযেন পচ্চযো. (মূলং পুচ্ছিতব্বং) পুরিমা পুরিমা নীৰরণা পচ্ছিমানং পচ্ছিমানং নোনীৰরণানং খন্ধানং অনন্তরপচ্চযেন পচ্চযো; নীৰরণা ৰুট্ঠানস্স অনন্তরপচ্চযেন পচ্চযো. (মূলং পুচ্ছিতব্বং) পুরিমা পুরিমা নীৰরণা পচ্ছিমানং পচ্ছিমানং নীৰরণানং সম্পযুত্তকানঞ্চ খন্ধানং অনন্তরপচ্চযেন পচ্চযো. (৩)

৩১. নোনীৰরণো ধম্মো নোনীৰরণস্স ধম্মস্স অনন্তরপচ্চযেন পচ্চযো – পুরিমা পুরিমা নোনীৰরণা খন্ধা পচ্ছিমানং পচ্ছিমানং নোনীৰরণানং খন্ধানং অনন্তরপচ্চযেন পচ্চযো…পে… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (মূলং পুচ্ছিতব্বং ) পুরিমা পুরিমা নোনীৰরণা খন্ধা পচ্ছিমানং পচ্ছিমানং নীৰরণানং অনন্তরপচ্চযেন পচ্চযো; আৰজ্জনা নীৰরণানং অনন্তরপচ্চযেন পচ্চযো. (মূলং পুচ্ছিতব্বং) পুরিমা পুরিমা নোনীৰরণা খন্ধা পচ্ছিমানং পচ্ছিমানং নীৰরণানং সম্পযুত্তকানঞ্চ খন্ধানং অনন্তরপচ্চযেন পচ্চযো; আৰজ্জনা নীৰরণানং সম্পযুত্তকানঞ্চ খন্ধানং অনন্তরপচ্চযেন পচ্চযো. (৩)

৩২. নীৰরণো চ নোনীৰরণো চ ধম্মা নীৰরণস্স ধম্মস্স অনন্তরপচ্চযেন পচ্চযো – পুরিমা পুরিমা নীৰরণা চ সম্পযুত্তকা চ খন্ধা পচ্ছিমানং পচ্ছিমানং নীৰরণানং অনন্তরপচ্চযেন পচ্চযো. (মূলং পুচ্ছিতব্বং) পুরিমা পুরিমা নীৰরণা চ সম্পযুত্তকা চ খন্ধা পচ্ছিমানং পচ্ছিমানং নোনীৰরণানং খন্ধানং অনন্তরপচ্চযেন পচ্চযো; নীৰরণা চ সম্পযুত্তকা চ খন্ধা ৰুট্ঠানস্স অনন্তরপচ্চযেন পচ্চযো. (মূলং পুচ্ছিতব্বং) পুরিমা পুরিমা নীৰরণা চ সম্পযুত্তকা চ খন্ধা পচ্ছিমানং পচ্ছিমানং নীৰরণানঞ্চ সম্পযুত্তকানঞ্চ খন্ধানং অনন্তরপচ্চযেন পচ্চযো. (৩)

সমনন্তরপচ্চযাদি

৩৩. নীৰরণো ধম্মো নীৰরণস্স ধম্মস্স সমনন্তরপচ্চযেন পচ্চযো… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো.

উপনিস্সযপচ্চযো

৩৪. নীৰরণো ধম্মো নীৰরণস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – নীৰরণানি নীৰরণানং উপনিস্সযপচ্চযেন পচ্চযো… তীণি.

৩৫. নোনীৰরণো ধম্মো নোনীৰরণস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সীলং…পে… উপোসথকম্মং…পে… ঝানং উপ্পাদেতি, ৰিপস্সনং…পে… মগ্গং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; সীলং…পে… পঞ্ঞং…পে… মানং… দিট্ঠিং… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা …পে… সেনাসনং সদ্ধায…পে… পঞ্ঞায, রাগস্স…পে… পত্থনায, কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

নোনীৰরণো ধম্মো নীৰরণস্স ধম্মস্স উপনিস্সযপচ্চযেন পচ্চযো (তীণি উপনিস্সযা). পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং রাগস্স…পে… পত্থনায উপনিস্সযপচ্চযেন পচ্চযো. (২)

নোনীৰরণো ধম্মো নীৰরণস্স চ নোনীৰরণস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং নীৰরণানং সম্পযুত্তকানঞ্চ খন্ধানং উপনিস্সযপচ্চযেন পচ্চযো. (৩)

নীৰরণো চ নোনীৰরণো চ ধম্মা নীৰরণস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – নীৰরণা চ সম্পযুত্তকা চ খন্ধা নীৰরণানং উপনিস্সযপচ্চযেন পচ্চযো… তীণি.

পুরেজাতপচ্চযো

৩৬. নোনীৰরণো ধম্মো নোনীৰরণস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি…পে… তীণি (পুরেজাতং আরম্মণসদিসং কুসলাকুসলস্স ৰিভজিতব্বং).

পচ্ছাজাত-আসেৰনপচ্চযা

৩৭. নীৰরণো ধম্মো নোনীৰরণস্স ধম্মস্স পচ্ছাজাতপচ্চযেন পচ্চযো… তীণি… আসেৰনপচ্চযেন পচ্চযো… নৰ.

কম্মপচ্চযো

৩৮. নোনীৰরণো ধম্মো নোনীৰরণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নোনীৰরণা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নোনীৰরণা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (মূলং পুচ্ছিতব্বং) নোনীৰরণা চেতনা সম্পযুত্তকানং নীৰরণানং কম্মপচ্চযেন পচ্চযো. (মূলং পুচ্ছিতব্বং) নোনীৰরণা চেতনা সম্পযুত্তকানং খন্ধানং নীৰরণানঞ্চ চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

ৰিপাকপচ্চযাদি

৩৯. নোনীৰরণো ধম্মো নোনীৰরণস্স ধম্মস্স ৰিপাকপচ্চযেন পচ্চযো… একং… আহারপচ্চযেন পচ্চযো… ইন্দ্রিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো.

ৰিপ্পযুত্তপচ্চযো

৪০. নীৰরণো ধম্মো নোনীৰরণস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (এৰং অৰসেসা চত্তারি পঞ্হা কাতব্বা).

অত্থিপচ্চযো

৪১. নীৰরণো ধম্মো নীৰরণস্স ধম্মস্স অত্থিপচ্চযেন পচ্চযো – কামচ্ছন্দনীৰরণং থিনমিদ্ধনীৰরণস্স উদ্ধচ্চনীৰরণস্স অৰিজ্জানীৰরণস্স অত্থিপচ্চযেন পচ্চযো (চক্কং). (১)

নীৰরণো ধম্মো নোনীৰরণস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (এৰং নীৰরণমূলে তীণি ). (৩)

৪২. নোনীৰরণো ধম্মো নোনীৰরণস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). (১)

নোনীৰরণো ধম্মো নীৰরণস্স ধম্মস্স অত্থিপচ্চযেন পচ্চযো – সহজাতং, পুরেজাতং (সংখিত্তং). (২)

নোনীৰরণো ধম্মো নীৰরণস্স চ নোনীৰরণস্স চ ধম্মস্স অত্থিপচ্চযেন পচ্চযো – সহজাতং, পুরেজাতং (সংখিত্তং) (৩)

৪৩. নীৰরণো চ নোনীৰরণো চ ধম্মা নীৰরণস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং – কামচ্ছন্দনীৰরণঞ্চ সম্পযুত্তকা চ খন্ধা থিনমিদ্ধনীৰরণস্স উদ্ধচ্চনীৰরণস্স অৰিজ্জানীৰরণস্স অত্থিপচ্চযেন পচ্চযো; কামচ্ছন্দনীৰরণঞ্চ ৰত্থু চ থিনমিদ্ধনীৰরণস্স উদ্ধচ্চনীৰরণস্স অৰিজ্জানীৰরণস্স অত্থিপচ্চযেন পচ্চযো. (১)

নীৰরণো চ নোনীৰরণো চ ধম্মা নোনীৰরণস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – নোনীৰরণো একো খন্ধো চ নীৰরণা চ তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা…পে… নীৰরণা চ ৰত্থু চ নোনীৰরণানং খন্ধানং অত্থিপচ্চযেন পচ্চযো; নীৰরণা চ সম্পযুত্তকা চ খন্ধা চিত্তসমুট্ঠানানং রূপানং অত্থিপচ্চযেন পচ্চযো; নীৰরণা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – নীৰরণা চ সম্পযুত্তকা চ খন্ধা পুরেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – নীৰরণা চ সম্পযুত্তকা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – নীৰরণা চ সম্পযুত্তকা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

নীৰরণো চ নোনীৰরণো চ ধম্মা নীৰরণস্স চ নোনীৰরণস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – নোনীৰরণো একো খন্ধো চ কামচ্ছন্দনীৰরণঞ্চ তিণ্ণন্নং খন্ধানং থিনমিদ্ধনীৰরণস্স উদ্ধচ্চনীৰরণস্স অৰিজ্জানীৰরণস্স চ চিত্তসমুট্ঠানানঞ্চ রূপানং অত্থিপচ্চযেন পচ্চযো; দ্ৰে খন্ধা চ…পে… কামচ্ছন্দনীৰরণঞ্চ ৰত্থু চ থিনমিদ্ধনীৰরণস্স উদ্ধচ্চনীৰরণস্স অৰিজ্জানীৰরণস্স চ সম্পযুত্তকানঞ্চ খন্ধানং অত্থিপচ্চযেন পচ্চযো (চক্কং). (৩)

১. পচ্চযানুলোমং

২. সঙ্খ্যাৰারো

সুদ্ধং

৪৪. হেতুযা চত্তারি, আরম্মণে নৰ, অধিপতিযা নৰ, অনন্তরে নৰ, সমনন্তরে নৰ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, পুরেজাতে তীণি, পচ্ছাজাতে তীণি, আসেৰনে নৰ, কম্মে তীণি, ৰিপাকে একং, আহারে তীণি, ইন্দ্রিযে তীণি, ঝানে তীণি, মগ্গে তীণি, সম্পযুত্তে নৰ, ৰিপ্পযুত্তে পঞ্চ, অত্থিযা নৰ, নত্থিযা নৰ, ৰিগতে নৰ, অৰিগতে নৰ.

অনুলোমং.

পচ্চনীযুদ্ধারো

৪৫. নীৰরণো ধম্মো নীৰরণস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

নীৰরণো ধম্মো নোনীৰরণস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (২)

নীৰরণো ধম্মো নীৰরণস্স চ নোনীৰরণস্স চ ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)

৪৬. নোনীৰরণো ধম্মো নোনীৰরণস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো. (১)

নোনীৰরণো ধম্মো নীৰরণস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো. (২)

নোনীৰরণো ধম্মো নীৰরণস্স চ নোনীৰরণস্স চ ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো. (৩)