১. ৰিভঙ্গৰারো

হেতুপচ্চযো

৯২. নীৰরণঞ্চেৰ নীৰরণসম্পযুত্তঞ্চ ধম্মং পটিচ্চ নীৰরণো চেৰ নীৰরণসম্পযুত্তো চ ধম্মো উপ্পজ্জতি হেতুপচ্চযা – কামচ্ছন্দনীৰরণং পটিচ্চ থিনমিদ্ধনীৰরণং উদ্ধচ্চনীৰরণং অৰিজ্জানীৰরণং (চক্কং. সব্বেপি নীৰরণা কাতব্বা). (১)

নীৰরণঞ্চেৰ নীৰরণসম্পযুত্তঞ্চ ধম্মং পটিচ্চ নীৰরণসম্পযুত্তো চেৰ নো চ নীৰরণো ধম্মো উপ্পজ্জতি হেতুপচ্চযা – নীৰরণে পটিচ্চ সম্পযুত্তকা খন্ধা. (২)

নীৰরণঞ্চেৰ নীৰরণসম্পযুত্তঞ্চ ধম্মং পটিচ্চ নীৰরণো চেৰ নীৰরণসম্পযুত্তো চ নীৰরণসম্পযুত্তো চেৰ নো চ নীৰরণো চ ধম্মা উপ্পজ্জন্তি হেতুপচ্চযা – কামচ্ছন্দনীৰরণং পটিচ্চ থিনমিদ্ধনীৰরণং উদ্ধচ্চনীৰরণং অৰিজ্জানীৰরণং সম্পযুত্তকা চ খন্ধা (চক্কং). (৩)

৯৩. নীৰরণসম্পযুত্তঞ্চেৰ নো চ নীৰরণং ধম্মং পটিচ্চ নীৰরণসম্পযুত্তো চেৰ নো চ নীৰরণো ধম্মো উপ্পজ্জতি হেতুপচ্চযা – নীৰরণসম্পযুত্তঞ্চেৰ নো চ নীৰরণং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

নীৰরণসম্পযুত্তঞ্চেৰ নো চ নীৰরণং ধম্মং পটিচ্চ নীৰরণো চেৰ নীৰরণসম্পযুত্তো চ ধম্মো উপ্পজ্জতি হেতুপচ্চযা – নীৰরণসম্পযুত্তে চেৰ নো চ নীৰরণে খন্ধে পটিচ্চ নীৰরণা. (২)

নীৰরণসম্পযুত্তঞ্চেৰ নো চ নীৰরণং ধম্মং পটিচ্চ নীৰরণো চেৰ নীৰরণসম্পযুত্তো চ নীৰরণসম্পযুত্তো চেৰ নো চ নীৰরণো চ ধম্মা উপ্পজ্জন্তি হেতুপচ্চযা – নীৰরণসম্পযুত্তঞ্চেৰ নো চ নীৰরণং একং খন্ধং পটিচ্চ তযো খন্ধা নীৰরণা চ…পে… দ্ৰে খন্ধে…পে…. (৩)

৯৪. নীৰরণঞ্চেৰ নীৰরণসম্পযুত্তঞ্চ নীৰরণসম্পযুত্তঞ্চেৰ নো চ নীৰরণঞ্চ ধম্মং পটিচ্চ নীৰরণো চেৰ নীৰরণসম্পযুত্তো চ ধম্মো উপ্পজ্জতি হেতুপচ্চযা – কামচ্ছন্দনীৰরণঞ্চ সম্পযুত্তকে চ খন্ধে পটিচ্চ থিনমিদ্ধনীৰরণং উদ্ধচ্চনীৰরণং অৰিজ্জানীৰরণং (চক্কং). (১)

নীৰরণঞ্চেৰ নীৰরণসম্পযুত্তঞ্চ নীৰরণসম্পযুত্তঞ্চেৰ নো চ নীৰরণঞ্চ ধম্মং পটিচ্চ নীৰরণসম্পযুত্তো চেৰ নো চ নীৰরণো ধম্মো উপ্পজ্জতি হেতুপচ্চযা – নীৰরণসম্পযুত্তঞ্চেৰ নো চ নীৰরণং একং খন্ধঞ্চ নীৰরণঞ্চ পটিচ্চ তযো খন্ধা…পে… দ্ৰে খন্ধে চ…পে…. (২)

নীৰরণঞ্চেৰ নীৰরণসম্পযুত্তঞ্চ নীৰরণসম্পযুত্তঞ্চেৰ নো চ নীৰরণঞ্চ ধম্মং পটিচ্চ নীৰরণো চেৰ নীৰরণসম্পযুত্তো চ নীৰরণসম্পযুত্তো চেৰ নো চ নীৰরণো চ ধম্মা উপ্পজ্জন্তি হেতুপচ্চযা – নীৰরণসম্পযুত্তঞ্চেৰ নো চ নীৰরণং একং খন্ধঞ্চ কামচ্ছন্দনীৰরণঞ্চ পটিচ্চ তযো খন্ধা থিনমিদ্ধনীৰরণং উদ্ধচ্চনীৰরণং অৰিজ্জানীৰরণং…পে… দ্ৰে খন্ধে চ…পে… (চক্কং. সংখিত্তং.). (৩)