১. ৰিভঙ্গৰারো

হেতুপচ্চযো

৯০. নীৰরণো চেৰ নীৰরণিযো চ ধম্মো নীৰরণস্স চেৰ নীৰরণিযস্স চ ধম্মস্স হেতুপচ্চযেন পচ্চযো – নীৰরণা চেৰ নীৰরণিযা চ হেতূ সম্পযুত্তকানং নীৰরণানং হেতুপচ্চযেন পচ্চযো. (১)

নীৰরণো চেৰ নীৰরণিযো চ ধম্মো নীৰরণিযস্স চেৰ নো চ নীৰরণস্স ধম্মস্স হেতুপচ্চযেন পচ্চযো – নীৰরণা চেৰ নীৰরণিযা চ হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (২)

নীৰরণো চেৰ নীৰরণিযো চ ধম্মো নীৰরণস্স চেৰ নীৰরণিযস্স চ নীৰরণিযস্স চেৰ নো চ নীৰরণস্স চ ধম্মস্স হেতুপচ্চযেন পচ্চযো – নীৰরণা চেৰ নীৰরণিযা চ হেতূ সম্পযুত্তকানং খন্ধানং নীৰরণানঞ্চ চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

নীৰরণিযো চেৰ নো চ নীৰরণো ধম্মো নীৰরণিযস্স চেৰ নো চ নীৰরণস্স ধম্মস্স হেতুপচ্চযেন পচ্চযো – নীৰরণিযা চেৰ নো চ নীৰরণা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

আরম্মণপচ্চযো

৯১. নীৰরণো চেৰ নীৰরণিযো চ ধম্মো নীৰরণস্স চেৰ নীৰরণিযস্স চ ধম্মস্স আরম্মণপচ্চযেন পচ্চযো – নীৰরণে আরব্ভ নীৰরণা উপ্পজ্জন্তি. (মূলং পুচ্ছিতব্বং) নীৰরণে আরব্ভ নীৰরণিযা চেৰ নো চ নীৰরণা খন্ধা উপ্পজ্জন্তি. (মূলং পুচ্ছিতব্বং) নীৰরণে আরব্ভ নীৰরণা চ সম্পযুত্তকা চ খন্ধা উপ্পজ্জন্তি. (৩)

নীৰরণিযো চেৰ নো চ নীৰরণো ধম্মো নীৰরণিযস্স চেৰ নো চ নীৰরণস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি, অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি… ৰিচিকিচ্ছা… উদ্ধচ্চং… দোমনস্সং উপ্পজ্জতি; পুব্বে সুচিণ্ণানি…পে… ঝানা…পে… অরিযা গোত্রভুং পচ্চৰেক্খন্তি, ৰোদানং…পে… পহীনে কিলেসে …পে… ৰিক্খম্ভিতে কিলেসে…পে… পুব্বে সমুদাচিণ্ণে…পে… চক্খুং…পে… ৰত্থুং নীৰরণিযে চেৰ নো চ নীৰরণে খন্ধে অনিচ্চতো…পে… ৰিপস্সতি, অস্সাদেতি অভিনন্দতি…পে… দোমনস্সং উপ্পজ্জতি; দিব্বেন চক্খুনা রূপং পস্সতি…পে… (যাৰ আৰজ্জনা তাৰ কাতব্বা). (১)

নীৰরণিযো চেৰ নো চ নীৰরণো ধম্মো নীৰরণস্স চেৰ নীৰরণিযস্স চ ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা…পে… চক্খুং…পে… ৰত্থুং নীৰরণিযে চেৰ নো চ নীৰরণে খন্ধে অস্সাদেতি অভিনন্দতি, তং আরব্ভ রাগো…পে… দিট্ঠি… ৰিচিকিচ্ছা… উদ্ধচ্চং… দোমনস্সং উপ্পজ্জতি. (২)

নীৰরণিযো চেৰ নো চ নীৰরণো ধম্মো নীৰরণস্স চেৰ নীৰরণিযস্স চ নীৰরণিযস্স চেৰ নো চ নীৰরণস্স চ ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা …পে… চক্খুং…পে… ৰত্থুং নীৰরণিযে চেৰ নো চ নীৰরণে খন্ধে অস্সাদেতি অভিনন্দতি, তং আরব্ভ নীৰরণা চ সম্পযুত্তকা চ খন্ধা উপ্পজ্জন্তি (এৰং ইতরেপি তীণি কাতব্বা). (৩)

(আরম্মণসদিসা অধিপতিপচ্চযা, পুরেজাতম্পি আরম্মণসদিসং. উপনিস্সযেপি লোকুত্তরং ন কাতব্বং. সংখিত্তং, এৰং ৰিত্থারেতব্বং যথা নীৰরণদুকং, এৰং পচ্চৰেক্খিত্ৰা কাতব্বং.)

নীৰরণনীৰরণিযদুকং নিট্ঠিতং.