১. ৰিভঙ্গৰারো

হেতুপচ্চযো

৬৬. নীৰরণসম্পযুত্তো ধম্মো নীৰরণসম্পযুত্তস্স ধম্মস্স হেতুপচ্চযেন পচ্চযো – নীৰরণসম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো. (মূলং পুচ্ছিতব্বং) নীৰরণসম্পযুত্তা হেতূ চিত্তসমুট্ঠানানং রূপানং হেতুপচ্চযেন পচ্চযো. (মূলং পুচ্ছিতব্বং) নীৰরণসম্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

নীৰরণৰিপ্পযুত্তো ধম্মো নীৰরণৰিপ্পযুত্তস্স ধম্মস্স হেতুপচ্চযেন পচ্চযো – নীৰরণৰিপ্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

আরম্মণপচ্চযো

৬৭. নীৰরণসম্পযুত্তো ধম্মো নীৰরণসম্পযুত্তস্স ধম্মস্স আরম্মণপচ্চযেন পচ্চযো – রাগং অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি…পে… ৰিচিকিচ্ছা…পে… উদ্ধচ্চং…পে… দোমনস্সং উপ্পজ্জতি; দিট্ঠিং অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি…পে… ৰিচিকিচ্ছা…পে… উদ্ধচ্চং…পে… দোমনস্সং উপ্পজ্জতি; ৰিচিকিচ্ছং আরব্ভ ৰিচিকিচ্ছা…পে… দিট্ঠি…পে… উদ্ধচ্চং…পে… দোমনস্সং উপ্পজ্জতি; উদ্ধচ্চং আরব্ভ উদ্ধচ্চং উপ্পজ্জতি, দিট্ঠি…পে… ৰিচিকিচ্ছা, দোমনস্সং উপ্পজ্জতি; দোমনস্সং আরব্ভ দোমনস্সং উপ্পজ্জতি; দিট্ঠি …পে… ৰিচিকিচ্ছা…পে… উদ্ধচ্চং উপ্পজ্জতি. (১)

নীৰরণসম্পযুত্তো ধম্মো নীৰরণৰিপ্পযুত্তস্স ধম্মস্স আরম্মণপচ্চযেন পচ্চযো – অরিযা নীৰরণসম্পযুত্তে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি; নীৰরণসম্পযুত্তে খন্ধে অনিচ্চতো দুক্খতো অনত্ততো ৰিপস্সতি, চেতোপরিযঞাণেন নীৰরণসম্পযুত্তচিত্তসমঙ্গিস্স চিত্তং জানাতি; নীৰরণসম্পযুত্তা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (২)

৬৮. নীৰরণৰিপ্পযুত্তো ধম্মো নীৰরণৰিপ্পযুত্তস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি…পে… ঝানা ৰুট্ঠহিত্ৰা ঝানং…পে… অরিযা মগ্গা ৰুট্ঠহিত্ৰা মগ্গং…পে… ফলং…পে… নিব্বানং…পে… নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; চক্খুং…পে… ৰত্থুং নীৰরণৰিপ্পযুত্তে খন্ধে অনিচ্চতো দুক্খতো অনত্ততো ৰিপস্সতি, দিব্বেন চক্খুনা রূপং পস্সতি (যাৰ আৰজ্জনায). (১)

নীৰরণৰিপ্পযুত্তো ধম্মো নীৰরণসম্পযুত্তস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৰত্থুং নীৰরণৰিপ্পযুত্তে খন্ধে অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি…পে… ৰিচিকিচ্ছা…পে… উদ্ধচ্চং…পে… দোমনস্সং উপ্পজ্জতি. (২)

অধিপতিপচ্চযো

৬৯. নীৰরণসম্পযুত্তো ধম্মো নীৰরণসম্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – রাগং গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি; দিট্ঠিং গরুং কত্ৰা অস্সাদেতি…পে…. সহজাতাধিপতি – নীৰরণসম্পযুত্তাধিপতি নীৰরণসম্পযুত্তকানং খন্ধানং অধিপতিপচ্চযেন পচ্চযো. (১)

নীৰরণসম্পযুত্তো ধম্মো নীৰরণৰিপ্পযুত্তস্স ধম্মস্স অধিপতিপচ্চযেন পচ্চযো. সহজাতাধিপতি – নীৰরণসম্পযুত্তাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (মূলং পুচ্ছিতব্বং) নীৰরণসম্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

৭০. নীৰরণৰিপ্পযুত্তো ধম্মো নীৰরণৰিপ্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি…পে… ঝানা ৰুট্ঠহিত্ৰা ঝানং…পে… অরিযা মগ্গা ৰুট্ঠহিত্ৰা মগ্গং গরুং কত্ৰা…পে… ফলং…পে… নিব্বানং…পে… নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো. সহজাতাধিপতি – নীৰরণৰিপ্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

নীৰরণৰিপ্পযুত্তো ধম্মো নীৰরণসম্পযুত্তস্স ধম্মস্স অধিপতিপচ্চযেন পচ্চযো. আরম্মণাধিপতি – দানং…পে… সীলং…পে… পুব্বে…পে… ঝানং…পে… চক্খুং…পে… ৰত্থুং নীৰরণৰিপ্পযুত্তে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (২)

অনন্তরপচ্চযো

৭১. নীৰরণসম্পযুত্তো ধম্মো নীৰরণসম্পযুত্তস্স ধম্মস্স অনন্তরপচ্চযেন পচ্চযো – পুরিমা পুরিমা নীৰরণসম্পযুত্তা খন্ধা পচ্ছিমানং পচ্ছিমানং নীৰরণসম্পযুত্তকানং খন্ধানং অনন্তরপচ্চযেন পচ্চযো. (মূলং পুচ্ছিতব্বং) নীৰরণসম্পযুত্তা খন্ধা ৰুট্ঠানস্স অনন্তরপচ্চযেন পচ্চযো (ইধ পুরিমা পুরিমাতি নত্থি). (২)

(মূলং পুচ্ছিতব্বং) পুরিমা পুরিমা নীৰরণৰিপ্পযুত্তা খন্ধা পচ্ছিমানং পচ্ছিমানং নীৰরণৰিপ্পযুত্তানং খন্ধানং অনন্তরপচ্চযেন পচ্চযো; অনুলোমং গোত্রভুস্স…পে… ফলসমাপত্তিযা অনন্তরপচ্চযেন পচ্চযো. (১)

নীৰরণৰিপ্পযুত্তো ধম্মো নীৰরণসম্পযুত্তস্স ধম্মস্স অনন্তরপচ্চযেন পচ্চযো – আৰজ্জনা নীৰরণসম্পযুত্তকানং খন্ধানং অনন্তরপচ্চযেন পচ্চযো. (২)

সমনন্তরপচ্চযাদি

৭২. নীৰরণসম্পযুত্তো ধম্মো নীৰরণসম্পযুত্তস্স ধম্মস্স সমনন্তরপচ্চযেন পচ্চযো… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো.

উপনিস্সযপচ্চযো

৭৩. নীৰরণসম্পযুত্তো ধম্মো নীৰরণসম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – রাগং উপনিস্সায পাণং হনতি…পে… সঙ্ঘং ভিন্দতি; দোসং… মোহং… মানং… দিট্ঠিং… পত্থনং উপনিস্সায পাণং হনতি…পে… সঙ্ঘং ভিন্দতি; রাগো…পে… পত্থনা রাগস্স…পে… পত্থনায উপনিস্সযপচ্চযেন পচ্চযো. (১)

নীৰরণসম্পযুত্তো ধম্মো নীৰরণৰিপ্পযুত্তস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – রাগং উপনিস্সায দানং দেতি…পে… সীলং…পে… উপোসথকম্মং…পে… ঝানং…পে… ৰিপস্সনং… মগ্গং… অভিঞ্ঞং… সমাপত্তিং উপ্পাদেতি; দোসং…পে… পত্থনং উপনিস্সায দানং দেতি…পে… সমাপত্তিং উপ্পাদেতি; রাগো…পে… পত্থনা সদ্ধায …পে… পঞ্ঞায… কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (২)

৭৪. নীৰরণৰিপ্পযুত্তো ধম্মো নীৰরণৰিপ্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি, সীলং…পে… মগ্গং…পে… অভিঞ্ঞং…পে… সমাপত্তিং উপ্পাদেতি, সীলং…পে… পঞ্ঞং…পে… সেনাসনং উপনিস্সায দানং দেতি…পে… সমাপত্তিং উপ্পাদেতি; সদ্ধা…পে… সেনাসনং সদ্ধায…পে… পঞ্ঞায…পে… মগ্গস্স ফলসমাপত্তিযা উপনিস্সযপচ্চযেন পচ্চযো. (১)

নীৰরণৰিপ্পযুত্তো ধম্মো নীৰরণসম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… পঞ্ঞং, কাযিকং সুখং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং রাগস্স… দোসস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. (২)

পুরেজাতপচ্চযো

৭৫. নীৰরণৰিপ্পযুত্তো ধম্মো নীৰরণৰিপ্পযুত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো দুক্খতো অনত্ততো ৰিপস্সতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নীৰরণৰিপ্পযুত্তানং খন্ধানং পুরেজাতপচ্চযেন পচ্চযো. (১)

নীৰরণৰিপ্পযুত্তো ধম্মো নীৰরণসম্পযুত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ রাগো… দোসো… মোহো…. ৰত্থুপুরেজাতং – ৰত্থু নীৰরণসম্পযুত্তানং খন্ধানং পুরেজাতপচ্চযেন পচ্চযো. (২)

পচ্ছাজাতাসেৰনপচ্চযা

৭৬. নীৰরণসম্পযুত্তো ধম্মো নীৰরণৰিপ্পযুত্তস্স ধম্মস্স পচ্ছাজাতপচ্চযেন পচ্চযো… দ্ৰে, আসেৰনপচ্চযেন পচ্চযো… দ্ৰে.

কম্মপচ্চযাদি

৭৭. নীৰরণসম্পযুত্তো ধম্মো নীৰরণসম্পযুত্তস্স ধম্মস্স কম্মপচ্চযেন পচ্চযো – নীৰরণসম্পযুত্তা চেতনা সম্পযুত্তকানং খন্ধানং কম্মপচ্চযেন পচ্চযো. (মূলং কাতব্বং) সহজাতা, নানাক্খণিকা. সহজাতা – নীৰরণসম্পযুত্তা চেতনা চিত্তসমুট্ঠানানং রূপানং কম্মপচ্চযেন পচ্চযো. নানাক্খণিকা – নীৰরণসম্পযুত্তা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (মূলং কাতব্বং) নীৰরণসম্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

নীৰরণৰিপ্পযুত্তো ধম্মো নীৰরণৰিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা (সংখিত্তং). ৰিপাকপচ্চযা… একং.

আহারপচ্চযাদি

৭৮. নীৰরণসম্পযুত্তো ধম্মো নীৰরণসম্পযুত্তস্স ধম্মস্স আহারপচ্চযেন পচ্চযো… ইন্দ্রিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো… দ্ৰে.

ৰিপ্পযুত্তপচ্চযো

৭৯. নীৰরণসম্পযুত্তো ধম্মো নীৰরণৰিপ্পযুত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

নীৰরণৰিপ্পযুত্তো ধম্মো নীৰরণৰিপ্পযুত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). (১)

নীৰরণৰিপ্পযুত্তো ধম্মো নীৰরণসম্পযুত্তস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু নীৰরণসম্পযুত্তকানং খন্ধানং ৰিপ্পযুত্তপচ্চযেন পচ্চযো. (২)

অত্থিপচ্চযো

৮০. নীৰরণসম্পযুত্তো ধম্মো নীৰরণসম্পযুত্তস্স ধম্মস্স অত্থিপচ্চযেন পচ্চযো – নীৰরণসম্পযুত্তো একো খন্ধো তিণ্ণন্নং খন্ধানং অত্থিপচ্চযেন পচ্চযো…পে…. (১)

নীৰরণসম্পযুত্তো ধম্মো নীৰরণৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – নীৰরণসম্পযুত্তা খন্ধা চিত্তসমুট্ঠানানঞ্চ রূপানং অত্থিপচ্চযেন পচ্চযো. পচ্ছাজাতা – নীৰরণসম্পযুত্তা খন্ধা পুরেজাতস্স ইমস্স কাযস্স অত্থিপচ্চযেন পচ্চযো. (২)

নীৰরণসম্পযুত্তো ধম্মো নীৰরণসম্পযুত্তস্স চ নীৰরণৰিপ্পযুত্তস্স চ ধম্মস্স অত্থিপচ্চযেন পচ্চযো – নীৰরণসম্পযুত্তো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো. (৩)

৮১. নীৰরণৰিপ্পযুত্তো ধম্মো নীৰরণৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). (১)

নীৰরণৰিপ্পযুত্তো ধম্মো নীৰরণসম্পযুত্তস্স ধম্মস্স অত্থিপচ্চযেন পচ্চযো. পুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ রাগো…পে… দিট্ঠি…পে… ৰিচিকিচ্ছা…পে… উদ্ধচ্চং…পে… দোমনস্সং উপ্পজ্জতি; ৰত্থু নীৰরণসম্পযুত্তকানং খন্ধানং অত্থিপচ্চযেন পচ্চযো. (২)

৮২. নীৰরণসম্পযুত্তো চ নীৰরণৰিপ্পযুত্তো চ ধম্মা নীৰরণসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – নীৰরণসম্পযুত্তো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ ৰত্থু চ দ্ৰিন্নং খন্ধানং অত্থিপচ্চযেন পচ্চযো. (১)

নীৰরণসম্পযুত্তো চ নীৰরণৰিপ্পযুত্তো চ ধম্মা নীৰরণৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – নীৰরণসম্পযুত্তা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – নীৰরণসম্পযুত্তা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – নীৰরণসম্পযুত্তা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)