১-৪. পচ্চযচতুক্কং

হেতুপচ্চযো

১০৭. গন্থঞ্চেৰ গন্থসম্পযুত্তঞ্চ ধম্মং পটিচ্চ গন্থো চেৰ গন্থসম্পযুত্তো চ ধম্মো উপ্পজ্জতি হেতুপচ্চযা – সীলব্বতপরামাসং কাযগন্থং পটিচ্চ অভিজ্ঝাকাযগন্থো, অভিজ্ঝাকাযগন্থং পটিচ্চ সীলব্বতপরামাসো কাযগন্থো, ইদংসচ্চাভিনিৰেসকাযগন্থং পটিচ্চ অভিজ্ঝাকাযগন্থো, অভিজ্ঝাকাযগন্থং পটিচ্চ ইদংসচ্চাভিনিৰেসো কাযগন্থো. (১)

গন্থঞ্চেৰ গন্থসম্পযুত্তঞ্চ ধম্মং পটিচ্চ গন্থসম্পযুত্তো চেৰ নো চ গন্থো ধম্মো উপ্পজ্জতি হেতুপচ্চযা – গন্থে পটিচ্চ সম্পযুত্তকা খন্ধা. (২)

গন্থঞ্চেৰ গন্থসম্পযুত্তঞ্চ ধম্মং পটিচ্চ গন্থো চেৰ গন্থসম্পযুত্তো চ গন্থসম্পযুত্তো চেৰ নো চ গন্থো চ ধম্মা উপ্পজ্জন্তি হেতুপচ্চযা – সীলব্বতপরামাসং কাযগন্থং পটিচ্চ অভিজ্ঝাকাযগন্থো সম্পযুত্তকা চ খন্ধা (চক্কং). (৩)

১০৮. গন্থসম্পযুত্তঞ্চেৰ নো চ গন্থং ধম্মং পটিচ্চ গন্থসম্পযুত্তো চেৰ নো চ গন্থো ধম্মো উপ্পজ্জতি হেতুপচ্চযা – গন্থসম্পযুত্তঞ্চেৰ নো চ গন্থং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

গন্থসম্পযুত্তঞ্চেৰ নো চ গন্থং ধম্মং পটিচ্চ গন্থো চেৰ গন্থসম্পযুত্তো চ ধম্মো উপ্পজ্জতি হেতুপচ্চযা – গন্থসম্পযুত্তে চেৰ নো চ গন্থে খন্ধে পটিচ্চ গন্থা. (২)

গন্থসম্পযুত্তঞ্চেৰ নো চ গন্থং ধম্মং পটিচ্চ গন্থো চেৰ গন্থসম্পযুত্তো চ গন্থসম্পযুত্তো চেৰ নো চ গন্থো চ ধম্মা উপ্পজ্জন্তি হেতুপচ্চযা – গন্থসম্পযুত্তঞ্চেৰ নো চ গন্থং একং খন্ধং পটিচ্চ তযো খন্ধা গন্থা চ…পে… দ্ৰে খন্ধে…পে…. (৩)

১০৯. গন্থঞ্চেৰ গন্থসম্পযুত্তঞ্চ গন্থসম্পযুত্তঞ্চেৰ নো চ গন্থঞ্চ ধম্মং পটিচ্চ গন্থো চেৰ গন্থসম্পযুত্তো চ ধম্মো উপ্পজ্জতি হেতুপচ্চযা – গন্থে চ সম্পযুত্তকে চ খন্ধে পটিচ্চ গন্থা. (১)

গন্থঞ্চেৰ গন্থসম্পযুত্তঞ্চ গন্থসম্পযুত্তঞ্চেৰ নো চ গন্থঞ্চ ধম্মং পটিচ্চ গন্থসম্পযুত্তো চেৰ নো চ গন্থো ধম্মো উপ্পজ্জতি হেতুপচ্চযা – গন্থসম্পযুত্তঞ্চেৰ নো চ গন্থং একং খন্ধঞ্চ গন্থে চ পটিচ্চ তযো খন্ধা…পে… দ্ৰে খন্ধে চ…পে…. (২)

গন্থঞ্চেৰ গন্থসম্পযুত্তঞ্চ গন্থসম্পযুত্তঞ্চেৰ নো চ গন্থঞ্চ ধম্মং পটিচ্চ গন্থো চেৰ গন্থসম্পযুত্তো চ গন্থসম্পযুত্তো চেৰ নো চ গন্থো চ ধম্মা উপ্পজ্জন্তি হেতুপচ্চযা – গন্থসম্পযুত্তঞ্চেৰ নো চ গন্থং একং খন্ধঞ্চ সীলব্বতপরামাসং কাযগন্থঞ্চ পটিচ্চ তযো খন্ধা অভিজ্ঝাকাযগন্থো চ…পে… দ্ৰে খন্ধে চ…পে… (চক্কং বন্ধিতব্বং. সংখিত্তং). (৩)

১১০. হেতুযা নৰ, আরম্মণে নৰ (সব্বত্থ নৰ), কম্মে নৰ, আহারে নৰ…পে… অৰিগতে নৰ.

অনুলোমং.