৫. গন্থগোচ্ছকং

২৬. গন্থদুকং

১. পটিচ্চৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১. গন্থং ধম্মং পটিচ্চ গন্থো ধম্মো উপ্পজ্জতি হেতুপচ্চযা – সীলব্বতপরামাসং কাযগন্থং পটিচ্চ অভিজ্ঝাকাযগন্থো, অভিজ্ঝাকাযগন্থং পটিচ্চ সীলব্বতপরামাসো কাযগন্থো, ইদংসচ্চাভিনিৰেসং কাযগন্থং পটিচ্চ অভিজ্ঝাকাযগন্থো, অভিজ্ঝাকাযগন্থং পটিচ্চ ইদংসচ্চাভিনিৰেসো কাযগন্থো. (১)

গন্থং ধম্মং পটিচ্চ নোগন্থো ধম্মো উপ্পজ্জতি হেতুপচ্চযা – গন্থে পটিচ্চ সম্পযুত্তকা খন্ধা চিত্তসমুট্ঠানঞ্চ রূপং. (২)

গন্থং ধম্মং পটিচ্চ গন্থো চ নোগন্থো চ ধম্মা উপ্পজ্জন্তি হেতুপচ্চযা – সীলব্বতপরামাসং কাযগন্থং পটিচ্চ অভিজ্ঝাকাযগন্থো সম্পযুত্তকা চ খন্ধা চিত্তসমুট্ঠানঞ্চ রূপং (চক্কং). (৩)

২. নোগন্থং ধম্মং পটিচ্চ নোগন্থো ধম্মো উপ্পজ্জতি হেতুপচ্চযা – নোগন্থং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে…. (১)

নোগন্থং ধম্মং পটিচ্চ গন্থো ধম্মো উপ্পজ্জতি হেতুপচ্চযা – নোগন্থে খন্ধে পটিচ্চ গন্থা. (২)

নোগন্থং ধম্মং পটিচ্চ গন্থো চ নোগন্থো চ ধম্মা উপ্পজ্জন্তি হেতুপচ্চযা – নোগন্থং একং খন্ধং পটিচ্চ তযো খন্ধা গন্থা চ চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

৩. গন্থঞ্চ নোগন্থঞ্চ ধম্মং পটিচ্চ গন্থো ধম্মো উপ্পজ্জতি হেতুপচ্চযা – সীলব্বতপরামাসং কাযগন্থঞ্চ সম্পযুত্তকে চ খন্ধে পটিচ্চ অভিজ্ঝাকাযগন্থো (চক্কং). (১)

গন্থঞ্চ নোগন্থঞ্চ ধম্মং পটিচ্চ নোগন্থো ধম্মো উপ্পজ্জতি হেতুপচ্চযা – নোগন্থং একং খন্ধঞ্চ গন্থে চ পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে চ…পে… গন্থে চ সম্পযুত্তকে খন্ধে চ পটিচ্চ চিত্তসমুট্ঠানং রূপং. (২)

গন্থঞ্চ নোগন্থঞ্চ ধম্মং পটিচ্চ গন্থো চ নোগন্থো চ ধম্মা উপ্পজ্জন্তি হেতুপচ্চযা – নোগন্থং একং খন্ধঞ্চ সীলব্বতপরামাসকাযগন্থঞ্চ পটিচ্চ তযো খন্ধা অভিজ্ঝাকাযগন্থো চিত্তসমুট্ঠানঞ্চ রূপং…পে… দ্ৰে খন্ধে চ…পে…. (চক্কং. সংখিত্তং.) (৩)

আরম্মণপচ্চযা…পে… অৰিগতপচ্চযা.

১. পচ্চযানুলোমং

২. সঙ্খ্যাৰারো

সুদ্ধং

৪. হেতুযা নৰ, আরম্মণে নৰ, অধিপতিযা নৰ (সব্বত্থ নৰ), ৰিপাকে একং, আহারে নৰ…পে… অৰিগতে নৰ.

অনুলোমং.

২. পচ্চযপচ্চনীযং

১. ৰিভঙ্গৰারো

নহেতুপচ্চযো

৫. নোগন্থং ধম্মং পটিচ্চ নোগন্থো ধম্মো উপ্পজ্জতি নহেতুপচ্চযা – অহেতুকং নোগন্থং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে (যাৰ অসঞ্ঞসত্তা), ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

নআরম্মণপচ্চযাদি

৬. গন্থং ধম্মং পটিচ্চ নোগন্থো ধম্মো উপ্পজ্জতি নআরম্মণপচ্চযা – গন্থে পটিচ্চ চিত্তসমুট্ঠানং রূপং. (১)

নোগন্থং ধম্মং পটিচ্চ নোগন্থো ধম্মো উপ্পজ্জতি নআরম্মণপচ্চযা – নোগন্থে খন্ধে পটিচ্চ চিত্তসমুট্ঠানং রূপং; পটিসন্ধিক্খণে…পে… (যাৰ অসঞ্ঞসত্তা). (১)

গন্থঞ্চ নোগন্থঞ্চ ধম্মং পটিচ্চ নোগন্থো ধম্মো উপ্পজ্জতি নআরম্মণপচ্চযা – গন্থে চ সম্পযুত্তকে চ খন্ধে পটিচ্চ চিত্তসমুট্ঠানং রূপং (সংখিত্তং).

নঅধিপতিপচ্চযা… নৰ, নঅনন্তরপচ্চযা… তীণি, নসমনন্তরপচ্চযা… তীণি, নঅঞ্ঞমঞ্ঞপচ্চযা… তীণি, নউপনিস্সযপচ্চযা… তীণি.

নপুরেজাতপচ্চযাদি

৭. গন্থং ধম্মং পটিচ্চ গন্থো ধম্মো উপ্পজ্জতি নপুরেজাতপচ্চযা – অরূপে ইদংসচ্চাভিনিৰেসং কাযগন্থং পটিচ্চ অভিজ্ঝাকাযগন্থো, অভিজ্ঝাকাযগন্থং পটিচ্চ ইদংসচ্চাভিনিৰেসো কাযগন্থো (অরূপে সীলব্বতপরামাসো নত্থি, এৰং নৰ পঞ্হা কাতব্বা), নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে তীণি, নৰিপ্পযুত্তে নৰ, নোনত্থিযা তীণি, নোৰিগতে তীণি.

২. পচ্চযপচ্চনীযং

২. সঙ্খ্যাৰারো

সুদ্ধং

৮. নহেতুযা একং, নআরম্মণে তীণি, নঅধিপতিযা নৰ, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে তীণি, নৰিপ্পযুত্তে নৰ, নোনত্থিযা তীণি, নোৰিগতে তীণি.

৩. পচ্চযানুলোমপচ্চনীযং

৯. হেতুপচ্চযা নআরম্মণে তীণি, নঅধিপতিযা নৰ (সংখিত্তং, এৰং গণেতব্বং).

৪. পচ্চযপচ্চনীযানুলোমং

১০. নহেতুপচ্চযা আরম্মণে একং…পে… অনন্তরে একং…পে… অৰিগতে একং.

২. সহজাতৰারো

(সহজাতৰারো পটিচ্চৰারসদিসো).

৩. পচ্চযৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১১. গন্থং ধম্মং পচ্চযা গন্থো ধম্মো উপ্পজ্জতি হেতুপচ্চযা… তীণি (পটিচ্চৰারসদিসো).

নোগন্থং ধম্মং পচ্চযা নোগন্থো ধম্মো উপ্পজ্জতি হেতুপচ্চযা – নোগন্থং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… খন্ধে পচ্চযা ৰত্থু, ৰত্থুং পচ্চযা খন্ধা. একং মহাভূতং…পে… ৰত্থুং পচ্চযা নোগন্থা খন্ধা. (১)

নোগন্থং ধম্মং পচ্চযা গন্থো ধম্মো উপ্পজ্জতি হেতুপচ্চযা – নোগন্থে খন্ধে পচ্চযা গন্থা, ৰত্থুং পচ্চযা গন্থা. (২)

নোগন্থং ধম্মং পচ্চযা গন্থো চ নোগন্থো চ ধম্মা উপ্পজ্জন্তি হেতুপচ্চযা – নোগন্থং একং খন্ধং পচ্চযা তযো খন্ধা গন্থা চ চিত্তসমুট্ঠানঞ্চ রূপং…পে… দ্ৰে খন্ধে…পে… ৰত্থুং পচ্চযা গন্থা সম্পযুত্তকা চ খন্ধা. (৩)

১২. গন্থঞ্চ নোগন্থঞ্চ ধম্মং পচ্চযা গন্থো ধম্মো উপ্পজ্জতি হেতুপচ্চযা – সীলব্বতপরামাসং কাযগন্থঞ্চ সম্পযুত্তকে চ খন্ধে পচ্চযা অভিজ্ঝাকাযগন্থো (চক্কং). সীলব্বতপরামাসং কাযগন্থঞ্চ ৰত্থুঞ্চ পচ্চযা অভিজ্ঝাকাযগন্থো (চক্কং). (১)

গন্থঞ্চ নোগন্থঞ্চ ধম্মং পচ্চযা নোগন্থো ধম্মো উপ্পজ্জতি হেতুপচ্চযা – নোগন্থং একং খন্ধঞ্চ গন্থে চ পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… গন্থে চ ৰত্থুঞ্চ পচ্চযা নোগন্থা খন্ধা. (২)

গন্থঞ্চ নোগন্থঞ্চ ধম্মং পচ্চযা গন্থো চ নোগন্থো চ ধম্মা উপ্পজ্জন্তি হেতুপচ্চযা – নোগন্থং একং খন্ধঞ্চ সীলব্বতপরামাসং কাযগন্থঞ্চ পচ্চযা তযো খন্ধা অভিজ্ঝাকাযগন্থো চ চিত্তসমুট্ঠানঞ্চ রূপং…পে… দ্ৰে খন্ধে…পে… (চক্কং). সীলব্বতপরামাসং কাযগন্থঞ্চ ৰত্থুঞ্চ পচ্চযা অভিজ্ঝাকাযগন্থো চ সম্পযুত্তকা চ খন্ধা (চক্কং). (৩)

১. পচ্চযানুলোমং

২. সঙ্খ্যাৰারো

১৩. হেতুযা নৰ, আরম্মণে নৰ, অধিপতিযা নৰ…পে… অৰিগতে নৰ.

অনুলোমং.

২. পচ্চযপচ্চনীযং

১. ৰিভঙ্গৰারো

নহেতুপচ্চযো

১৪. নোগন্থং ধম্মং পচ্চযা নোগন্থো ধম্মো উপ্পজ্জতি নহেতুপচ্চযা – অহেতুকং নোগন্থং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… (যাৰ অসঞ্ঞসত্তা), চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং. ৰত্থুং পচ্চযা অহেতুকা নোগন্থা খন্ধা, ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো (সংখিত্তং).

২. পচ্চযপচ্চনীযং

২. সঙ্খ্যাৰারো

১৫. নহেতুযা একং, নআরম্মণে তীণি, নঅধিপতিযা নৰ (এৰং গণেতব্বং).

৩. পচ্চযানুলোমপচ্চনীযং

১৬. হেতুপচ্চযা নআরম্মণে তীণি, নঅধিপতিযা নৰ…পে… নোৰিগতে তীণি.

৪. পচ্চযপচ্চনীযানুলোমং

১৭. নহেতুপচ্চযা আরম্মণে একং…পে… অৰিগতে একং.

৪-৬. নিস্সয-সংসট্ঠ-সম্পযুত্তৰারো

(নিস্সযৰারো পচ্চযৰারসদিসোৰ. সংসট্ঠৰারোপি সম্পযুত্তৰারোপি নৰ পঞ্হা কাতব্বা, রূপং নত্থি.)

৭. পঞ্হাৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১৮. গন্থো ধম্মো গন্থস্স ধম্মস্স হেতুপচ্চযেন পচ্চযো – গন্থা হেতূ সম্পযুত্তকানং গন্থানং হেতুপচ্চযেন পচ্চযো. (১)

গন্থো ধম্মো নোগন্থস্স ধম্মস্স হেতুপচ্চযেন পচ্চযো – গন্থা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (২)

গন্থো ধম্মো গন্থস্স চ নোগন্থস্স চ ধম্মস্স হেতুপচ্চযেন পচ্চযো – গন্থা হেতূ সম্পযুত্তকানং খন্ধানং গন্থানঞ্চ চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

১৯. নোগন্থো ধম্মো নোগন্থস্স ধম্মস্স হেতুপচ্চযেন পচ্চযো – নোগন্থা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

নোগন্থো ধম্মো গন্থস্স ধম্মস্স হেতুপচ্চযেন পচ্চযো – নোগন্থা হেতূ সম্পযুত্তকানং গন্থানং হেতুপচ্চযেন পচ্চযো. (২)

নোগন্থো ধম্মো গন্থস্স চ নোগন্থস্স চ ধম্মস্স হেতুপচ্চযেন পচ্চযো – নোগন্থা হেতূ সম্পযুত্তকানং খন্ধানং গন্থানঞ্চ চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

২০. গন্থো চ নোগন্থো চ ধম্মা গন্থস্স ধম্মস্স হেতুপচ্চযেন পচ্চযো – গন্থা চ নোগন্থা চ হেতূ সম্পযুত্তকানং গন্থানং হেতুপচ্চযেন পচ্চযো. (১)

গন্থো চ নোগন্থো চ ধম্মা নোগন্থস্স ধম্মস্স হেতুপচ্চযেন পচ্চযো – গন্থা চ নোগন্থা চ হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (২)

গন্থো চ নোগন্থো চ ধম্মা গন্থস্স চ নোগন্থস্স চ ধম্মস্স হেতুপচ্চযেন পচ্চযো – গন্থা চ নোগন্থা চ হেতূ সম্পযুত্তকানং খন্ধানং গন্থানঞ্চ চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

আরম্মণপচ্চযো

২১. গন্থো ধম্মো গন্থস্স ধম্মস্স আরম্মণপচ্চযেন পচ্চযো – গন্থে আরব্ভ গন্থা উপ্পজ্জন্তি. (মূলং কাতব্বং) গন্থে আরব্ভ নোগন্থা খন্ধা উপ্পজ্জন্তি. (মূলং কাতব্বং) গন্থে আরব্ভ গন্থা চ সম্পযুত্তকা চ খন্ধা উপ্পজ্জন্তি. (৩)

২২. নোগন্থো ধম্মো নোগন্থস্স ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি…পে… ঝানা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; অরিযা নোগন্থে পহীনে কিলেসে…পে… ৰিক্খম্ভিতে কিলেসে পচ্চৰেক্খন্তি, পুব্বে…পে… চক্খুং…পে… ৰত্থুং নোগন্থে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন নোগন্থচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… নোগন্থা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

নোগন্থো ধম্মো গন্থস্স ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং কত্ৰা তং অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি, দোমনস্সং উপ্পজ্জতি; পুব্বে সুচিণ্ণানি…পে… ঝানা…পে… চক্খুং…পে… ৰত্থুং নোগন্থে খন্ধে অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি. (২)

নোগন্থো ধম্মো গন্থস্স চ নোগন্থস্স চ ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং কত্ৰা তং অস্সাদেতি অভিনন্দতি, তং আরব্ভ গন্থা চ সম্পযুত্তকা চ খন্ধা উপ্পজ্জন্তি, পুব্বে সুচিণ্ণানি…পে… ঝানা…পে… চক্খুং…পে… ৰত্থুং নোগন্থে খন্ধে অস্সাদেতি অভিনন্দতি, তং আরব্ভ গন্থা চ সম্পযুত্তকা চ খন্ধা উপ্পজ্জন্তি. (৩)

গন্থো চ নোগন্থো চ ধম্মা গন্থস্স ধম্মস্স আরম্মণপচ্চযেন পচ্চযো… তীণি (আরব্ভ কাতব্বা).

অধিপতিপচ্চযো

২৩. গন্থো ধম্মো গন্থস্স ধম্মস্স অধিপতিপচ্চযেন পচ্চযো… তীণি (আরম্মণসদিসা, গরুকারম্মণা কাতব্বা).

নোগন্থো ধম্মো নোগন্থস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং…পে… পুব্বে…পে… ঝানা…পে… অরিযা মগ্গা…পে… ফলং…পে… নিব্বানং…পে… নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৰত্থুং নোগন্থে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নোগন্থাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

নোগন্থো ধম্মো গন্থস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং…পে… পুব্বে সুচিণ্ণানি …পে… ঝানা…পে… চক্খুং…পে… ৰত্থুং নোগন্থে খন্ধে গরুং কত্ৰা তং অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নোগন্থাধিপতি গন্থানং অধিপতিপচ্চযেন পচ্চযো. (২)

নোগন্থো ধম্মো গন্থস্স চ নোগন্থস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… নোগন্থে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা গন্থা চ সম্পযুত্তকা চ খন্ধা উপ্পজ্জন্তি. সহজাতাধিপতি – নোগন্থাধিপতি সম্পযুত্তকানং খন্ধানং গন্থানঞ্চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

২৪. গন্থো চ নোগন্থো চ ধম্মা গন্থস্স ধম্মস্স অধিপতিপচ্চযেন পচ্চযো – আরম্মণাধিপতি… তীণি.

অনন্তরপচ্চযো

২৫. গন্থো ধম্মো গন্থস্স ধম্মস্স অনন্তরপচ্চযেন পচ্চযো – পুরিমা পুরিমা গন্থা পচ্ছিমানং পচ্ছিমানং গন্থানং অনন্তরপচ্চযেন পচ্চযো. (১)

গন্থো ধম্মো নোগন্থস্স ধম্মস্স অনন্তরপচ্চযেন পচ্চযো – পুরিমা পুরিমা গন্থা পচ্ছিমানং পচ্ছিমানং নোগন্থানং খন্ধানং অনন্তরপচ্চযেন পচ্চযো; গন্থা ৰুট্ঠানস্স অনন্তরপচ্চযেন পচ্চযো. (২)

গন্থো ধম্মো গন্থস্স চ নোগন্থস্স চ ধম্মস্স অনন্তরপচ্চযেন পচ্চযো – পুরিমা পুরিমা গন্থা পচ্ছিমানং পচ্ছিমানং গন্থানং সম্পযুত্তকানঞ্চ খন্ধানং অনন্তরপচ্চযেন পচ্চযো. (৩)

২৬. নোগন্থো ধম্মো নোগন্থস্স ধম্মস্স অনন্তরপচ্চযেন পচ্চযো… তীণি (দ্ৰে আৰজ্জনা কাতব্বা, পঠমো নত্থি).

গন্থো চ নোগন্থো চ ধম্মা গন্থস্স ধম্মস্স অনন্তরপচ্চযেন পচ্চযো… তীণি (একম্পি ৰুট্ঠানং কাতব্বং, মজ্ঝে).

সমনন্তরপচ্চযাদি

২৭. গন্থো ধম্মো গন্থস্স ধম্মস্স সমনন্তরপচ্চযেন পচ্চযো… নৰ… সহজাতপচ্চযেন পচ্চযো… নৰ… অঞ্ঞমঞ্ঞপচ্চযেন পচ্চযো… নৰ, নিস্সযপচ্চযেন পচ্চযো… নৰ.

উপনিস্সযপচ্চযো

২৮. গন্থো ধম্মো গন্থস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – গন্থা গন্থানং উপনিস্সযপচ্চযেন পচ্চযো… তীণি.

২৯. নোগন্থো ধম্মো নোগন্থস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো …পে…. পকতূপনিস্সযো – সদ্ধং উপনিস্সায দানং দেতি…পে… মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

নোগন্থো ধম্মো গন্থস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দিট্ঠিং গণ্হাতি; সীলং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং রাগস্স…পে… পত্থনায উপনিস্সযপচ্চযেন পচ্চযো. (২)

নোগন্থো ধম্মো গন্থস্স চ নোগন্থস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি, সীলং…পে… সেনাসনং উপনিস্সায পাণং হনতি …পে… সঙ্ঘং ভিন্দতি, সদ্ধা…পে… সেনাসনং গন্থানং সম্পযুত্তকানঞ্চ খন্ধানং উপনিস্সযপচ্চযেন পচ্চযো. (৩)

গন্থো চ নোগন্থো চ ধম্মা গন্থস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো… তীণি (আরম্মণনযেন কাতব্বা).

পুরেজাতপচ্চযাদি

৩০. নোগন্থো ধম্মো নোগন্থস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নোগন্থানং খন্ধানং পুরেজাতপচ্চযেন পচ্চযো. (১)

নোগন্থো ধম্মো গন্থস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি, দোমনস্সং উপ্পজ্জতি. ৰত্থুপুরেজাতং – ৰত্থু গন্থানং পুরেজাতপচ্চযেন পচ্চযো. (২)

নোগন্থো ধম্মো গন্থস্স চ নোগন্থস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ গন্থা চ সম্পযুত্তকা চ খন্ধা উপ্পজ্জন্তি. ৰত্থুপুরেজাতং – ৰত্থু গন্থানং সম্পযুত্তকানঞ্চ খন্ধানং পুরেজাতপচ্চযেন পচ্চযো. (৩)

পচ্ছাজাতপচ্চযেন পচ্চযো… তীণি, আসেৰনপচ্চযেন পচ্চযো… নৰ.

কম্মপচ্চযো

৩১. নোগন্থো ধম্মো নোগন্থস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নোগন্থা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নোগন্থা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (১)

নোগন্থো ধম্মো গন্থস্স ধম্মস্স কম্মপচ্চযেন পচ্চযো – নোগন্থা চেতনা সম্পযুত্তকানং গন্থানং কম্মপচ্চযেন পচ্চযো. (২)

নোগন্থো ধম্মো গন্থস্স চ নোগন্থস্স চ ধম্মস্স কম্মপচ্চযেন পচ্চযো – নোগন্থা চেতনা সম্পযুত্তকানং খন্ধানং গন্থানঞ্চ চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

ৰিপাকপচ্চযাদি

৩২. নোগন্থো ধম্মো নোগন্থস্স ধম্মস্স ৰিপাকপচ্চযেন পচ্চযো… একং… আহারপচ্চযেন পচ্চযো… তীণি… ইন্দ্রিযপচ্চযেন পচ্চযো… তীণি… ঝানপচ্চযেন পচ্চযো… তীণি… মগ্গপচ্চযেন পচ্চযো… নৰ… সম্পযুত্তপচ্চযেন পচ্চযো… নৰ.

ৰিপ্পযুত্তপচ্চযো

৩৩. গন্থো ধম্মো নোগন্থস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

নোগন্থো ধম্মো নোগন্থস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). (১)

নোগন্থো ধম্মো গন্থস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু গন্থানং ৰিপ্পযুত্তপচ্চযেন পচ্চযো. (২)

নোগন্থো ধম্মো গন্থস্স চ নোগন্থস্স চ ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু গন্থানং সম্পযুত্তকানঞ্চ খন্ধানং ৰিপ্পযুত্তপচ্চযেন পচ্চযো. (৩)

গন্থো চ নোগন্থো চ ধম্মা নোগন্থস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

অত্থিপচ্চযো

৩৪. গন্থো ধম্মো গন্থস্স ধম্মস্স অত্থিপচ্চযেন পচ্চযো… একং (পটিচ্চসদিসং).

গন্থো ধম্মো নোগন্থস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – গন্থা সম্পযুত্তকানং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো. পচ্ছাজাতা – গন্থা পুরেজাতস্স ইমস্স কাযস্স অত্থিপচ্চযেন পচ্চযো. (২)

গন্থো ধম্মো গন্থস্স চ নোগন্থস্স চ ধম্মস্স অত্থিপচ্চযেন পচ্চযো… একং (পটিচ্চসদিসং). (৩)

৩৫. নোগন্থো ধম্মো নোগন্থস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). (১)

নোগন্থো ধম্মো গন্থস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতা – নোগন্থা খন্ধা গন্থানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি উপ্পজ্জতি, দোমনস্সং উপ্পজ্জতি, ৰত্থু গন্থানং অত্থিপচ্চযেন পচ্চযো. (২)

নোগন্থো ধম্মো গন্থস্স চ নোগন্থস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – নোগন্থো একো খন্ধো তিণ্ণন্নং খন্ধানং গন্থানঞ্চ চিত্তসমুট্ঠানানঞ্চ রূপানং অত্থিপচ্চযেন পচ্চযো…পে…. পুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ গন্থা চ সম্পযুত্তকা চ খন্ধা উপ্পজ্জন্তি; ৰত্থু গন্থানং সম্পযুত্তকানঞ্চ খন্ধানং অত্থিপচ্চযেন পচ্চযো. (৩)

৩৬. গন্থো চ নোগন্থো চ ধম্মা গন্থস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – সীলব্বতপরামাসো কাযগন্থো চ সম্পযুত্তকা চ খন্ধা অভিজ্ঝাকাযগন্থস্স অত্থিপচ্চযেন পচ্চযো (চক্কং). সহজাতো – সীলব্বতপরামাসো কাযগন্থো চ ৰত্থু চ অভিজ্ঝাকাযগন্থস্স অত্থিপচ্চযেন পচ্চযো. (চক্কং). (১)

গন্থো চ নোগন্থো চ ধম্মা নোগন্থস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – নোগন্থো একো খন্ধো চ গন্থো চ তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা চ…পে…. সহজাতা – গন্থা চ ৰত্থু চ নোগন্থানং খন্ধানং অত্থিপচ্চযেন পচ্চযো. সহজাতা – গন্থা চ মহাভূতা চ চিত্তসমুট্ঠানানঞ্চ রূপানং অত্থিপচ্চযেন পচ্চযো. পচ্ছাজাতা – গন্থা চ সম্পযুত্তকা চ খন্ধা পুরেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – গন্থা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – গন্থা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

গন্থো চ নোগন্থো চ ধম্মা গন্থস্স চ নোগন্থস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – নোগন্থো একো খন্ধো চ সীলব্বতপরামাসো কাযগন্থো চ তিণ্ণন্নং খন্ধানং অভিজ্ঝাকাযগন্থস্স চ চিত্তসমুট্ঠানানঞ্চ রূপানং অত্থিপচ্চযেন পচ্চযো…পে…. সহজাতো – সীলব্বতপরামাসো কাযগন্থো চ ৰত্থু চ অভিজ্ঝাকাযগন্থস্স চ সম্পযুত্তকানঞ্চ খন্ধানং অত্থিপচ্চযেন পচ্চযো (চক্কং). (৩)

১. পচ্চযানুলোমং

২. সঙ্খ্যাৰারো

সুদ্ধং

৩৭. হেতুযা নৰ, আরম্মণে নৰ (সব্বত্থ নৰ), উপনিস্সযে নৰ, পুরেজাতে তীণি, পচ্ছাজাতে তীণি, আসেৰনে নৰ, কম্মে তীণি, ৰিপাকে একং, আহারে তীণি, ইন্দ্রিযে তীণি, ঝানে তীণি, মগ্গে নৰ, সম্পযুত্তে নৰ, ৰিপ্পযুত্তে পঞ্চ, অত্থিযা নৰ, নত্থিযা নৰ, ৰিগতে নৰ, অৰিগতে নৰ.

অনুলোমং.

পচ্চনীযুদ্ধারো

৩৮. গন্থো ধম্মো গন্থস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

গন্থো ধম্মো নোগন্থস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (২)

গন্থো ধম্মো গন্থস্স চ নোগন্থস্স চ ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)

৩৯. নোগন্থো ধম্মো নোগন্থস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো. (১)

নোগন্থো ধম্মো গন্থস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো. (২)

নোগন্থো ধম্মো গন্থস্স চ নোগন্থস্স চ ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো. (৩)

৪০. গন্থো চ নোগন্থো চ ধম্মা গন্থস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

গন্থো চ নোগন্থো চ ধম্মা নোগন্থস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (২)