১. ৰিভঙ্গৰারো

হেতুপচ্চযো

১০৪. গন্থো চেৰ গন্থনিযো চ ধম্মো গন্থস্স চেৰ গন্থনিযস্স চ ধম্মস্স হেতুপচ্চযেন পচ্চযো – গন্থা হেতূ সম্পযুত্তকানং গন্থানং হেতুপচ্চযেন পচ্চযো (এৰং নৰ পঞ্হা ৰিত্থারেতব্বা).

আরম্মণপচ্চযো

১০৫. গন্থো চেৰ গন্থনিযো চ ধম্মো গন্থস্স চেৰ গন্থনিযস্স চ ধম্মস্স আরম্মণপচ্চযেন পচ্চযো – গন্থে আরব্ভ গন্থা উপ্পজ্জন্তি. (মূলং পুচ্ছিতব্বং) গন্থে আরব্ভ গন্থনিযা চেৰ নো চ গন্থা খন্ধা উপ্পজ্জন্তি. (মূলং পুচ্ছিতব্বং) গন্থে আরব্ভ গন্থা চ সম্পযুত্তকা চ খন্ধা উপ্পজ্জন্তি. (৩)

১০৬. গন্থনিযো চেৰ নো চ গন্থো ধম্মো গন্থনিযস্স চেৰ নো চ গন্থস্স চ ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি…পে… ঝানা…পে… অরিযা গোত্রভুং পচ্চৰেক্খন্তি, ৰোদানং পচ্চৰেক্খন্তি, পহীনে কিলেসে…পে… ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি, চক্খুং…পে… ৰত্থুং গন্থনিযে চেৰ নো চ গন্থে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. (সব্বং ৰিত্থারেতব্বং) আৰজ্জনায আরম্মণপচ্চযেন পচ্চযো. (১)

গন্থনিযো চেৰ নো চ গন্থো ধম্মো গন্থস্স চেৰ গন্থনিযস্স চ ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি…পে… ৰিচিকিচ্ছা…পে… দোমনস্সং উপ্পজ্জতি; পুব্বে সুচিণ্ণানি…পে… ঝানা ৰুট্ঠহিত্ৰা ঝানং…পে… চক্খুং…পে… ৰত্থুং গন্থনিযে চেৰ নো চ গন্থে খন্ধে অস্সাদেতি অভিনন্দতি, তং আরব্ভ রাগো উপ্পজ্জতি, দিট্ঠি…পে… দোমনস্সং উপ্পজ্জতি. (২)

গন্থনিযো চেৰ নো চ গন্থো ধম্মো গন্থস্স চেৰ গন্থনিযস্স চ গন্থনিযস্স চেৰ নো চ গন্থস্স চ ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা ৰুট্ঠহিত্ৰা ঝানং…পে… চক্খুং…পে… ৰত্থুং গন্থনিযে চেৰ নো চ গন্থে খন্ধে অস্সাদেতি অভিনন্দতি, তং আরব্ভ গন্থা চ সম্পযুত্তকা চ খন্ধা উপ্পজ্জন্তি (এৰং ইতরেপি তীণি ৰিত্থারেতব্বা). (৩)

(আরব্ভ কাতব্বা. ইমস্মিং দুকে লোকুত্তরং নত্থি, গন্থদুকসদিসং, নিন্নানাকরণং. ‘‘গন্থনিয’’ন্তি নিযামেতব্বং, মগ্গে নৰ পঞ্হা কাতব্বা.)

গন্থগন্থনিযদুকং নিট্ঠিতং.