১. ৰিভঙ্গৰারো

হেতুপচ্চযো

৬৯. গন্থসম্পযুত্তো ধম্মো গন্থসম্পযুত্তস্স ধম্মস্স হেতুপচ্চযেন পচ্চযো – গন্থসম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো. (১)

গন্থসম্পযুত্তো ধম্মো গন্থৰিপ্পযুত্তস্স ধম্মস্স হেতুপচ্চযেন পচ্চযো – গন্থসম্পযুত্তা হেতূ চিত্তসমুট্ঠানানং রূপানং হেতুপচ্চযেন পচ্চযো; দিট্ঠিগতৰিপ্পযুত্তলোভসহগতো হেতু লোভস্স চিত্তসমুট্ঠানানঞ্চ রূপানং হেতুপচ্চযেন পচ্চযো; দোমনস্সসহগতো হেতু পটিঘস্স চিত্তসমুট্ঠানানঞ্চ রূপানং হেতুপচ্চযেন পচ্চযো. (২)

গন্থসম্পযুত্তো ধম্মো গন্থসম্পযুত্তস্স চ গন্থৰিপ্পযুত্তস্স চ ধম্মস্স হেতুপচ্চযেন পচ্চযো – গন্থসম্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; দিট্ঠিগতৰিপ্পযুত্তলোভসহগতো হেতু সম্পযুত্তকানং খন্ধানং লোভস্স চ চিত্তসমুট্ঠানানঞ্চ রূপানং হেতুপচ্চযেন পচ্চযো; দোমনস্সসহগতো হেতু সম্পযুত্তকানং খন্ধানং পটিঘস্স চ চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

৭০. গন্থৰিপ্পযুত্তো ধম্মো গন্থৰিপ্পযুত্তস্স ধম্মস্স হেতুপচ্চযেন পচ্চযো – গন্থৰিপ্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; দিট্ঠিগতৰিপ্পযুত্তো লোভো চিত্তসমুট্ঠানানং রূপানং হেতুপচ্চযেন পচ্চযো; পটিঘং চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (১)

গন্থৰিপ্পযুত্তো ধম্মো গন্থসম্পযুত্তস্স ধম্মস্স হেতুপচ্চযেন পচ্চযো – দিট্ঠিগতৰিপ্পযুত্তো লোভো সম্পযুত্তকানং খন্ধানং হেতুপচ্চযেন পচ্চযো; পটিঘং সম্পযুত্তকানং খন্ধানং হেতুপচ্চযেন পচ্চযো. (২)

গন্থৰিপ্পযুত্তো ধম্মো গন্থসম্পযুত্তস্স চ গন্থৰিপ্পযুত্তস্স চ ধম্মস্স হেতুপচ্চযেন পচ্চযো – দিট্ঠিগতৰিপ্পযুত্তো লোভো সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিঘং সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

৭১. গন্থসম্পযুত্তো চ গন্থৰিপ্পযুত্তো চ ধম্মা গন্থসম্পযুত্তস্স ধম্মস্স হেতুপচ্চযেন পচ্চযো – দিট্ঠিগতৰিপ্পযুত্তলোভসহগতো হেতু চ লোভো চ সম্পযুত্তকানং খন্ধানং হেতুপচ্চযেন পচ্চযো; দোমনস্সসহগতো হেতু চ পটিঘঞ্চ সম্পযুত্তকানং খন্ধানং হেতুপচ্চযেন পচ্চযো. (১)

গন্থসম্পযুত্তো চ গন্থৰিপ্পযুত্তো চ ধম্মা গন্থৰিপ্পযুত্তস্স ধম্মস্স হেতুপচ্চযেন পচ্চযো – দিট্ঠিগতৰিপ্পযুত্তলোভসহগতো হেতু চ লোভো চ চিত্তসমুট্ঠানানং রূপানং হেতুপচ্চযেন পচ্চযো; দোমনস্সসহগতো হেতু চ পটিঘঞ্চ চিত্তসমুট্ঠানানং রূপানং হেতুপচ্চযেন পচ্চযো. (২)

গন্থসম্পযুত্তো চ গন্থৰিপ্পযুত্তো চ ধম্মা গন্থসম্পযুত্তস্স চ গন্থৰিপ্পযুত্তস্স চ ধম্মস্স হেতুপচ্চযেন পচ্চযো – দিট্ঠিগতৰিপ্পযুত্তলোভসহগতো হেতু চ লোভো চ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; দোমনস্সসহগতো হেতু চ পটিঘঞ্চ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

আরম্মণপচ্চযো

৭২. গন্থসম্পযুত্তো ধম্মো গন্থসম্পযুত্তস্স ধম্মস্স আরম্মণপচ্চযেন পচ্চযো – গন্থসম্পযুত্তে খন্ধে আরব্ভ গন্থসম্পযুত্তকা খন্ধা উপ্পজ্জন্তি. (তীসুপি মূলা পুচ্ছিতব্বা) গন্থসম্পযুত্তে খন্ধে আরব্ভ গন্থৰিপ্পযুত্তা খন্ধা উপ্পজ্জন্তি, গন্থসম্পযুত্তে খন্ধে আরব্ভ দিট্ঠিগতৰিপ্পযুত্তলোভসহগতা খন্ধা চ লোভো চ উপ্পজ্জন্তি, দোমনস্সসহগতা খন্ধা চ পটিঘঞ্চ উপ্পজ্জন্তি. (৩)

৭৩. গন্থৰিপ্পযুত্তো ধম্মো গন্থৰিপ্পযুত্তস্স ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা ঝানং পচ্চৰেক্খতি, অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি, নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; অরিযা গন্থৰিপ্পযুত্তে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি, চক্খুং…পে… ৰত্থুং গন্থৰিপ্পযুত্তে খন্ধে চ লোভঞ্চ পটিঘঞ্চ অনিচ্চতো…পে… ৰিপস্সতি, অস্সাদেতি অভিনন্দতি, তং আরব্ভ গন্থৰিপ্পযুত্তো রাগো উপ্পজ্জতি, ৰিচিকিচ্ছা…পে… উদ্ধচ্চং…পে… দোমনস্সং উপ্পজ্জতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন গন্থৰিপ্পযুত্তচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… গন্থৰিপ্পযুত্তা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

গন্থৰিপ্পযুত্তো ধম্মো গন্থসম্পযুত্তস্স ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং…পে… পুব্বে…পে… ঝানা…পে… তং অস্সাদেতি অভিনন্দতি, তং আরব্ভ গন্থসম্পযুত্তো রাগো উপ্পজ্জতি… দিট্ঠি উপ্পজ্জতি… দোমনস্সং উপ্পজ্জতি (সংখিত্তং). (২)

গন্থৰিপ্পযুত্তো ধম্মো গন্থসম্পযুত্তস্স চ গন্থৰিপ্পযুত্তস্স চ ধম্মস্স আরম্মণপচ্চযেন পচ্চযো – চক্খুং…পে… ৰত্থুং গন্থৰিপ্পযুত্তে খন্ধে চ লোভঞ্চ পটিঘঞ্চ আরব্ভ দিট্ঠিগতৰিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ উপ্পজ্জন্তি. (৩)

৭৪. গন্থসম্পযুত্তো চ গন্থৰিপ্পযুত্তো চ ধম্মা গন্থসম্পযুত্তস্স ধম্মস্স আরম্মণপচ্চযেন পচ্চযো – দিট্ঠিগতৰিপ্পযুত্তলোভসহগতে খন্ধে চ লোভঞ্চ দোমনস্সসহগতে খন্ধে চ পটিঘঞ্চ আরব্ভ গন্থসম্পযুত্তকা খন্ধা উপ্পজ্জন্তি. (মূলং পুচ্ছিতব্বং) দিট্ঠিগতৰিপ্পযুত্তলোভসহগতে খন্ধে চ লোভঞ্চ দোমনস্সসহগতে খন্ধে চ পটিঘঞ্চ আরব্ভ গন্থৰিপ্পযুত্তা খন্ধা উপ্পজ্জন্তি, দিট্ঠিগতৰিপ্পযুত্তলোভসহগতে খন্ধে চ লোভঞ্চ দোমনস্সসহগতে খন্ধে চ পটিঘঞ্চ আরব্ভ দিট্ঠিগতৰিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ উপ্পজ্জন্তি. (৩)

অধিপতিপচ্চযো

৭৫. গন্থসম্পযুত্তো ধম্মো গন্থসম্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – গন্থসম্পযুত্তে খন্ধে গরুং কত্ৰা গন্থসম্পযুত্তকা খন্ধা উপ্পজ্জন্তি. সহজাতাধিপতি – গন্থসম্পযুত্তাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

গন্থসম্পযুত্তো ধম্মো গন্থৰিপ্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – গন্থসম্পযুত্তে খন্ধে গরুং কত্ৰা দিট্ঠিগতৰিপ্পযুত্তো লোভো উপ্পজ্জতি. সহজাতাধিপতি – গন্থসম্পযুত্তাধিপতি চিত্তসমুট্ঠানানং রূপানং অধিপতিপচ্চযেন পচ্চযো; দিট্ঠিগতৰিপ্পযুত্তলোভসহগতাধিপতি লোভস্স চ চিত্তসমুট্ঠানানঞ্চ রূপানং অধিপতিপচ্চযেন পচ্চযো; দোমনস্সসহগতাধিপতি পটিঘস্স চ চিত্তসমুট্ঠানানঞ্চ রূপানং অধিপতিপচ্চযেন পচ্চযো. (২)

গন্থসম্পযুত্তো ধম্মো গন্থসম্পযুত্তস্স চ গন্থৰিপ্পযুত্তস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – গন্থসম্পযুত্তে খন্ধে গরুং কত্ৰা দিট্ঠিগতৰিপ্পযুত্তলোভসহগতা খন্ধা চ লোভো চ উপ্পজ্জন্তি. সহজাতাধিপতি – দিট্ঠিগতৰিপ্পযুত্তলোভসহগতাধিপতি সম্পযুত্তকানং খন্ধানং লোভস্স চ চিত্তসমুট্ঠানানঞ্চ রূপানং অধিপতিপচ্চযেন পচ্চযো; দোমনস্সসহগতাধিপতি সম্পযুত্তকানং খন্ধানং পটিঘস্স চ চিত্তসমুট্ঠানানঞ্চ রূপানং অধিপতিপচ্চযেন পচ্চযো.(৩)

৭৬. গন্থৰিপ্পযুত্তো ধম্মো গন্থৰিপ্পযুত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা পচ্চৰেক্খতি, ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলা ৰুট্ঠহিত্ৰা ফলং গরুং কত্ৰা পচ্চৰেক্খন্তি, নিব্বানং গরুং কত্ৰা পচ্চৰেক্খন্তি, নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৰত্থুং গন্থৰিপ্পযুত্তে খন্ধে চ লোভঞ্চ গরুং কত্ৰা অস্সাদেতি অভিনন্দতি, তং গরুং কত্ৰা গন্থৰিপ্পযুত্তো রাগো উপ্পজ্জতি. সহজাতাধিপতি – গন্থৰিপ্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

গন্থৰিপ্পযুত্তো ধম্মো গন্থসম্পযুত্তস্স ধম্মস্স অধিপতিপচ্চযেন পচ্চযো. আরম্মণাধিপতি – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা ৰুট্ঠহিত্ৰা ঝানং…পে… চক্খুং…পে… ৰত্থুং গন্থৰিপ্পযুত্তে খন্ধে চ লোভঞ্চ গরুং কত্ৰা অস্সাদেতি অভিনন্দতি, তং গরুং কত্ৰা গন্থসম্পযুত্তো রাগো উপ্পজ্জতি… দিট্ঠি উপ্পজ্জতি. (২)

গন্থৰিপ্পযুত্তো ধম্মো গন্থসম্পযুত্তস্স চ গন্থৰিপ্পযুত্তস্স চ ধম্মস্স অধিপতিপচ্চযেন পচ্চযো. আরম্মণাধিপতি – চক্খুং…পে… ৰত্থুং গন্থৰিপ্পযুত্তে খন্ধে চ লোভঞ্চ গরুং কত্ৰা দিট্ঠিগতৰিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

৭৭. গন্থসম্পযুত্তো চ গন্থৰিপ্পযুত্তো চ ধম্মা গন্থসম্পযুত্তস্স ধম্মস্স অধিপতিপচ্চযেন পচ্চযো. আরম্মণাধিপতি – দিট্ঠিগতৰিপ্পযুত্তলোভসহগতে খন্ধে চ লোভঞ্চ গরুং কত্ৰা গন্থসম্পযুত্তকা খন্ধা উপ্পজ্জন্তি. (মূলা পুচ্ছিতব্বা) দিট্ঠিগতৰিপ্পযুত্তলোভসহগতে খন্ধে চ লোভঞ্চ গরুং কত্ৰা দিট্ঠিগতৰিপ্পযুত্তো লোভো উপ্পজ্জতি. (মূলা পুচ্ছিতব্বা) দিট্ঠিগতৰিপ্পযুত্তলোভসহগতে খন্ধে চ লোভঞ্চ গরুং কত্ৰা দিট্ঠিগতৰিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

অনন্তরপচ্চযো

৭৮. গন্থসম্পযুত্তো ধম্মো গন্থসম্পযুত্তস্স ধম্মস্স অনন্তরপচ্চযেন পচ্চযো – পুরিমা পুরিমা গন্থসম্পযুত্তা খন্ধা পচ্ছিমানং পচ্ছিমানং গন্থসম্পযুত্তকানং খন্ধানং অনন্তরপচ্চযেন পচ্চযো. (মূলা পুচ্ছিতব্বা) পুরিমা পুরিমা দিট্ঠিগতৰিপ্পযুত্তলোভসহগতা খন্ধা পচ্ছিমস্স পচ্ছিমস্স দিট্ঠিগতৰিপ্পযুত্তস্স লোভস্স অনন্তরপচ্চযেন পচ্চযো; পুরিমা পুরিমা দোমনস্সসহগতা খন্ধা পচ্ছিমস্স পচ্ছিমস্স পটিঘস্স অনন্তরপচ্চযেন পচ্চযো; গন্থসম্পযুত্তা খন্ধা ৰুট্ঠানস্স অনন্তরপচ্চযেন পচ্চযো. (মূলা পুচ্ছিতব্বা) পুরিমা পুরিমা দিট্ঠিগতৰিপ্পযুত্তলোভসহগতা খন্ধা পচ্ছিমানং পচ্ছিমানং দিট্ঠিগতৰিপ্পযুত্তলোভসহগতানং খন্ধানং লোভস্স চ অনন্তরপচ্চযেন পচ্চযো; পুরিমা পুরিমা দোমনস্সসহগতা খন্ধা পচ্ছিমানং পচ্ছিমানং দোমনস্সসহগতানং খন্ধানং পটিঘস্স চ অনন্তরপচ্চযেন পচ্চযো. (৩)

৭৯. গন্থৰিপ্পযুত্তো ধম্মো গন্থৰিপ্পযুত্তস্স ধম্মস্স অনন্তরপচ্চযেন পচ্চযো – পুরিমো পুরিমো দিট্ঠিগতৰিপ্পযুত্তো লোভো পচ্ছিমস্স পচ্ছিমস্স দিট্ঠিগতৰিপ্পযুত্তস্স লোভস্স অনন্তরপচ্চযেন পচ্চযো; পুরিমং পুরিমং পটিঘং পচ্ছিমস্স পচ্ছিমস্স পটিঘস্স অনন্তরপচ্চযেন পচ্চযো; পুরিমা পুরিমা গন্থৰিপ্পযুত্তা খন্ধা পচ্ছিমানং পচ্ছিমানং গন্থৰিপ্পযুত্তানং খন্ধানং অনন্তরপচ্চযেন পচ্চযো; অনুলোমং গোত্রভুস্স…পে… ফলসমাপত্তিযা অনন্তরপচ্চযেন পচ্চযো. (১)

গন্থৰিপ্পযুত্তো ধম্মো গন্থসম্পযুত্তস্স ধম্মস্স অনন্তরপচ্চযেন পচ্চযো – পুরিমো পুরিমো দিট্ঠিগতৰিপ্পযুত্তো লোভো পচ্ছিমানং পচ্ছিমানং দিট্ঠিগতৰিপ্পযুত্তলোভসহগতানং খন্ধানং অনন্তরপচ্চযেন পচ্চযো; পুরিমং পুরিমং পটিঘং পচ্ছিমানং পচ্ছিমানং দোমনস্সসহগতানং খন্ধানং অনন্তরপচ্চযেন পচ্চযো; আৰজ্জনা গন্থসম্পযুত্তকানং খন্ধানং অনন্তরপচ্চযেন পচ্চযো. (২)

গন্থৰিপ্পযুত্তো ধম্মো গন্থসম্পযুত্তস্স চ গন্থৰিপ্পযুত্তস্স চ ধম্মস্স অনন্তরপচ্চযেন পচ্চযো – পুরিমো পুরিমো দিট্ঠিগতৰিপ্পযুত্তো লোভো পচ্ছিমানং পচ্ছিমানং দিট্ঠিগতৰিপ্পযুত্তলোভসহগতানং খন্ধানং লোভস্স চ অনন্তরপচ্চযেন পচ্চযো; পুরিমং পুরিমং পটিঘং পচ্ছিমানং পচ্ছিমানং দোমনস্সসহগতানং খন্ধানং পটিঘস্স চ অনন্তরপচ্চযেন পচ্চযো; আৰজ্জনা দিট্ঠিগতৰিপ্পযুত্তলোভসহগতানং খন্ধানং লোভস্স চ দোমনস্সসহগতানং খন্ধানং পটিঘস্স চ অনন্তরপচ্চযেন পচ্চযো. (৩)

৮০. গন্থসম্পযুত্তো চ গন্থৰিপ্পযুত্তো চ ধম্মা গন্থসম্পযুত্তস্স ধম্মস্স অনন্তরপচ্চযেন পচ্চযো – পুরিমা পুরিমা দিট্ঠিগতৰিপ্পযুত্তলোভসহগতা খন্ধা চ লোভো চ পচ্ছিমানং পচ্ছিমানং দিট্ঠিগতৰিপ্পযুত্তলোভসহগতানং খন্ধানং অনন্তরপচ্চযেন পচ্চযো; পুরিমা পুরিমা দোমনস্সসহগতা খন্ধা চ পটিঘঞ্চ পচ্ছিমানং পচ্ছিমানং দোমনস্সসহগতানং খন্ধানং অনন্তরপচ্চযেন পচ্চযো. (মূলা পুচ্ছিতব্বা) পুরিমা পুরিমা দিট্ঠিগতৰিপ্পযুত্তলোভসহগতা খন্ধা চ লোভো চ পচ্ছিমস্স পচ্ছিমস্স দিট্ঠিগতৰিপ্পযুত্তস্স লোভস্স অনন্তরপচ্চযেন পচ্চযো; পুরিমা পুরিমা দোমনস্সসহগতা খন্ধা চ পটিঘঞ্চ পচ্ছিমস্স পচ্ছিমস্স পটিঘস্স অনন্তরপচ্চযেন পচ্চযো; দিট্ঠিগতৰিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ ৰুট্ঠানস্স অনন্তরপচ্চযেন পচ্চযো. (মূলা পুচ্ছিতব্বা) পুরিমা পুরিমা দিট্ঠিগতৰিপ্পযুত্তলোভসহগতা খন্ধা চ লোভো চ পচ্ছিমানং পচ্ছিমানং দিট্ঠিগতৰিপ্পযুত্তলোভসহগতানং খন্ধানং লোভস্স চ অনন্তরপচ্চযেন পচ্চযো; পুরিমা পুরিমা দোমনস্সসহগতা খন্ধা চ পটিঘঞ্চ পচ্ছিমানং পচ্ছিমানং দোমনস্সসহগতানং খন্ধানং পটিঘস্স চ অনন্তরপচ্চযেন পচ্চযো. (৩)

সমনন্তরপচ্চযাদি

৮১. গন্থসম্পযুত্তো ধম্মো গন্থসম্পযুত্তস্স ধম্মস্স সমনন্তরপচ্চযেন পচ্চযো… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো.

উপনিস্সযপচ্চযো

৮২. গন্থসম্পযুত্তো ধম্মো গন্থসম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – গন্থসম্পযুত্তা খন্ধা গন্থসম্পযুত্তকানং খন্ধানং উপনিস্সযপচ্চযেন পচ্চযো. (মূলং পুচ্ছিতব্বং, তীণিপি উপনিস্সযা) গন্থসম্পযুত্তা খন্ধা গন্থৰিপ্পযুত্তানং খন্ধানং উপনিস্সযপচ্চযেন পচ্চযো. (মূলং, তীণিপি উপনিস্সযা) গন্থসম্পযুত্তা খন্ধা দিট্ঠিগতৰিপ্পযুত্তলোভসহগতানং খন্ধানং লোভস্স চ উপনিস্সযপচ্চযেন পচ্চযো; দোমনস্সসহগতানং খন্ধানং পটিঘস্স চ উপনিস্সযপচ্চযেন পচ্চযো. (৩)

৮৩. গন্থৰিপ্পযুত্তো ধম্মো গন্থৰিপ্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি… মানং জপ্পেতি… সীলং…পে… পঞ্ঞং … রাগং… দোসং… মোহং… মানং… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সমাপত্তিং উপ্পাদেতি… পাণং হনতি…পে… সঙ্ঘং ভিন্দতি; সদ্ধা…পে… পঞ্ঞা, রাগো…পে… পত্থনা…পে… সেনাসনং সদ্ধায…পে… পঞ্ঞায… রাগস্স… দোসস্স… মোহস্স… মানস্স… পত্থনায…পে… ফলসমাপত্তিযা উপনিস্সযপচ্চযেন পচ্চযো. (১)

গন্থৰিপ্পযুত্তো ধম্মো গন্থসম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… পঞ্ঞং… রাগং…পে… মানং… পত্থনং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং রাগস্স… দোসস্স … মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. (২)

গন্থৰিপ্পযুত্তো ধম্মো গন্থসম্পযুত্তস্স চ গন্থৰিপ্পযুত্তস্স চ ধম্মস্স উপনিস্সযপচ্চযেন পচ্চযো (তীণি উপনিস্সযা); সদ্ধং উপনিস্সায মানং জপ্পেতি; সীলং…পে… পঞ্ঞং… রাগং… দোসং… মোহং… মানং… পত্থনং… কাযিকং সুখং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… পঞ্ঞা… রাগো… দোসো… মোহো… মানো… পত্থনা…পে… সেনাসনং দিট্ঠিগতৰিপ্পযুত্তলোভসহগতানং খন্ধানং লোভস্স চ দোমনস্সসহগতানং খন্ধানং পটিঘস্স চ উপনিস্সযপচ্চযেন পচ্চযো. (৩)

৮৪. গন্থসম্পযুত্তো চ গন্থৰিপ্পযুত্তো চ ধম্মা গন্থসম্পযুত্তস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো …পে…. পকতূপনিস্সযো – দিট্ঠিগতৰিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ গন্থসম্পযুত্তকানং খন্ধানং উপনিস্সযপচ্চযেন পচ্চযো. (মূলং কাতব্বং) দিট্ঠিগতৰিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ গন্থৰিপ্পযুত্তানং খন্ধানং দিট্ঠিগতৰিপ্পযুত্তলোভস্স চ পটিঘস্স চ উপনিস্সযপচ্চযেন পচ্চযো. (মূলং পুচ্ছিতব্বং) দিট্ঠিগতৰিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ দিট্ঠিগতৰিপ্পযুত্তলোভসহগতানং খন্ধানং লোভস্স চ দোমনস্সসহগতানং খন্ধানং পটিঘস্স চ উপনিস্সযপচ্চযেন পচ্চযো. (৩)

পুরেজাতপচ্চযো

৮৫. গন্থৰিপ্পযুত্তো ধম্মো গন্থৰিপ্পযুত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো ৰিপস্সতি, অস্সাদেতি অভিনন্দতি, তং আরব্ভ গন্থৰিপ্পযুত্তো রাগো উপ্পজ্জতি, ৰিচিকিচ্ছা…পে… উদ্ধচ্চং…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু গন্থৰিপ্পযুত্তানং খন্ধানং দিট্ঠিগতৰিপ্পযুত্তস্স লোভস্স চ পটিঘস্স চ পুরেজাতপচ্চযেন পচ্চযো. (১)

গন্থৰিপ্পযুত্তো ধম্মো গন্থসম্পযুত্তস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ গন্থসম্পযুত্তো রাগো উপ্পজ্জতি, দিট্ঠি…পে… দোমনস্সং উপ্পজ্জতি. ৰত্থুপুরেজাতং – ৰত্থু গন্থসম্পযুত্তকানং খন্ধানং পুরেজাতপচ্চযেন পচ্চযো. (২)

গন্থৰিপ্পযুত্তো ধম্মো গন্থসম্পযুত্তস্স চ গন্থৰিপ্পযুত্তস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং আরব্ভ দিট্ঠিগতৰিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ উপ্পজ্জন্তি. ৰত্থুপুরেজাতং – ৰত্থু দিট্ঠিগতৰিপ্পযুত্তলোভসহগতানং খন্ধানং লোভস্স চ দোমনস্সসহগতানং খন্ধানং পটিঘস্স চ পুরেজাতপচ্চযেন পচ্চযো. (৩)

পচ্ছাজাতপচ্চযো

৮৬. গন্থসম্পযুত্তো ধম্মো গন্থৰিপ্পযুত্তস্স ধম্মস্স পচ্ছাজাতপচ্চযেন পচ্চযো… একং.

গন্থৰিপ্পযুত্তো ধম্মো গন্থৰিপ্পযুত্তস্স ধম্মস্স পচ্ছাজাতপচ্চযেন পচ্চযো… একং.

গন্থসম্পযুত্তো চ গন্থৰিপ্পযুত্তো চ ধম্মা গন্থৰিপ্পযুত্তস্স ধম্মস্স পচ্ছাজাতপচ্চযেন পচ্চযো – পচ্ছাজাতা দিট্ঠিগতৰিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৰনপচ্চযো

৮৭. গন্থসম্পযুত্তো ধম্মো গন্থসম্পযুত্তস্স ধম্মস্স আসেৰনপচ্চযেন পচ্চযো (অনন্তরসদিসং, আৰজ্জনাপি ৰুট্ঠানম্পি নত্থি).

কম্মপচ্চযো

৮৮. গন্থসম্পযুত্তো ধম্মো গন্থসম্পযুত্তস্স ধম্মস্স কম্মপচ্চযেন পচ্চযো – গন্থসম্পযুত্তা চেতনা সম্পযুত্তকানং খন্ধানং কম্মপচ্চযেন পচ্চযো. (১)

গন্থসম্পযুত্তো ধম্মো গন্থৰিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – গন্থসম্পযুত্তা চেতনা চিত্তসমুট্ঠানানং রূপানং কম্মপচ্চযেন পচ্চযো; দিট্ঠিগতৰিপ্পযুত্তলোভসহগতা চেতনা লোভস্স চ চিত্তসমুট্ঠানানঞ্চ রূপানং কম্মপচ্চযেন পচ্চযো; দোমনস্সসহগতা চেতনা পটিঘস্স চ চিত্তসমুট্ঠানানঞ্চ রূপানং কম্মপচ্চযেন পচ্চযো. নানাক্খণিকা – গন্থসম্পযুত্তা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (২)

গন্থসম্পযুত্তো ধম্মো গন্থসম্পযুত্তস্স চ গন্থৰিপ্পযুত্তস্স চ ধম্মস্স কম্মপচ্চযেন পচ্চযো – গন্থসম্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; দিট্ঠিগতৰিপ্পযুত্তলোভসহগতা চেতনা সম্পযুত্তকানং খন্ধানং লোভস্স চ চিত্তসমুট্ঠানানঞ্চ রূপানং কম্মপচ্চযেন পচ্চযো; দোমনস্সসহগতা চেতনা সম্পযুত্তকানং খন্ধানং পটিঘস্স চ চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

৮৯. গন্থৰিপ্পযুত্তো ধম্মো গন্থৰিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – গন্থৰিপ্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – গন্থৰিপ্পযুত্তা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (১)

ৰিপাকপচ্চযাদি

৯০. গন্থৰিপ্পযুত্তো ধম্মো গন্থৰিপ্পযুত্তস্স ধম্মস্স ৰিপাকপচ্চযেন পচ্চযো… একং.

গন্থসম্পযুত্তো ধম্মো গন্থসম্পযুত্তস্স ধম্মস্স আহারপচ্চযেন পচ্চযো… চত্তারি… ইন্দ্রিযপচ্চযেন পচ্চযো… চত্তারি… ঝানপচ্চযেন পচ্চযো… চত্তারি… মগ্গপচ্চযেন পচ্চযো … চত্তারি… সম্পযুত্তপচ্চযেন পচ্চযো… ছ.

ৰিপ্পযুত্তপচ্চযো

৯১. গন্থসম্পযুত্তো ধম্মো গন্থৰিপ্পযুত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং, ৰিভজিতব্বং). (১)

গন্থৰিপ্পযুত্তো ধম্মো গন্থৰিপ্পযুত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (সংখিত্তং). (১)

গন্থৰিপ্পযুত্তো ধম্মো গন্থসম্পযুত্তস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু গন্থসম্পযুত্তকানং খন্ধানং ৰিপ্পযুত্তপচ্চযেন পচ্চযো. (২)

গন্থৰিপ্পযুত্তো ধম্মো গন্থসম্পযুত্তস্স চ গন্থৰিপ্পযুত্তস্স চ ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু দিট্ঠিগতৰিপ্পযুত্তলোভসহগতানং খন্ধানং লোভস্স চ দোমনস্সসহগতানং খন্ধানং পটিঘস্স চ ৰিপ্পযুত্তপচ্চযেন পচ্চযো. (৩)

৯২. গন্থসম্পযুত্তো চ গন্থৰিপ্পযুত্তো চ ধম্মা গন্থৰিপ্পযুত্তস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – দিট্ঠিগতৰিপ্পযুত্তলোভসহগতা খন্ধা চ লোভো চ চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; দোমনস্সসহগতা খন্ধা চ পটিঘঞ্চ চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – দিট্ঠিগতৰিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অত্থিপচ্চযো

৯৩. গন্থসম্পযুত্তো ধম্মো গন্থসম্পযুত্তস্স ধম্মস্স অত্থিপচ্চযেন পচ্চযো… একং (পটিচ্চসদিসং). (১)

গন্থসম্পযুত্তো ধম্মো গন্থৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং, ৰিভজিতব্বং). (২)

গন্থসম্পযুত্তো ধম্মো গন্থসম্পযুত্তস্স চ গন্থৰিপ্পযুত্তস্স চ ধম্মস্স অত্থিপচ্চযেন পচ্চযো… একং (পটিচ্চসদিসং). (৩)

৯৪. গন্থৰিপ্পযুত্তো ধম্মো গন্থৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং, ৰিভজিতব্বং). (১)

গন্থৰিপ্পযুত্তো ধম্মো গন্থসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – দিট্ঠিগতৰিপ্পযুত্তো লোভো সম্পযুত্তকানং খন্ধানং অত্থিপচ্চযেন পচ্চযো; দোমনস্সসহগতং পটিঘং সম্পযুত্তকানং খন্ধানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ গন্থসম্পযুত্তো রাগো…পে… দিট্ঠি…পে… দোমনস্সং উপ্পজ্জতি, ৰত্থু গন্থসম্পযুত্তকানং খন্ধানং অত্থিপচ্চযেন পচ্চযো. (২)

গন্থৰিপ্পযুত্তো ধম্মো গন্থসম্পযুত্তস্স চ গন্থৰিপ্পযুত্তস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – দিট্ঠিগতৰিপ্পযুত্তো লোভো সম্পযুত্তকানং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো; পটিঘং সম্পযুত্তকানং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং আরব্ভ দিট্ঠিগতৰিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ উপ্পজ্জন্তি, ৰত্থু দিট্ঠিগতৰিপ্পযুত্তলোভসহগতানং খন্ধানং লোভস্স চ দোমনস্সসহগতানং খন্ধানং পটিঘস্স চ অত্থিপচ্চযেন পচ্চযো. (৩)

৯৫. গন্থসম্পযুত্তো চ গন্থৰিপ্পযুত্তো চ ধম্মা গন্থসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – গন্থসম্পযুত্তো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে…. সহজাতো – দিট্ঠিগতৰিপ্পযুত্তলোভসহগতো একো খন্ধো চ লোভো চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে… দোমনস্সসহগতো একো খন্ধো চ পটিঘঞ্চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে…. (১)

গন্থসম্পযুত্তো চ গন্থৰিপ্পযুত্তো চ ধম্মা গন্থৰিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতা – গন্থসম্পযুত্তা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. সহজাতা – দিট্ঠিগতৰিপ্পযুত্তলোভসহগতা খন্ধা চ লোভো চ চিত্তসমুট্ঠানানং রূপানং অত্থিপচ্চযেন পচ্চযো. সহজাতা – দোমনস্সসহগতা খন্ধা চ পটিঘঞ্চ চিত্তসমুট্ঠানানং রূপানং অত্থিপচ্চযেন পচ্চযো; দিট্ঠিগতৰিপ্পযুত্তলোভসহগতা খন্ধা চ ৰত্থু চ লোভস্স অত্থিপচ্চযেন পচ্চযো; দোমনস্সসহগতা খন্ধা চ ৰত্থু চ পটিঘস্স অত্থিপচ্চযেন পচ্চযো. পচ্ছাজাতা – দিট্ঠিগতৰিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ পুরেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – গন্থসম্পযুত্তা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – গন্থসম্পযুত্তা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

গন্থসম্পযুত্তো চ গন্থৰিপ্পযুত্তো চ ধম্মা গন্থসম্পযুত্তস্স চ গন্থৰিপ্পযুত্তস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – দিট্ঠিগতৰিপ্পযুত্তলোভসহগতো একো খন্ধো চ লোভো চ তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা চ…পে…. সহজাতো – দোমনস্সসহগতো একো খন্ধো চ পটিঘঞ্চ তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা চ…পে…. সহজাতো – দিট্ঠিগতৰিপ্পযুত্তলোভসহগতো একো খন্ধো চ ৰত্থু চ তিণ্ণন্নং খন্ধানং লোভস্স চ অত্থিপচ্চযেন পচ্চযো…পে… দ্ৰে খন্ধা চ…পে…. সহজাতো – দোমনস্সসহগতো একো খন্ধো চ ৰত্থু চ তিণ্ণন্নং খন্ধানং পটিঘস্স চ অত্থিপচ্চযেন পচ্চযো…পে… দ্ৰে খন্ধা চ…পে…. (৩)