১. ৰিভঙ্গৰারো

হেতুপচ্চযো

৪৫. গন্থসম্পযুত্তং ধম্মং পটিচ্চ গন্থসম্পযুত্তো ধম্মো উপ্পজ্জতি হেতুপচ্চযা – গন্থসম্পযুত্তং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

গন্থসম্পযুত্তং ধম্মং পটিচ্চ গন্থৰিপ্পযুত্তো ধম্মো উপ্পজ্জতি হেতুপচ্চযা – গন্থসম্পযুত্তে খন্ধে পটিচ্চ চিত্তসমুট্ঠানং রূপং, দিট্ঠিগতৰিপ্পযুত্তলোভসহগতে খন্ধে পটিচ্চ লোভো চিত্তসমুট্ঠানঞ্চ রূপং, দোমনস্সসহগতে খন্ধে পটিচ্চ পটিঘং চিত্তসমুট্ঠানঞ্চ রূপং. (২)

গন্থসম্পযুত্তং ধম্মং পটিচ্চ গন্থসম্পযুত্তো চ গন্থৰিপ্পযুত্তো চ ধম্মা উপ্পজ্জন্তি হেতুপচ্চযা – গন্থসম্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… দিট্ঠিগতৰিপ্পযুত্তলোভসহগতং একং খন্ধং পটিচ্চ তযো খন্ধা লোভো চ চিত্তসমুট্ঠানঞ্চ রূপং…পে… দ্ৰে খন্ধে…পে… দোমনস্সসহগতং একং খন্ধং পটিচ্চ তযো খন্ধা পটিঘঞ্চ চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

৪৬. গন্থৰিপ্পযুত্তং ধম্মং পটিচ্চ গন্থৰিপ্পযুত্তো ধম্মো উপ্পজ্জতি হেতুপচ্চযা – গন্থৰিপ্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… দিট্ঠিগতৰিপ্পযুত্তং লোভং পটিচ্চ চিত্তসমুট্ঠানং রূপং, পটিঘং পটিচ্চ চিত্তসমুট্ঠানং রূপং; পটিসন্ধিক্খণে…পে… খন্ধে পটিচ্চ (সংখিত্তং). (১)

গন্থৰিপ্পযুত্তং ধম্মং পটিচ্চ গন্থসম্পযুত্তো ধম্মো উপ্পজ্জতি হেতুপচ্চযা – দিট্ঠিগতৰিপ্পযুত্তং লোভং পটিচ্চ সম্পযুত্তকা খন্ধা, পটিঘং পটিচ্চ সম্পযুত্তকা খন্ধা. (২)

গন্থৰিপ্পযুত্তং ধম্মং পটিচ্চ গন্থসম্পযুত্তো চ গন্থৰিপ্পযুত্তো চ ধম্মা উপ্পজ্জন্তি হেতুপচ্চযা – দিট্ঠিগতৰিপ্পযুত্তং লোভং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং, পটিঘং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং. (৩)

৪৭. গন্থসম্পযুত্তঞ্চ গন্থৰিপ্পযুত্তঞ্চ ধম্মং পটিচ্চ গন্থসম্পযুত্তো ধম্মো উপ্পজ্জতি হেতুপচ্চযা – দিট্ঠিগতৰিপ্পযুত্তলোভসহগতং একং খন্ধঞ্চ লোভঞ্চ পটিচ্চ তযো খন্ধা…পে… দ্ৰে খন্ধে…পে… দোমনস্সসহগতং একং খন্ধঞ্চ পটিঘঞ্চ পটিচ্চ তযো খন্ধা…পে… দ্ৰে খন্ধে…পে…. (১)

গন্থসম্পযুত্তঞ্চ গন্থৰিপ্পযুত্তঞ্চ ধম্মং পটিচ্চ গন্থৰিপ্পযুত্তো ধম্মো উপ্পজ্জতি হেতুপচ্চযা – গন্থসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং রূপং, দিট্ঠিগতৰিপ্পযুত্তলোভসহগতে খন্ধে চ লোভঞ্চ পটিচ্চ চিত্তসমুট্ঠানং রূপং, দোমনস্সসহগতে খন্ধে চ পটিঘঞ্চ পটিচ্চ চিত্তসমুট্ঠানং রূপং. (২)

গন্থসম্পযুত্তঞ্চ গন্থৰিপ্পযুত্তঞ্চ ধম্মং পটিচ্চ গন্থসম্পযুত্তো চ গন্থৰিপ্পযুত্তো চ ধম্মা উপ্পজ্জন্তি হেতুপচ্চযা – দিট্ঠিগতৰিপ্পযুত্তলোভসহগতং একং খন্ধঞ্চ লোভঞ্চ পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… দোমনস্সসহগতং একং খন্ধঞ্চ পটিঘঞ্চ পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

আরম্মণপচ্চযো

৪৮. গন্থসম্পযুত্তং ধম্মং পটিচ্চ গন্থসম্পযুত্তো ধম্মো উপ্পজ্জতি আরম্মণপচ্চযা – গন্থসম্পযুত্তং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

গন্থসম্পযুত্তং ধম্মং পটিচ্চ গন্থৰিপ্পযুত্তো ধম্মো উপ্পজ্জতি আরম্মণপচ্চযা – দিট্ঠিগতৰিপ্পযুত্তলোভসহগতে খন্ধে পটিচ্চ লোভো, দোমনস্সসহগতে খন্ধে পটিচ্চ পটিঘং. (২)

গন্থসম্পযুত্তং ধম্মং পটিচ্চ গন্থসম্পযুত্তো চ গন্থৰিপ্পযুত্তো চ ধম্মা উপ্পজ্জন্তি আরম্মণপচ্চযা – দিট্ঠিগতৰিপ্পযুত্তলোভসহগতং একং খন্ধং পটিচ্চ তযো খন্ধা লোভো চ…পে… দ্ৰে খন্ধে…পে… দোমনস্সসহগতং একং খন্ধং পটিচ্চ তযো খন্ধা পটিঘঞ্চ…পে… দ্ৰে খন্ধে…পে…. (৩)

৪৯. গন্থৰিপ্পযুত্তং ধম্মং পটিচ্চ গন্থৰিপ্পযুত্তো ধম্মো উপ্পজ্জতি আরম্মণপচ্চযা – গন্থৰিপ্পযুত্তং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে… ৰত্থুং পটিচ্চ খন্ধা. (১)

গন্থৰিপ্পযুত্তং ধম্মং পটিচ্চ গন্থসম্পযুত্তো ধম্মো উপ্পজ্জতি আরম্মণপচ্চযা – দিট্ঠিগতৰিপ্পযুত্তং লোভং পটিচ্চ সম্পযুত্তকা খন্ধা, পটিঘং পটিচ্চ সম্পযুত্তকা খন্ধা. (২)

গন্থসম্পযুত্তঞ্চ গন্থৰিপ্পযুত্তঞ্চ ধম্মং পটিচ্চ গন্থসম্পযুত্তো ধম্মো উপ্পজ্জতি আরম্মণপচ্চযা – দিট্ঠিগতৰিপ্পযুত্তলোভসহগতং একং খন্ধঞ্চ লোভঞ্চ পটিচ্চ তযো খন্ধা…পে… দ্ৰে খন্ধে…পে… দোমনস্সসহগতং একং খন্ধঞ্চ পটিঘঞ্চ পটিচ্চ তযো খন্ধা…পে… দ্ৰে খন্ধে…পে… (সংখিত্তং). (১)