১. ৰিভঙ্গৰারো

হেতুপচ্চযো

১২১. আসৰো চেৰ আসৰসম্পযুত্তো চ ধম্মো আসৰস্স চেৰ আসৰসম্পযুত্তস্স চ ধম্মস্স হেতুপচ্চযেন পচ্চযো… তীণি.

আসৰসম্পযুত্তো চেৰ নো চ আসৰো ধম্মো আসৰসম্পযুত্তস্স চেৰ নো চ আসৰস্স ধম্মস্স হেতুপচ্চযেন পচ্চযো – আসৰসম্পযুত্তা চেৰ নো চ আসৰা হেতূ সম্পযুত্তকানং খন্ধানং হেতুপচ্চযেন পচ্চযো. (১)

আরম্মণপচ্চযাদি

১২২. আসৰো চেৰ আসৰসম্পযুত্তো চ ধম্মো আসৰস্স চেৰ আসৰসম্পযুত্তস্স চ ধম্মস্স আরম্মণপচ্চযেন পচ্চযো… তীণি.

আসৰসম্পযুত্তো চেৰ নো চ আসৰো ধম্মো আসৰসম্পযুত্তস্স চেৰ নো চ আসৰস্স ধম্মস্স আরম্মণপচ্চযেন পচ্চযো – আসৰসম্পযুত্তে চেৰ নো চ আসৰে খন্ধে আরব্ভ আসৰসম্পযুত্তা চেৰ নো চ আসৰা খন্ধা উপ্পজ্জন্তি. (১)

আসৰসম্পযুত্তো চেৰ নো চ আসৰো ধম্মো আসৰস্স চেৰ আসৰসম্পযুত্তস্স চ ধম্মস্স আরম্মণপচ্চযেন পচ্চযো – আসৰসম্পযুত্তে চেৰ নো চ আসৰে খন্ধে আরব্ভ আসৰা উপ্পজ্জন্তি. (২)

আসৰসম্পযুত্তো চেৰ নো চ আসৰো ধম্মো আসৰস্স চেৰ আসৰসম্পযুত্তস্স চ আসৰসম্পযুত্তস্স চেৰ নো চ আসৰস্স চ ধম্মস্স আরম্মণপচ্চযেন পচ্চযো – আসৰসম্পযুত্তে চেৰ নো চ আসৰে খন্ধে আরব্ভ আসৰা চ আসৰসম্পযুত্তকা চ খন্ধা উপ্পজ্জন্তি. (৩)

আসৰো চেৰ আসৰসম্পযুত্তো চ আসৰসম্পযুত্তো চেৰ নো চ আসৰো চ ধম্মা আসৰস্স চেৰ আসৰসম্পযুত্তস্স চ ধম্মস্স আরম্মণপচ্চযেন পচ্চযো … তীণি.

অধিপতিপচ্চযা… (আরম্মণসদিসা, গরুকারম্মণা) অনন্তরপচ্চযা… (আরম্মণসদিসাযেৰ, পুরিমা পুরিমাতি কাতব্বা.) সমনন্তরপচ্চযা… সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা (আরম্মণসদিসংযেৰ, ৰিভজনা নত্থি… তীণি. উপনিস্সযং সব্বং কাতব্বং).

কম্মপচ্চযাদি

১২৩. আসৰসম্পযুত্তো চেৰ নো চ আসৰো ধম্মো আসৰসম্পযুত্তস্স চেৰ নো চ আসৰস্স ধম্মস্স কম্মপচ্চযেন পচ্চযো… তীণি… আহারপচ্চযেন পচ্চযো… তীণি… ইন্দ্রিযপচ্চযেন পচ্চযো… তীণি… ঝানপচ্চযেন পচ্চযো… তীণি… মগ্গপচ্চযেন পচ্চযো… নৰ… সম্পযুত্তপচ্চযেন পচ্চযো… নৰ… অত্থিপচ্চযেন পচ্চযো… নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো… নৰ.