৩. আসৰগোচ্ছকং

১৪. আসৰদুকং

১. পটিচ্চৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১. আসৰং ধম্মং পটিচ্চ আসৰো ধম্মো উপ্পজ্জতি হেতুপচ্চযা – কামাসৰং পটিচ্চ দিট্ঠাসৰো অৰিজ্জাসৰো, দিট্ঠাসৰং পটিচ্চ কামাসৰো অৰিজ্জাসৰো, অৰিজ্জাসৰং পটিচ্চ কামাসৰো দিট্ঠাসৰো, ভৰাসৰং পটিচ্চ অৰিজ্জাসৰো, দিট্ঠাসৰং পটিচ্চ অৰিজ্জাসৰো (একেকম্পি চক্কং কাতব্বং). (১)

আসৰং ধম্মং পটিচ্চ নোআসৰো ধম্মো উপ্পজ্জতি হেতুপচ্চযা – আসৰং পটিচ্চ আসৰসম্পযুত্তকা খন্ধা চিত্তসমুট্ঠানঞ্চ রূপং. (২)

আসৰং ধম্মং পটিচ্চ আসৰো চ নোআসৰো চ ধম্মা উপ্পজ্জন্তি হেতুপচ্চযা – কামাসৰং পটিচ্চ দিট্ঠাসৰো অৰিজ্জাসৰো সম্পযুত্তকা চ খন্ধা চিত্তসমুট্ঠানঞ্চ রূপং (চক্কং). (৩)

২. নোআসৰং ধম্মং পটিচ্চ নোআসৰো ধম্মো উপ্পজ্জতি হেতুপচ্চযা – নোআসৰং একং খন্ধং পটিচ্চ তযো খন্ধা চিত্তসমুট্ঠানং রূপং…পে… দ্ৰে খন্ধে…পে… পটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

নোআসৰং ধম্মং পটিচ্চ আসৰো ধম্মো উপ্পজ্জতি হেতুপচ্চযা – নোআসৰে খন্ধে পটিচ্চ আসৰা. (২)

নোআসৰং ধম্মং পটিচ্চ আসৰো চ নোআসৰো চ ধম্মা উপ্পজ্জন্তি হেতুপচ্চযা – নোআসৰং একং খন্ধং পটিচ্চ তযো খন্ধা আসৰা চ চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

৩. আসৰঞ্চ নোআসৰঞ্চ ধম্মং পটিচ্চ আসৰো ধম্মো উপ্পজ্জতি হেতুপচ্চযা – কামাসৰঞ্চ সম্পযুত্তকে চ খন্ধে পটিচ্চ দিট্ঠাসৰো অৰিজ্জাসৰো (চক্কং বন্ধিতব্বং). (১)

আসৰঞ্চ নোআসৰঞ্চ ধম্মং পটিচ্চ নোআসৰো ধম্মো উপ্পজ্জতি হেতুপচ্চযা – নোআসৰং একং খন্ধঞ্চ আসৰে চ পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে…. (২)

আসৰঞ্চ নোআসৰঞ্চ ধম্মং পটিচ্চ আসৰো চ নোআসৰো চ ধম্মা উপ্পজ্জন্তি হেতুপচ্চযা – নোআসৰং একং খন্ধঞ্চ কামাসৰঞ্চ পটিচ্চ তযো খন্ধা দিট্ঠাসৰো অৰিজ্জাসৰো চিত্তসমুট্ঠানঞ্চ রূপং…পে… দ্ৰে খন্ধে চ…পে… (চক্কং. সংখিত্তং). (৩)

১. পচ্চযানুলোমং

২. সঙ্খ্যাৰারো

৪. হেতুযা নৰ, আরম্মণে নৰ (সব্বত্থ নৰ), ৰিপাকে একং, আহারে নৰ…পে… অৰিগতে নৰ.

অনুলোমং.

২. পচ্চযপচ্চনীযং

১. ৰিভঙ্গৰারো

নহেতুপচ্চযো

৫. নোআসৰং ধম্মং পটিচ্চ নোআসৰো ধম্মো উপ্পজ্জতি নহেতুপচ্চযা – অহেতুকং নোআসৰং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে… (যাৰ অসঞ্ঞসত্তা). (১)

নোআসৰং ধম্মং পটিচ্চ আসৰো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (২)

নআরম্মণপচ্চযো

৬. আসৰং ধম্মং পটিচ্চ নোআসৰো ধম্মো উপ্পজ্জতি নআরম্মণপচ্চযা – আসৰে পটিচ্চ চিত্তসমুট্ঠানং রূপং. (১)

নোআসৰং ধম্মং পটিচ্চ নোআসৰো ধম্মো উপ্পজ্জতি নআরম্মণপচ্চযা – নোআসৰে খন্ধে পটিচ্চ চিত্তসমুট্ঠানং রূপং; পটিসন্ধিক্খণে…পে… খন্ধে পটিচ্চ ৰত্থু, একং মহাভূতং…পে… (যাৰ অসঞ্ঞসত্তা). (১)

আসৰঞ্চ নোআসৰঞ্চ ধম্মং পটিচ্চ নোআসৰো ধম্মো উপ্পজ্জতি নআরম্মণপচ্চযা – আসৰে চ সম্পযুত্তকে চ খন্ধে পটিচ্চ চিত্তসমুট্ঠানং রূপং (সংখিত্তং). (১)

২. পচ্চযপচ্চনীযং

২. সঙ্খ্যাৰারো

সুদ্ধং

৭. নহেতুযা দ্ৰে, নআরম্মণে তীণি, নঅধিপতিযা নৰ, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নআহারে একং, নইন্দ্রিযে একং, নঝানে একং, নমগ্গে একং, নসম্পযুত্তে তীণি, নৰিপ্পযুত্তে নৰ, নোনত্থিযা তীণি, নোৰিগতে তীণি.

পচ্চনীযং.

৩. পচ্চযানুলোমপচ্চনীযং

হেতুদুকং

৮. হেতুপচ্চযা নআরম্মণে তীণি, নঅধিপতিযা নৰ, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নসম্পযুত্তে তীণি, নৰিপ্পযুত্তে নৰ, নোনত্থিযা তীণি, নোৰিগতে তীণি.

অনুলোমপচ্চনীযং.

৪. পচ্চযপচ্চনীযানুলোমং

নহেতুদুকং

৯. নহেতুপচ্চযা আরম্মণে দ্ৰে, অনন্তরে দ্ৰে…পে… ৰিপাকে একং…পে… মগ্গে একং…পে… অৰিগতে দ্ৰে.

পচ্চনীযানুলোমং.

২. সহজাতৰারো

(সহজাতৰারো পটিচ্চৰারসদিসো.)

৩. পচ্চযৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১০. আসৰং ধম্মং পচ্চযা আসৰো ধম্মো উপ্পজ্জতি হেতুপচ্চযা (আসৰমূলকং তীণি, পটিচ্চসদিসা).

নোআসৰং ধম্মং পচ্চযা নোআসৰো ধম্মো উপ্পজ্জতি হেতুপচ্চযা – নোআসৰং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… খন্ধে পচ্চযা ৰত্থু, ৰত্থুং পচ্চযা খন্ধা, মহাভূতে পচ্চযা চিত্তসমুট্ঠানং রূপং কটত্তারূপং উপাদারূপং, ৰত্থুং পচ্চযা নোআসৰা খন্ধা. (১)

নোআসৰং ধম্মং পচ্চযা আসৰো ধম্মো উপ্পজ্জতি হেতুপচ্চযা – নোআসৰে খন্ধে পচ্চযা আসৰা, ৰত্থুং পচ্চযা আসৰা. (২)

নোআসৰং ধম্মং পচ্চযা আসৰো চ নোআসৰো চ ধম্মা উপ্পজ্জন্তি হেতুপচ্চযা – নোআসৰং একং খন্ধং পচ্চযা তযো খন্ধা আসৰা চ চিত্তসমুট্ঠানঞ্চ রূপং…পে… দ্ৰে খন্ধে…পে… ৰত্থুং পচ্চযা আসৰা সম্পযুত্তকা চ খন্ধা. (৩)

১১. আসৰঞ্চ নোআসৰঞ্চ ধম্মং পচ্চযা আসৰো ধম্মো উপ্পজ্জতি হেতুপচ্চযা – কামাসৰঞ্চ সম্পযুত্তকে চ খন্ধে পচ্চযা দিট্ঠাসৰো অৰিজ্জাসৰো (চক্কং). কামাসৰঞ্চ ৰত্থুঞ্চ পচ্চযা দিট্ঠাসৰো অৰিজ্জাসৰো (চক্কং). (১)

আসৰঞ্চ নোআসৰঞ্চ ধম্মং পচ্চযা নোআসৰো ধম্মো উপ্পজ্জতি হেতুপচ্চযা – নোআসৰং একং খন্ধঞ্চ আসৰে চ পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… আসৰঞ্চ ৰত্থুঞ্চ পচ্চযা নোআসৰা খন্ধা. (২)

আসৰঞ্চ নোআসৰঞ্চ ধম্মং পচ্চযা আসৰো চ নোআসৰো চ ধম্মা উপ্পজ্জন্তি হেতুপচ্চযা – নোআসৰং একং খন্ধঞ্চ কামাসৰঞ্চ পচ্চযা তযো খন্ধা দিট্ঠাসৰো অৰিজ্জাসৰো চিত্তসমুট্ঠানঞ্চ রূপং…পে… দ্ৰে খন্ধে…পে… (চক্কং). কামাসৰঞ্চ ৰত্থুঞ্চ পচ্চযা দিট্ঠাসৰো অৰিজ্জাসৰো সম্পযুত্তকা চ খন্ধা (চক্কং. সংখিত্তং). (৩)

১. পচ্চযানুলোমং

২. সঙ্খ্যাৰারো

১২. হেতুযা নৰ, আরম্মণে নৰ, অধিপতিযা নৰ…পে… ৰিপাকে একং…পে… অৰিগতে নৰ.

অনুলোমং.

২. পচ্চযপচ্চনীযং

১. ৰিভঙ্গৰারো

নহেতুপচ্চযো

১৩. নোআসৰং ধম্মং পচ্চযা নোআসৰো ধম্মো উপ্পজ্জতি নহেতুপচ্চযা – অহেতুকং নোআসৰং একং খন্ধং পচ্চযা তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… (যাৰ অসঞ্ঞসত্তা) চক্খাযতনং পচ্চযা চক্খুৰিঞ্ঞাণং…পে… কাযাযতনং পচ্চযা কাযৰিঞ্ঞাণং… ৰত্থুং পচ্চযা অহেতুকা নোআসৰা খন্ধা. (১)

নোআসৰং ধম্মং পচ্চযা আসৰো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো. (২)

২. পচ্চযপচ্চনীযং

২. সঙ্খ্যাৰারো

১৪. নহেতুযা দ্ৰে, নআরম্মণে তীণি, নঅধিপতিযা নৰ…পে… নকম্মে তীণি…পে… নৰিপ্পযুত্তে নৰ, নোনত্থিযা তীণি, নোৰিগতে তীণি (এৰং সব্বে গণনা গণেতব্বা).

৪. নিস্সযৰারো

(নিস্সযৰারো পচ্চযৰারসদিসো.)

৫. সংসট্ঠৰারো

১-৪. পচ্চযানুলোমাদি

১৫. আসৰং ধম্মং সংসট্ঠো আসৰো ধম্মো উপ্পজ্জতি হেতুপচ্চযা – কামাসৰং সংসট্ঠো দিট্ঠাসৰো অৰিজ্জাসৰো (চক্কং. সংখিত্তং).

হেতুযা নৰ, আরম্মণে নৰ (সব্বত্থ নৰ), ৰিপাকে একং…পে… অৰিগতে নৰ.

নহেতুযা দ্ৰে, নঅধিপতিযা নৰ, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নঝানে একং, নমগ্গে একং, নৰিপ্পযুত্তে নৰ.

৬. সম্পযুত্তৰারো

(গণনাপি সম্পযুত্তৰারোপি সংসট্ঠৰারসদিসো.)

৭. পঞ্হাৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১৬. আসৰো ধম্মো আসৰস্স ধম্মস্স হেতুপচ্চযেন পচ্চযো – কামাসৰো দিট্ঠাসৰস্স অৰিজ্জাসৰস্স হেতুপচ্চযেন পচ্চযো; ভৰাসৰো অৰিজ্জাসৰস্স হেতুপচ্চযেন পচ্চযো (চক্কং). (১)

আসৰো ধম্মো নোআসৰস্স ধম্মস্স হেতুপচ্চযেন পচ্চযো – আসৰা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (২)

আসৰো ধম্মো আসৰস্স চ নোআসৰস্স চ ধম্মস্স হেতুপচ্চযেন পচ্চযো – কামাসৰো দিট্ঠাসৰস্স অৰিজ্জাসৰস্স সম্পযুত্তকানঞ্চ খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

১৭. নোআসৰো ধম্মো নোআসৰস্স ধম্মস্স হেতুপচ্চযেন পচ্চযো – নোআসৰা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

নোআসৰো ধম্মো আসৰস্স ধম্মস্স হেতুপচ্চযেন পচ্চযো – নোআসৰা হেতূ সম্পযুত্তকানং আসৰানং হেতুপচ্চযেন পচ্চযো. (২)

নোআসৰো ধম্মো আসৰস্স চ নোআসৰস্স চ ধম্মস্স হেতুপচ্চযেন পচ্চযো – নোআসৰা হেতূ সম্পযুত্তকানং খন্ধানং আসৰানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

আসৰো চ নোআসৰো চ ধম্মা নোআসৰস্স ধম্মস্স হেতুপচ্চযেন পচ্চযো – আসৰা চ নোআসৰা চ হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (১)

আরম্মণপচ্চযো

১৮. আসৰো ধম্মো আসৰস্স ধম্মস্স আরম্মণপচ্চযেন পচ্চযো – আসৰে আরব্ভ আসৰা উপ্পজ্জন্তি. (১)

আসৰো ধম্মো নোআসৰস্স ধম্মস্স আরম্মণপচ্চযেন পচ্চযো – আসৰে আরব্ভ নোআসৰা খন্ধা উপ্পজ্জন্তি. (২)

আসৰো ধম্মো আসৰস্স চ নোআসৰস্স চ ধম্মস্স আরম্মণপচ্চযেন পচ্চযো – আসৰে আরব্ভ আসৰা চ সম্পযুত্তকা চ খন্ধা উপ্পজ্জন্তি. (৩)

১৯. নোআসৰো ধম্মো নোআসৰস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে…পে… ঝানা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি, নিব্বানং পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; অরিযা নোআসৰে পহীনে কিলেসে…পে… ৰিক্খম্ভিতে কিলেসে…পে… পুব্বে সমুদাচিণ্ণে কিলেসে জানন্তি, চক্খুং…পে… ৰত্থুং নোআসৰে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন নোআসৰচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… নোআসৰা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

নোআসৰো ধম্মো আসৰস্স ধম্মস্স আরম্মণপচ্চযেন পচ্চযো – দানং দত্ৰা…পে… তং অস্সাদেতি অভিনন্দতি, তং আরব্ভ আসৰা উপ্পজ্জন্তি, সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৰত্থুং নোআসৰে খন্ধে অস্সাদেতি অভিনন্দতি, তং আরব্ভ আসৰা উপ্পজ্জন্তি. (২)

নোআসৰো ধম্মো আসৰস্স চ নোআসৰস্স চ ধম্মস্স আরম্মণপচ্চযেন পচ্চযো – দানং দত্ৰা…পে… (দুতিযগমনং) নোআসৰে খন্ধে অস্সাদেতি অভিনন্দতি, তং আরব্ভ আসৰা চ সম্পযুত্তকা চ খন্ধা উপ্পজ্জন্তি. (৩)

২০. আসৰো চ নোআসৰো চ ধম্মা আসৰস্স ধম্মস্স আরম্মণপচ্চযেন পচ্চযো – আসৰে চ সম্পযুত্তকে চ খন্ধে আরব্ভ আসৰা উপ্পজ্জন্তি. (১)

আসৰো চ নোআসৰো চ ধম্মা নোআসৰস্স ধম্মস্স আরম্মণপচ্চযেন পচ্চযো – আসৰে চ সম্পযুত্তকে চ খন্ধে আরব্ভ নোআসৰা খন্ধা উপ্পজ্জন্তি. (২)

আসৰো চ নোআসৰো চ ধম্মা আসৰস্স চ নোআসৰস্স চ ধম্মস্স আরম্মণপচ্চযেন পচ্চযো – আসৰে চ সম্পযুত্তকে চ খন্ধে আরব্ভ আসৰা চ সম্পযুত্তকা চ খন্ধা উপ্পজ্জন্তি. (৩)

অধিপতিপচ্চযো

২১. আসৰো ধম্মো আসৰস্স ধম্মস্স অধিপতিপচ্চযেন পচ্চযো. আরম্মণাধিপতি – আসৰে গরুং কত্ৰা আসৰা উপ্পজ্জন্তি (তীণি আরম্মণসদিসা, গরুকারম্মণা কাতব্বা).

নোআসৰো ধম্মো নোআসৰস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… সীলং…পে… উপোসথকম্মং…পে… পুব্বে…পে… ঝানা…পে… অরিযা মগ্গা…পে… ফলং…পে… নিব্বানং গরুং…পে… নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৰত্থুং নোআসৰে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নোআসৰা অধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

নোআসৰো ধম্মো আসৰস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… নোআসৰে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা আসৰা উপ্পজ্জন্তি. সহজাতাধিপতি – নোআসৰা অধিপতি সম্পযুত্তকানং আসৰানং অধিপতিপচ্চযেন পচ্চযো. (২)

নোআসৰো ধম্মো আসৰস্স চ নোআসৰস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং…পে… নোআসৰে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নোআসৰা অধিপতি সম্পযুত্তকানং খন্ধানং আসৰানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

আসৰো চ নোআসৰো চ ধম্মা আসৰস্স ধম্মস্স অধিপতিপচ্চযেন পচ্চযো. আরম্মণাধিপতি – আসৰে চ সম্পযুত্তকে চ খন্ধে গরুং কত্ৰা অস্সাদেতি…পে… আসৰা উপ্পজ্জন্তি (তীণি, গরুকারম্মণা).

অনন্তরপচ্চযো

২২. আসৰো ধম্মো আসৰস্স ধম্মস্স অনন্তরপচ্চযেন পচ্চযো – পুরিমা পুরিমা আসৰা পচ্ছিমানং পচ্ছিমানং আসৰানং অনন্তরপচ্চযেন পচ্চযো. (১)

আসৰো ধম্মো নোআসৰস্স ধম্মস্স অনন্তরপচ্চযেন পচ্চযো – পুরিমা পুরিমা আসৰা পচ্ছিমানং পচ্ছিমানং নোআসৰানং খন্ধানং অনন্তরপচ্চযেন পচ্চযো; আসৰা ৰুট্ঠানস্স অনন্তরপচ্চযেন পচ্চযো. (২)

আসৰো ধম্মো আসৰস্স চ নোআসৰস্স চ ধম্মস্স অনন্তরপচ্চযেন পচ্চযো – পুরিমা পুরিমা আসৰা পচ্ছিমানং পচ্ছিমানং আসৰানং সম্পযুত্তকানঞ্চ খন্ধানং অনন্তরপচ্চযেন পচ্চযো. (৩)

২৩. নোআসৰো ধম্মো নোআসৰস্স ধম্মস্স অনন্তরপচ্চযেন পচ্চযো – পুরিমা পুরিমা নোআসৰা খন্ধা পচ্ছিমানং পচ্ছিমানং নোআসৰানং খন্ধানং অনন্তরপচ্চযেন পচ্চযো; অনুলোমং গোত্রভুস্স…পে… ফলসমাপত্তিযা অনন্তরপচ্চযেন পচ্চযো. (১)

নোআসৰো ধম্মো আসৰস্স ধম্মস্স অনন্তরপচ্চযেন পচ্চযো – পুরিমা পুরিমা নোআসৰা খন্ধা পচ্ছিমানং পচ্ছিমানং আসৰানং অনন্তরপচ্চযেন পচ্চযো; আৰজ্জনা আসৰানং অনন্তরপচ্চযেন পচ্চযো. (২)

নোআসৰো ধম্মো আসৰস্স চ নোআসৰস্স চ ধম্মস্স অনন্তরপচ্চযেন পচ্চযো – পুরিমা পুরিমা নোআসৰা খন্ধা পচ্ছিমানং পচ্ছিমানং আসৰানং সম্পযুত্তকানঞ্চ খন্ধানং অনন্তরপচ্চযেন পচ্চযো. (৩)

২৪. আসৰো চ নোআসৰো চ ধম্মা আসৰস্স ধম্মস্স অনন্তরপচ্চযেন পচ্চযো… তীণি.

সমনন্তরপচ্চযাদি

২৫. আসৰো ধম্মো আসৰস্স ধম্মস্স সমনন্তরপচ্চযেন পচ্চযো… সহজাতপচ্চযেন পচ্চযো… নৰ… অঞ্ঞমঞ্ঞপচ্চযেন পচ্চযো… নৰ… নিস্সযপচ্চযেন পচ্চযো… নৰ (ৰত্থু চ দস্সেতব্বং).

উপনিস্সযপচ্চযো

২৬. আসৰো ধম্মো আসৰস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – আসৰা আসৰানং উপনিস্সযপচ্চযেন পচ্চযো (তীণি).

২৭. নোআসৰো ধম্মো নোআসৰস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

নোআসৰো ধম্মো আসৰস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সঙ্ঘং ভিন্দতি, সদ্ধা…পে… সেনাসনং রাগস্স…পে… পত্থনায উপনিস্সযপচ্চযেন পচ্চযো. (২)

নোআসৰো ধম্মো আসৰস্স চ নোআসৰস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায…পে… পাণং হনতি…পে… সঙ্ঘং ভিন্দতি, সদ্ধা…পে… সেনাসনং রাগস্স…পে… পত্থনায উপনিস্সযপচ্চযেন পচ্চযো. (৩)

আসৰো চ নোআসৰো চ ধম্মা আসৰস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো… তীণি.

পুরেজাতপচ্চযো

২৮. নোআসৰো ধম্মো নোআসৰস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং …পে… ৰত্থুং (এৰং ৰিত্থারেতব্বং), ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স, ৰত্থু নোআসৰানং খন্ধানং পুরেজাতপচ্চযেন পচ্চযো. (১)

নোআসৰো ধম্মো আসৰস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ আসৰা উপ্পজ্জন্তি. ৰত্থুপুরেজাতং – ৰত্থু আসৰানং পুরেজাতপচ্চযেন পচ্চযো. (২)

নোআসৰো ধম্মো আসৰস্স চ নোআসৰস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ আসৰা চ সম্পযুত্তকা চ খন্ধা উপ্পজ্জন্তি. ৰত্থুপুরেজাতং – ৰত্থু আসৰানঞ্চ আসৰসম্পযুত্তকানঞ্চ খন্ধানং পুরেজাতপচ্চযেন পচ্চযো. (৩)

পচ্ছাজাতপচ্চযো

২৯. আসৰো ধম্মো নোআসৰস্স ধম্মস্স পচ্ছাজাতপচ্চযেন পচ্চযো – পচ্ছাজাতা আসৰা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

নোআসৰো ধম্মো নোআসৰস্স ধম্মস্স পচ্ছাজাতপচ্চযেন পচ্চযো – পচ্ছাজাতা নোআসৰা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসৰো চ নোআসৰো চ ধম্মা নোআসৰস্স ধম্মস্স পচ্ছাজাতপচ্চযেন পচ্চযো – পচ্ছাজাতা আসৰা চ সম্পযুত্তকা চ খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৰনপচ্চযো

৩০. আসৰো ধম্মো আসৰস্স ধম্মস্স আসেৰনপচ্চযেন পচ্চযো… নৰ.

কম্মপচ্চযো

৩১. নোআসৰো ধম্মো নোআসৰস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নোআসৰা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নোআসৰা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (১)

নোআসৰো ধম্মো আসৰস্স ধম্মস্স কম্মপচ্চযেন পচ্চযো – নোআসৰা চেতনা সম্পযুত্তকানং আসৰানং কম্মপচ্চযেন পচ্চযো. (২)

নোআসৰো ধম্মো আসৰস্স চ নোআসৰস্স চ ধম্মস্স কম্মপচ্চযেন পচ্চযো – নোআসৰা চেতনা সম্পযুত্তকানং খন্ধানং আসৰানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

ৰিপাকাহারপচ্চযা

৩২. নোআসৰো ধম্মো নোআসৰস্স ধম্মস্স ৰিপাকপচ্চযেন পচ্চযো… একং, আহারপচ্চযেন পচ্চযো – নোআসৰা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো; পটিসন্ধিক্খণে…পে… কবল়ীকারো আহারো ইমস্স কাযস্স আহারপচ্চযেন পচ্চযো. (১)

নোআসৰো ধম্মো আসৰস্স ধম্মস্স আহারপচ্চযেন পচ্চযো – নোআসৰা আহারা সম্পযুত্তকানং আসৰানং আহারপচ্চযেন পচ্চযো. (২)

নোআসৰো ধম্মো আসৰস্স চ নোআসৰস্স চ ধম্মস্স আহারপচ্চযেন পচ্চযো – নোআসৰা আহারা সম্পযুত্তকানং খন্ধানং আসৰানং চিত্তসমুট্ঠানানঞ্চ রূপানং আহারপচ্চযেন পচ্চযো. (৩)

ইন্দ্রিযপচ্চযাদি

৩৩. নোআসৰো ধম্মো নোআসৰস্স ধম্মস্স ইন্দ্রিযপচ্চযেন পচ্চযো – নোআসৰা ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো; পটিসন্ধিক্খণে…পে… চক্খুন্দ্রিযং চক্খুৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স…পে… রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো… তীণি… ঝানপচ্চযেন পচ্চযো… তীণি… মগ্গপচ্চযেন পচ্চযো… নৰ… সম্পযুত্তপচ্চযেন পচ্চযো… নৰ.

ৰিপ্পযুত্তপচ্চযো

৩৪. আসৰো ধম্মো নোআসৰস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – আসৰা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – আসৰা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

৩৫. নোআসৰো ধম্মো নোআসৰস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – নোআসৰা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে… খন্ধা ৰত্থুস্স ৰিপ্পযুত্তপচ্চযেন পচ্চযো, ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নোআসৰানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – নোআসৰা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

নোআসৰো ধম্মো আসৰস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু আসৰানং ৰিপ্পযুত্তপচ্চযেন পচ্চযো. (২)

নোআসৰো ধম্মো আসৰস্স চ নোআসৰস্স চ ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু আসৰানং সম্পযুত্তকানঞ্চ খন্ধানং ৰিপ্পযুত্তপচ্চযেন পচ্চযো. (৩)

৩৬. আসৰো চ নোআসৰো চ ধম্মা নোআসৰস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – আসৰা চ সম্পযুত্তকা চ খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – আসৰা চ সম্পযুত্তকা চ খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অত্থিপচ্চযো

৩৭. আসৰো ধম্মো আসৰস্স ধম্মস্স অত্থিপচ্চযেন পচ্চযো – কামাসৰো দিট্ঠাসৰস্স অৰিজ্জাসৰস্স অত্থিপচ্চযেন পচ্চযো (চক্কং). (১)

আসৰো ধম্মো নোআসৰস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – আসৰা সম্পযুত্তকানং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো. পচ্ছাজাতা – আসৰা পুরেজাতস্স ইমস্স কাযস্স অত্থিপচ্চযেন পচ্চযো. (২)

আসৰো ধম্মো আসৰস্স চ নোআসৰস্স চ ধম্মস্স অত্থিপচ্চযেন পচ্চযো – কামাসৰো দিট্ঠাসৰস্স অৰিজ্জাসৰস্স সম্পযুত্তকানং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো (চক্কং). (৩)

৩৮. নোআসৰো ধম্মো নোআসৰস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – নোআসৰো একো খন্ধো তিণ্ণন্নং খন্ধানং…পে… (যাৰ অসঞ্ঞসত্তা). পুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নোআসৰানং খন্ধানং অত্থিপচ্চযেন পচ্চযো. পচ্ছাজাতা – নোআসৰা খন্ধা পুরেজাতস্স ইমস্স কাযস্স অত্থিপচ্চযেন পচ্চযো; কবল়ীকারো আহারো ইমস্স কাযস্স অত্থিপচ্চযেন পচ্চযো; রূপজীৰিতিন্দ্রিযং কটত্তারূপানং অত্থিপচ্চযেন পচ্চযো. (১)

নোআসৰো ধম্মো আসৰস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতা – নোআসৰা খন্ধা আসৰানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ আসৰা উপ্পজ্জন্তি, ৰত্থু আসৰানং অত্থিপচ্চযেন পচ্চযো. (২)