১. ৰিভঙ্গৰারো

হেতুপচ্চযো

১১৫. আসৰঞ্চেৰ আসৰসম্পযুত্তঞ্চ ধম্মং পটিচ্চ আসৰো চেৰ আসৰসম্পযুত্তো চ ধম্মো উপ্পজ্জতি হেতুপচ্চযা – কামাসৰং পটিচ্চ দিট্ঠাসৰো অৰিজ্জাসৰো (চক্কং বন্ধিতব্বং). ভৰাসৰং পটিচ্চ অৰিজ্জাসৰো (চক্কং বন্ধিতব্বং). দিট্ঠাসৰং পটিচ্চ অৰিজ্জাসৰো. (১)

আসৰঞ্চেৰ আসৰসম্পযুত্তঞ্চ ধম্মং পটিচ্চ আসৰসম্পযুত্তো চেৰ নো চ আসৰো ধম্মো উপ্পজ্জতি হেতুপচ্চযা – আসৰে পটিচ্চ সম্পযুত্তকা খন্ধা. (২)

আসৰঞ্চেৰ আসৰসম্পযুত্তঞ্চ ধম্মং পটিচ্চ আসৰো চেৰ আসৰসম্পযুত্তো চ আসৰসম্পযুত্তো চেৰ নো চ আসৰো চ ধম্মা উপ্পজ্জন্তি হেতুপচ্চযা – আসৰসম্পযুত্তং কামাসৰং পটিচ্চ দিট্ঠাসৰো অৰিজ্জাসৰো সম্পযুত্তকা চ খন্ধা (সব্বং চক্কং). (৩)

১১৬. আসৰসম্পযুত্তঞ্চেৰ নো চ আসৰং ধম্মং পটিচ্চ আসৰসম্পযুত্তো চেৰ নো চ আসৰো ধম্মো উপ্পজ্জতি হেতুপচ্চযা – আসৰসম্পযুত্তঞ্চেৰ নো চ আসৰং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

আসৰসম্পযুত্তঞ্চেৰ নো চ আসৰং ধম্মং পটিচ্চ আসৰো চেৰ আসৰসম্পযুত্তো চ ধম্মো উপ্পজ্জতি হেতুপচ্চযা – আসৰসম্পযুত্তঞ্চেৰ নো চ আসৰে খন্ধে পটিচ্চ আসৰা. (২)

আসৰসম্পযুত্তঞ্চেৰ নো চ আসৰং ধম্মং পটিচ্চ আসৰো চেৰ আসৰসম্পযুত্তো চ আসৰসম্পযুত্তো চেৰ নো চ আসৰো চ ধম্মা উপ্পজ্জন্তি হেতুপচ্চযা – আসৰসম্পযুত্তঞ্চেৰ নো চ আসৰং একং খন্ধং পটিচ্চ তযো খন্ধা আসৰা চ…পে… দ্ৰে খন্ধে…পে…. (৩)

১১৭. আসৰঞ্চেৰ আসৰসম্পযুত্তঞ্চ আসৰসম্পযুত্তঞ্চেৰ নো চ আসৰঞ্চ ধম্মং পটিচ্চ আসৰো চেৰ আসৰসম্পযুত্তো চ ধম্মো উপ্পজ্জতি হেতুপচ্চযা – কামাসৰঞ্চ সম্পযুত্তকে চ খন্ধে পটিচ্চ দিট্ঠাসৰো অৰিজ্জাসৰো (সব্বং চক্কং). (১)

আসৰঞ্চেৰ আসৰসম্পযুত্তঞ্চ আসৰসম্পযুত্তঞ্চেৰ নো চ আসৰঞ্চ ধম্মং পটিচ্চ আসৰসম্পযুত্তো চেৰ নো চ আসৰো ধম্মো উপ্পজ্জতি হেতুপচ্চযা – আসৰসম্পযুত্তঞ্চেৰ নো চ আসৰং একং খন্ধঞ্চ আসৰে চ পটিচ্চ তযো খন্ধা…পে… দ্ৰে খন্ধে…পে…. (২)

আসৰঞ্চেৰ আসৰসম্পযুত্তঞ্চ আসৰসম্পযুত্তঞ্চেৰ নো চ আসৰঞ্চ ধম্মং পটিচ্চ আসৰো চেৰ আসৰসম্পযুত্তো চ আসৰসম্পযুত্তো চেৰ নো চ আসৰো চ ধম্মা উপ্পজ্জন্তি হেতুপচ্চযা – আসৰসম্পযুত্তঞ্চেৰ নো চ আসৰং একং খন্ধঞ্চ কামাসৰঞ্চ পটিচ্চ তযো খন্ধা দিট্ঠাসৰো অৰিজ্জাসৰো…পে… দ্ৰে খন্ধে…পে…. (৩)

(চক্কং. এৰং সব্বে পচ্চযা কাতব্বা.)