১. পচ্চযানুলোমং

১. ৰিভঙ্গৰারো

(পঞ্হাৰারে হেতুপচ্চযেপি আরম্মণপচ্চযেপি লোকুত্তরং ন কাতব্বং, সেখা গোত্রভুং পচ্চৰেক্খন্তি, ৰোদানং পচ্চৰেক্খন্তীতি কাতব্বা. অধিপতিপচ্চযম্পি সব্বং জানিত্ৰা কাতব্বং.)

অনন্তরপচ্চযো

১১২. আসৰো চেৰ সাসৰো চ ধম্মো আসৰস্স চেৰ সাসৰস্স চ ধম্মস্স অনন্তরপচ্চযেন পচ্চযো – পুরিমা পুরিমা আসৰা পচ্ছিমানং পচ্ছিমানং আসৰানং অনন্তরপচ্চযেন পচ্চযো. (১)

আসৰো চেৰ সাসৰো চ ধম্মো সাসৰস্স চেৰ নো চ আসৰস্স ধম্মস্স অনন্তরপচ্চযেন পচ্চযো – পুরিমা পুরিমা আসৰা পচ্ছিমানং পচ্ছিমানং সাসৰঞ্চেৰ নো চ আসৰানং খন্ধানং অনন্তরপচ্চযেন পচ্চযো; আসৰা ৰুট্ঠানস্স অনন্তরপচ্চযেন পচ্চযো. (২)

আসৰো চেৰ সাসৰো চ ধম্মো আসৰস্স চেৰ সাসৰস্স চ সাসৰস্স চেৰ নো চ আসৰস্স চ ধম্মস্স অনন্তরপচ্চযেন পচ্চযো – পুরিমা পুরিমা আসৰা পচ্ছিমানং পচ্ছিমানং আসৰানং সম্পযুত্তকানঞ্চ খন্ধানং অনন্তরপচ্চযেন পচ্চযো. (৩)

১১৩. সাসৰো চেৰ নো চ আসৰো ধম্মো সাসৰস্স চেৰ নো চ আসৰস্স ধম্মস্স অনন্তরপচ্চযেন পচ্চযো – পুরিমা পুরিমা সাসৰা চেৰ নো চ আসৰা খন্ধা পচ্ছিমানং পচ্ছিমানং সাসৰানঞ্চেৰ নো চ আসৰানং খন্ধানং অনন্তরপচ্চযেন পচ্চযো; অনুলোমং গোত্রভুস্স, অনুলোমং ৰোদানস্স, আৰজ্জনা সাসৰানঞ্চেৰ নো চ আসৰানং খন্ধানং অনন্তরপচ্চযেন পচ্চযো. (১)

সাসৰো চেৰ নো চ আসৰো ধম্মো আসৰস্স চেৰ সাসৰস্স চ ধম্মস্স অনন্তরপচ্চযেন পচ্চযো – পুরিমা পুরিমা সাসৰা চেৰ নো চ আসৰা খন্ধা পচ্ছিমানং পচ্ছিমানং আসৰানং অনন্তরপচ্চযেন পচ্চযো; আৰজ্জনা আসৰানং অনন্তরপচ্চযেন পচ্চযো. (২)

সাসৰো চেৰ নো চ আসৰো ধম্মো আসৰস্স চেৰ সাসৰস্স চ সাসৰস্স চেৰ নো চ আসৰস্স চ ধম্মস্স অনন্তরপচ্চযেন পচ্চযো – পুরিমা পুরিমা সাসৰা চেৰ নো চ আসৰা খন্ধা পচ্ছিমানং পচ্ছিমানং আসৰানং সম্পযুত্তকানঞ্চ খন্ধানং অনন্তরপচ্চযেন পচ্চযো; আৰজ্জনা আসৰানং সম্পযুত্তকানঞ্চ খন্ধানং অনন্তরপচ্চযেন পচ্চযো. (৩)

১১৪. আসৰো চেৰ সাসৰো চ সাসৰো চেৰ নো চ আসৰো চ ধম্মা আসৰস্স চেৰ সাসৰস্স চ ধম্মস্স অনন্তরপচ্চযেন পচ্চযো – পুরিমা পুরিমা আসৰা চ সম্পযুত্তকা চ খন্ধা পচ্ছিমানং পচ্ছিমানং আসৰানং অনন্তরপচ্চযেন পচ্চযো. (১)

আসৰো চেৰ সাসৰো চ সাসৰো চেৰ নো চ আসৰো চ ধম্মা সাসৰস্স চেৰ নো চ আসৰস্স ধম্মস্স অনন্তরপচ্চযেন পচ্চযো – পুরিমা পুরিমা আসৰা চ সম্পযুত্তকা চ খন্ধা পচ্ছিমানং পচ্ছিমানং সাসৰানঞ্চেৰ নো চ আসৰানং খন্ধানং অনন্তরপচ্চযেন পচ্চযো; আসৰা চ সম্পযুত্তকা চ খন্ধা ৰুট্ঠানস্স অনন্তরপচ্চযেন পচ্চযো. (২)

আসৰো চেৰ সাসৰো চ সাসৰো চেৰ নো চ আসৰো চ ধম্মা আসৰস্স চেৰ সাসৰস্স চ সাসৰস্স চেৰ নো চ আসৰস্স চ ধম্মস্স অনন্তরপচ্চযেন পচ্চযো – পুরিমা পুরিমা আসৰা চ সম্পযুত্তকা চ খন্ধা পচ্ছিমানং পচ্ছিমানং আসৰানং সম্পযুত্তকানঞ্চ খন্ধানং অনন্তরপচ্চযেন পচ্চযো (এৰং সব্বং ৰিত্থারেতব্বং). (৩)

(আসৰদুকেপি অনন্তরং ইমিনা সদিসং কাতব্বং. আৰজ্জনাপি ৰুট্ঠানম্পি এৰং সমুদ্দিট্ঠং সংখিত্তং. সব্বং পরিপুণ্ণং. আসৰদুকসদিসং কাতব্বং, নিন্নানং.)

আসৰসাসৰদুকং নিট্ঠিতং.