১. ৰিভঙ্গৰারো

হেতুপচ্চযো

১০৯. আসৰঞ্চেৰ সাসৰঞ্চ ধম্মং পটিচ্চ আসৰো চেৰ সাসৰো চ ধম্মো উপ্পজ্জতি হেতুপচ্চযা – কামাসৰং পটিচ্চ দিট্ঠাসৰো অৰিজ্জাসৰো (চক্কং বন্ধিতব্বং) ভৰাসৰং পটিচ্চ অৰিজ্জাসৰো (চক্কং বন্ধিতব্বং) দিট্ঠাসৰং পটিচ্চ অৰিজ্জাসৰো. (১)

আসৰঞ্চেৰ সাসৰঞ্চ ধম্মং পটিচ্চ সাসৰো চেৰ নো চ আসৰো ধম্মো উপ্পজ্জতি হেতুপচ্চযা – আসৰে পটিচ্চ সম্পযুত্তকা খন্ধা চিত্তসমুট্ঠানঞ্চ রূপং. (২)

আসৰঞ্চেৰ সাসৰঞ্চ ধম্মং পটিচ্চ আসৰো চেৰ সাসৰো চ সাসৰো চেৰ নো চ আসৰো চ ধম্মা উপ্পজ্জন্তি হেতুপচ্চযা – কামাসৰং পটিচ্চ দিট্ঠাসৰো অৰিজ্জাসৰো সম্পযুত্তকা খন্ধা চিত্তসমুট্ঠানঞ্চ রূপং, ভৰাসৰং (চক্কং বন্ধিতব্বং). (৩)

১১০. সাসৰঞ্চেৰ নো চ আসৰং ধম্মং পটিচ্চ সাসৰো চেৰ নো চ আসৰো ধম্মো উপ্পজ্জতি হেতুপচ্চযা – সাসৰঞ্চেৰ নো চ আসৰং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং…পে…. (১)

সাসৰঞ্চেৰ নো চ আসৰং ধম্মং পটিচ্চ আসৰো চেৰ সাসৰো চ ধম্মো উপ্পজ্জতি হেতুপচ্চযা – সাসৰে চেৰ নো চ আসৰে খন্ধে পটিচ্চ আসৰা. (২)

সাসৰঞ্চেৰ নো চ আসৰং ধম্মং পটিচ্চ আসৰো চেৰ সাসৰো চ সাসৰো চেৰ নো চ আসৰো চ ধম্মা উপ্পজ্জন্তি হেতুপচ্চযা – সাসৰঞ্চেৰ নো চ আসৰং একং খন্ধং পটিচ্চ তযো খন্ধা আসৰা চ চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

১১১. আসৰঞ্চেৰ সাসৰঞ্চ সাসৰঞ্চেৰ নো চ আসৰঞ্চ ধম্মং পটিচ্চ আসৰো চেৰ সাসৰো চ ধম্মো উপ্পজ্জতি হেতুপচ্চযা – কামাসৰঞ্চ সম্পযুত্তকে চ খন্ধে পটিচ্চ দিট্ঠাসৰো অৰিজ্জাসৰো (এৰং চক্কং বন্ধিতব্বং). (১)

আসৰঞ্চেৰ সাসৰঞ্চ সাসৰঞ্চেৰ নো চ আসৰঞ্চ ধম্মং পটিচ্চ সাসৰো চেৰ নো চ আসৰো ধম্মো উপ্পজ্জতি হেতুপচ্চযা – সাসৰঞ্চেৰ নো চ আসৰং একং খন্ধঞ্চ আসৰে চ পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে চ…পে…. (২)

আসৰঞ্চেৰ সাসৰঞ্চ সাসৰঞ্চেৰ নো চ আসৰঞ্চ ধম্মং পটিচ্চ আসৰো চেৰ সাসৰো চ সাসৰো চেৰ নো চ আসৰো চ ধম্মা উপ্পজ্জন্তি হেতুপচ্চযা – সাসৰঞ্চেৰ নো চ আসৰং একং খন্ধঞ্চ কামাসৰঞ্চ পটিচ্চ তযো খন্ধা দিট্ঠাসৰো অৰিজ্জাসৰো চিত্তসমুট্ঠানঞ্চ রূপং…পে… দ্ৰে খন্ধে চ…পে… (চক্কং. সংখিত্তং). (৩)