১. ৰিভঙ্গৰারো

নহেতুপচ্চযো

৫৬. আসৰসম্পযুত্তং ধম্মং পটিচ্চ আসৰৰিপ্পযুত্তো ধম্মো উপ্পজ্জতি নহেতুপচ্চযা – ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

আসৰৰিপ্পযুত্তং ধম্মং পটিচ্চ আসৰৰিপ্পযুত্তো ধম্মো উপ্পজ্জতি নহেতুপচ্চযা – অহেতুকং আসৰৰিপ্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… অহেতুকপটিসন্ধিক্খণে…পে… (যাৰ আসঞ্ঞসত্তা). (১)

নআরম্মণপচ্চযো

৫৭. আসৰসম্পযুত্তং ধম্মং পটিচ্চ আসৰৰিপ্পযুত্তো ধম্মো উপ্পজ্জতি নআরম্মণপচ্চযা – আসৰসম্পযুত্তে খন্ধে পটিচ্চ চিত্তসমুট্ঠানং রূপং. (১)

আসৰৰিপ্পযুত্তং ধম্মং পটিচ্চ আসৰৰিপ্পযুত্তো ধম্মো উপ্পজ্জতি নআরম্মণপচ্চযা – আসৰৰিপ্পযুত্তে খন্ধে পটিচ্চ চিত্তসমুট্ঠানং রূপং, দোমনস্সসহগতং ৰিচিকিচ্ছাসহগতং উদ্ধচ্চসহগতং মোহং পটিচ্চ চিত্তসমুট্ঠানং রূপং; পটিসন্ধিক্খণে…পে… খন্ধে পটিচ্চ ৰত্থু, একং মহাভূতং…পে… (যাৰ অসঞ্ঞসত্তা). (১)

আসৰসম্পযুত্তঞ্চ আসৰৰিপ্পযুত্তঞ্চ ধম্মং পটিচ্চ আসৰৰিপ্পযুত্তো ধম্মো উপ্পজ্জতি নআরম্মণপচ্চযা – আসৰসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং রূপং, দোমনস্সসহগতে ৰিচিকিচ্ছাসহগতে উদ্ধচ্চসহগতে খন্ধে চ মোহঞ্চ পটিচ্চ চিত্তসমুট্ঠানং রূপং. (১)

নঅধিপতিপচ্চযো

৫৮. আসৰসম্পযুত্তং ধম্মং পটিচ্চ আসৰসম্পযুত্তো ধম্মো উপ্পজ্জতি নঅধিপতিপচ্চযা (সংখিত্তং).

নপুরেজাতপচ্চযাদি

৫৯. আসৰসম্পযুত্তং ধম্মং পটিচ্চ আসৰসম্পযুত্তো ধম্মো উপ্পজ্জতি নপুরেজাতপচ্চযা – অরূপে আসৰসম্পযুত্তং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

আসৰসম্পযুত্তং ধম্মং পটিচ্চ আসৰৰিপ্পযুত্তো ধম্মো উপ্পজ্জতি নপুরেজাতপচ্চযা – অরূপে ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো, আসৰসম্পযুত্তে খন্ধে পটিচ্চ চিত্তসমুট্ঠানং রূপং. (২)

আসৰসম্পযুত্তং ধম্মং পটিচ্চ আসৰসম্পযুত্তো চ আসৰৰিপ্পযুত্তো চ ধম্মা উপ্পজ্জন্তি নপুরেজাতপচ্চযা – অরূপে ৰিচিকিচ্ছাসহগতং উদ্ধচ্চসহগতং একং খন্ধং পটিচ্চ তযো খন্ধা মোহো চ…পে… দ্ৰে খন্ধে…পে…. (৩)

৬০. আসৰৰিপ্পযুত্তং ধম্মং পটিচ্চ আসৰৰিপ্পযুত্তো ধম্মো উপ্পজ্জতি নপুরেজাতপচ্চযা – অরূপে আসৰৰিপ্পযুত্তং একং খন্ধং পটিচ্চ তযো খন্ধা…পে… দ্ৰে খন্ধে…পে… আসৰৰিপ্পযুত্তে খন্ধে পটিচ্চ চিত্তসমুট্ঠানং রূপং, দোমনস্সসহগতং ৰিচিকিচ্ছাসহগতং উদ্ধচ্চসহগতং মোহং পটিচ্চ চিত্তসমুট্ঠানং রূপং; পটিসন্ধিক্খণে…পে… (যাৰ অসঞ্ঞসত্তা). (১)

আসৰৰিপ্পযুত্তং ধম্মং পটিচ্চ আসৰসম্পযুত্তো ধম্মো উপ্পজ্জতি নপুরেজাতপচ্চযা – অরূপে ৰিচিকিচ্ছাসহগতং উদ্ধচ্চসহগতং মোহং পটিচ্চ সম্পযুত্তকা খন্ধা. (২)

৬১. আসৰসম্পযুত্তঞ্চ আসৰৰিপ্পযুত্তঞ্চ ধম্মং পটিচ্চ আসৰসম্পযুত্তো ধম্মো উপ্পজ্জতি নপুরেজাতপচ্চযা – অরূপে ৰিচিকিচ্ছাসহগতং উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৰে খন্ধে চ…পে…. (১)

আসৰসম্পযুত্তঞ্চ আসৰৰিপ্পযুত্তঞ্চ ধম্মং পটিচ্চ আসৰৰিপ্পযুত্তো ধম্মো উপ্পজ্জতি নপুরেজাতপচ্চযা – আসৰসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং রূপং, দোমনস্সসহগতে ৰিচিকিচ্ছাসহগতে উদ্ধচ্চসহগতে খন্ধে চ মোহঞ্চ পটিচ্চ চিত্তসমুট্ঠানং রূপং. (২)

(নপচ্ছাজাতপচ্চযা নৰ, নআসেৰনপচ্চযা নৰ.)

নকম্মপচ্চযাদি

৬২. আসৰসম্পযুত্তং ধম্মং পটিচ্চ আসৰসম্পযুত্তো ধম্মো উপ্পজ্জতি নকম্মপচ্চযা – আসৰসম্পযুত্তে খন্ধে পটিচ্চ সম্পযুত্তকা চেতনা. (১)

আসৰৰিপ্পযুত্তং ধম্মং পটিচ্চ আসৰৰিপ্পযুত্তো ধম্মো উপ্পজ্জতি নকম্মপচ্চযা – আসৰৰিপ্পযুত্তে খন্ধে পটিচ্চ ৰিপ্পযুত্তকা চেতনা. (১)

আসৰৰিপ্পযুত্তং ধম্মং পটিচ্চ আসৰসম্পযুত্তো ধম্মো উপ্পজ্জতি নকম্মপচ্চযা – দোমনস্সসহগতং ৰিচিকিচ্ছাসহগতং উদ্ধচ্চসহগতং মোহং পটিচ্চ সম্পযুত্তকা চেতনা. (২)

আসৰসম্পযুত্তঞ্চ আসৰৰিপ্পযুত্তঞ্চ ধম্মং পটিচ্চ আসৰসম্পযুত্তো ধম্মো উপ্পজ্জতি নকম্মপচ্চযা – দোমনস্সসহগতে ৰিচিকিচ্ছাসহগতে উদ্ধচ্চসহগতে খন্ধে চ মোহঞ্চ পটিচ্চ সম্পযুত্তকা চেতনা… নৰিপাকপচ্চযা… নআহারপচ্চযা… নইন্দ্রিযপচ্চযা… নঝানপচ্চযা… নমগ্গপচ্চযা… নসম্পযুত্তপচ্চযা… নৰিপ্পযুত্তপচ্চযা… নোনত্থিপচ্চযা… নোৰিগতপচ্চযা.