১. ৰিভঙ্গৰারো

হেতুপচ্চযো

৪৮. আসৰসম্পযুত্তং ধম্মং পটিচ্চ আসৰসম্পযুত্তো ধম্মো উপ্পজ্জতি হেতুপচ্চযা – আসৰসম্পযুত্তং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

আসৰসম্পযুত্তং ধম্মং পটিচ্চ আসৰৰিপ্পযুত্তো ধম্মো উপ্পজ্জতি হেতুপচ্চযা – আসৰসম্পযুত্তে খন্ধে পটিচ্চ চিত্তসমুট্ঠানং রূপং, দোমনস্সসহগতে খন্ধে পটিচ্চ মোহো চিত্তসমুট্ঠানঞ্চ রূপং. (২)

আসৰসম্পযুত্তং ধম্মং পটিচ্চ আসৰসম্পযুত্তো চ আসৰৰিপ্পযুত্তো চ ধম্মা উপ্পজ্জন্তি হেতুপচ্চযা – আসৰসম্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… দোমনস্সসহগতং একং খন্ধং পটিচ্চ তযো খন্ধা মোহো চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

৪৯. আসৰৰিপ্পযুত্তং ধম্মং পটিচ্চ আসৰৰিপ্পযুত্তো ধম্মো উপ্পজ্জতি হেতুপচ্চযা – আসৰৰিপ্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… দোমনস্সসহগতং ৰিচিকিচ্ছাসহগতং উদ্ধচ্চসহগতং মোহং পটিচ্চ চিত্তসমুট্ঠানং রূপং; পটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা, একং মহাভূতং পটিচ্চ তযো মহাভূতা, তযো মহাভূতে পটিচ্চ একং মহাভূতং, দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

আসৰৰিপ্পযুত্তং ধম্মং পটিচ্চ আসৰসম্পযুত্তো ধম্মো উপ্পজ্জতি হেতুপচ্চযা – দোমনস্সসহগতং ৰিচিকিচ্ছাসহগতং উদ্ধচ্চসহগতং মোহং পটিচ্চ সম্পযুত্তকা খন্ধা. (২)

আসৰৰিপ্পযুত্তং ধম্মং পটিচ্চ আসৰসম্পযুত্তো চ আসৰৰিপ্পযুত্তো চ ধম্মা উপ্পজ্জন্তি হেতুপচ্চযা – দোমনস্সসহগতং ৰিচিকিচ্ছাসহগতং উদ্ধচ্চসহগতং মোহং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং. (৩)

৫০. আসৰসম্পযুত্তঞ্চ আসৰৰিপ্পযুত্তঞ্চ ধম্মং পটিচ্চ আসৰসম্পযুত্তো ধম্মো উপ্পজ্জতি হেতুপচ্চযা – দোমনস্সসহগতং ৰিচিকিচ্ছাসহগতং উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৰে খন্ধে…পে…. (১)

আসৰসম্পযুত্তঞ্চ আসৰৰিপ্পযুত্তঞ্চ ধম্মং পটিচ্চ আসৰৰিপ্পযুত্তো ধম্মো উপ্পজ্জতি হেতুপচ্চযা – আসৰসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং রূপং, দোমনস্সসহগতে ৰিচিকিচ্ছাসহগতে উদ্ধচ্চসহগতে খন্ধে চ মোহঞ্চ পটিচ্চ চিত্তসমুট্ঠানং রূপং. (২)

আসৰসম্পযুত্তঞ্চ আসৰৰিপ্পযুত্তঞ্চ ধম্মং পটিচ্চ আসৰসম্পযুত্তো চ আসৰৰিপ্পযুত্তো চ ধম্মা উপ্পজ্জন্তি হেতুপচ্চযা – দোমনস্সসহগতং ৰিচিকিচ্ছাসহগতং উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা চিত্তসমুট্ঠানঞ্চ রূপং, দ্ৰে খন্ধে…পে…. (৩)

আরম্মণপচ্চযো

৫১. আসৰসম্পযুত্তং ধম্মং পটিচ্চ আসৰসম্পযুত্তো ধম্মো উপ্পজ্জতি আরম্মণপচ্চযা – আসৰসম্পযুত্তং একং খন্ধং পটিচ্চ তযো খন্ধা…পে… দ্ৰে খন্ধে…পে…. (১)

আসৰসম্পযুত্তং ধম্মং পটিচ্চ আসৰৰিপ্পযুত্তো ধম্মো উপ্পজ্জতি আরম্মণপচ্চযা – দোমনস্সসহগতে ৰিচিকিচ্ছাসহগতে উদ্ধচ্চসহগতে খন্ধে পটিচ্চ মোহো. (২)

আসৰসম্পযুত্তং ধম্মং পটিচ্চ আসৰসম্পযুত্তো চ আসৰৰিপ্পযুত্তো চ ধম্মা উপ্পজ্জন্তি আরম্মণপচ্চযা – দোমনস্সসহগতং ৰিচিকিচ্ছাসহগতং উদ্ধচ্চসহগতং একং খন্ধং পটিচ্চ তযো খন্ধা মোহো চ…পে… দ্ৰে খন্ধে…পে…. (৩)

৫২. আসৰৰিপ্পযুত্তং ধম্মং পটিচ্চ আসৰৰিপ্পযুত্তো ধম্মো উপ্পজ্জতি আরম্মণপচ্চযা – আসৰৰিপ্পযুত্তং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে… ৰত্থুং পটিচ্চ খন্ধা. (১) আসৰৰিপ্পযুত্তং ধম্মং পটিচ্চ আসৰসম্পযুত্তো ধম্মো উপ্পজ্জতি আরম্মণপচ্চযা – দোমনস্সসহগতং ৰিচিকিচ্ছাসহগতং উদ্ধচ্চসহগতং মোহং পটিচ্চ সম্পযুত্তকা খন্ধা. (২)

আসৰসম্পযুত্তঞ্চ আসৰৰিপ্পযুত্তঞ্চ ধম্মং পটিচ্চ আসৰসম্পযুত্তো ধম্মো উপ্পজ্জতি আরম্মণপচ্চযা – দোমনস্সসহগতং ৰিচিকিচ্ছাসহগতং উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৰে খন্ধে…পে…. (১)

অধিপতিপচ্চযো

৫৩. আসৰসম্পযুত্তং ধম্মং পটিচ্চ আসৰসম্পযুত্তো ধম্মো উপ্পজ্জতি অধিপতিপচ্চযা… তীণি.

আসৰৰিপ্পযুত্তং ধম্মং পটিচ্চ আসৰৰিপ্পযুত্তো ধম্মো উপ্পজ্জতি অধিপতিপচ্চযা – আসৰৰিপ্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… দোমনস্সসহগতং মোহং পটিচ্চ চিত্তসমুট্ঠানং রূপং, একং মহাভূতং…পে… মহাভূতে পটিচ্চ চিত্তসমুট্ঠানং রূপং উপাদারূপং. (১)

আসৰৰিপ্পযুত্তং ধম্মং পটিচ্চ আসৰসম্পযুত্তো ধম্মো উপ্পজ্জতি অধিপতিপচ্চযা – দোমনস্সসহগতং মোহং পটিচ্চ সম্পযুত্তকা খন্ধা. (২)

আসৰৰিপ্পযুত্তং ধম্মং পটিচ্চ আসৰসম্পযুত্তো চ আসৰৰিপ্পযুত্তো চ ধম্মা উপ্পজ্জন্তি অধিপতিপচ্চযা – দোমনস্সসহগতং মোহং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং. (৩)

৫৪. আসৰসম্পযুত্তঞ্চ আসৰৰিপ্পযুত্তঞ্চ ধম্মং পটিচ্চ আসৰসম্পযুত্তো ধম্মো উপ্পজ্জতি অধিপতিপচ্চযা – দোমনস্সসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৰে খন্ধে…পে…. (১)

আসৰসম্পযুত্তঞ্চ আসৰৰিপ্পযুত্তঞ্চ ধম্মং পটিচ্চ আসৰৰিপ্পযুত্তো ধম্মো উপ্পজ্জতি অধিপতিপচ্চযা – আসৰসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং রূপং, দোমনস্সসহগতে খন্ধে চ মোহঞ্চ পটিচ্চ চিত্তসমুট্ঠানং রূপং. (২)

আসৰসম্পযুত্তঞ্চ আসৰৰিপ্পযুত্তঞ্চ ধম্মং পটিচ্চ আসৰসম্পযুত্তো চ আসৰৰিপ্পযুত্তো চ ধম্মা উপ্পজ্জন্তি অধিপতিপচ্চযা – দোমনস্সসহগতং একং খন্ধঞ্চ মোহঞ্চ পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

(এৰং সব্বে পচ্চযা ৰিত্থারেতব্বা. সংখিত্তং.)